وصفه لوقف التساقط وللتطويل والتكثيف صدقوني عن تجربه

عزيزاتي هذي اول مشاركة لي وبهذي المناسبه احب اهني الكل بشهر الخير كل عام وانتم بخير جعلنا الله وإياكم ممن اجتهد في طاعة الله وجدد صفحات اعماله بكل عمل يقربنا الى اليه. نرجع لموضوعنا .. عندي وصفه مفيده جدا لوقف التساقط وبالنسبه لي بعد التجربه اراه ان شاء الله حل نهائى حبيت افيدكم فيها...
تاخذين عزيزتي ثوم + بصله + جرجير وتوضع في الخلاط مع قليل من الماء وتخلط وتوضع على الشعر مع فرك فروة الرأس جيدا وتترك مدة ساعة . مرة كل اسبوع او مرتين مع الوقت رح تلاحظين انه شعرك توقف التساقط واصبح كثيف وعلى فكرة هذي الخلطه تساعد في تطويل الشعر وتكثيفة وتقضي على التقصف
طبعا الكل رح يسأل انه الوصفه لها ريحة وكيف نشيل الريحه من الشعر لا تستعجلون عندي الحل لإزالتها .. بعد ماتغسلين شعرك زين بالشامبو اتركيه يجف قليلا طبعا بدون استخدام السشوار خذي بيضه+ ثلاث ملاعق زبادي + ملعقتين خل تفاح + ملعقة زيت زيتون او اي زيت تفضلين واخلطيها واتركيها على شعرك ساعتين واذا حبيتي اكثر من ساعتين مافيه اي مشكله ممكن تزيدين الكميه عل حسب طول شعرك فائدة هذي الخلطة طبعا تحسن من ريحة الشعر وتعطيه نعومة ولمعان وصحه
او ممكن تغسلين شعرك بماء البقدونس المغلي .
وانا مستعده لاي استفسار