وش قلتي لابوك يوم جاء خطيبك

السلام عليكم ورحمة الله ..........
من العايدين ان شاء الله (حبيت اعيدكم بدري )

اليوم ابغى اتكلم في موضوع شوي حلو
بس قبل هذا.....حنا طبعا نشوف في المسلسلات او الافلام لما ياجي العريس يخطب البنت بعدين ياجي الاب يسأل بنته (موافقه على العريس او لا )
طبعا تاجي البنت مستحيه ولونها احمرواصفر وماتقدر تنطق وفي النهايه بعد مايبدأ النطق معاها ترد بصوت خفيف (يالي تشوفه)
طبعا خلونا في الامر الواقع الحين
انت لما جاء عريسك علشان يخطبك وجاء ابوك يسألك كيف كان ردت فعلك ؟
انا لما انخطبت (ولان والدي متوفي )فان عمي هو كان وكيلي فلما جاء يسألني توقعت راح يصير في زي المسلسلات حيا وخجل او اركض للغرفه وماارد عليه
بس لما سألني اذا موافقه او لا.... قلت موافقه ..يعني شعوري كان عادي(مع ان يوم الشوفه كنت بطيح على وجهي من الحيا!!)
وانتم وش كان ردت فعلكم ؟؟؟