يآعسولآت وين آحصل سآندوتش التورتيلآ ب الريآآآض

تبين خبز التورتيلا الصدقي ولا الي طايحين فيه هاليومين؟
الي هابين فيه حريم الرياض لهم فتره ينباع بالمخابز واشهرها مخبز في مركز الصناعات الوطنيه وياخذون منه بالكراتين والمصنع اصلا بالخرج لكن طعمه ماهو تورتيلا طعمه خبز
اما التورتيلا الي اقرب للمكسيكيه .. تلقينه بالسوبرماركات الكبيره قسم الاكلات المستورده او الانترناشنول عند الاكل المكسيكي
الحشوات .. الي تبين
ممكن دجاج وفلفل ملون وفطر
او لحم ستيك مقطع شرائح وفلفل ملون وفطر وهالحشوتين هم الكلاسيك وحتى تلقين طريقتهم على كيس الخبز
في ناس تحط خضار
اكيد البنات بيفيدونك اكثر مني .. لاني بالمطيخ مو مره امشي حالي ههه
بما اني اول وحده رديت عليك ادعيلي ربي يرزقني الحمل السليم الثابت بالقريب العاجل ويقر عيني بشوفه اجنتي تامين الخلق والخلقه بلا زياده ولانقصان وكل من يتمنى

مرحبآآآآ
أنا توني جيت أمس من الدآآآآآآنوب وحصلته داخل بمخبزهم إسمه المعروف " مكسيكي بتحصلينه على الرفوف""
شوفي حبيبتي .. ممكن تحصلينه بمخابز الراشد "" سأأأأأأأألت وكذآآ قالولي وين بالضبط مافهمت زين
بس اللي سمعته إن هالمخبز موقعه بجنوب الرياض ..بالشفاء يعني وضواحيه وما أدل كثير منآآآآك
والأكيد إنه عند " عتيّقه " تعرفين العثيم الكبيرر حق عتيقّه " من هونآآآآآآآك موقع المخبز يعني حوله وحواليه وإسألي
وقالولي برضوو باسواق العويس موجود مخبز او محامص معروفه تبيعه
وبس حياتوو هذا اللي وصلني واتمنى إني أفدتك فيه
وإذا حصلتيه مريني وهاتي كم كيس وياك بالطريق
ههه امزح بالعافيه على قليبك

اهلين اختي
إذا تبين خبز التورتيلا بجميع انواعه موجود بمخابز الراشد بس مايبيع الا بالكرتون وموقعه في مخرج 16 هذا اللي اعرف اذا تبين الوصف موضبوط عطيني خبر اسالك
تحياني

أنا شريته من محل أسمه التورتيلا
قالت لي صدقتي عنه صراحه روعه
شفتي العثيم فيه محل نكتار هو جنبه وعنده بعد دومينيز بيتزا
العثيم اللي عند عتيقه مقابل اكستر

انا شريته من محلات الحمود اللي بطيبه
دعواتك

انا ابيه وين احصله من زمان دوره
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

تلقونه بمحامص الحمود بالعويس وطيبه
:

مخبز الراشد هو الي تكلمت عنه بردي الاول
الي بالصناعات مدري المنتوجات الوطنيه وفعلا يبيعون بالكرتون
شخصيا احسه خبز عادي ماله دخل بالتورتيلا .. بس زي ماذكرت هابين فيه حريم الرياض