يابنات الرياض بليز فزعتكم

السلام عليكم كيفكم يا عرايس اللى تدور مصورة روعه تصوير فوتوغرافى ديجيتال باحدث الخلفيات فوتوشوب اخفاء عيوب تصفية بشرة
البوم الخامات متنوع جلد مخمل ليزر دهبى......الخ
تصوير فيديو ومونتاج للفيديو شاشات عرض
اجهزة الزفه ليزر بخار كشاف
دى جى باحدث السيديهات 2010
للحجز والاستفسار 0533101165 ام محمود بالتوفيق للجميع
داخل وخارج الرياض

اه انا نفس معناتك وخاصه مع التصوير وربي ودي ابكي من جد مو عارفه وش اسوي لازم احجز وانا مااعرف احد
واسعارهم نار على الفاضي من جد كل وحده عندها كاميرا قالت انا مصوره وكل وحد افشل من الثانيه
ياعالم التصوير فن وذوق وخاصه للعرايس مره حرام تخربوا عليهم هذا ليله عمرهم
من جد حاجه تقهر شفت تصوير وحده بالرياض وربي يفشل البنت بتبكي حاطه صورتها في قوقعه والا الصوره الثانيه ع البحر اش اقول واش اخلي تصوير الاطفال افضل بكثير
بليز التصوير مو كذا..انتهى

لا تخوفيني فروحه انا شايله هم ما انام

عروسة هيمو
حياتي انا ماودي اخوفك بس وربي من قهري
روحي شوفي شغلهم مره لاتعتمدي على النت لانك بتنصدمي الناس اذواق ومااحد يعرف ذوق الثاني
انا كنت خلاص بحجز بالنت بس صارت ظروف والحمد لله ماحجزت بعدين وحده من زميلاتي كنت رايحه لاهله في الرياض قلت لها على المصوره
راحت شافتها قالت احمدي ربك ماتصورتي عندها مره فاشله
فقررت ماراح احجز الا يوم اروح الرياض
يعني قبل زواجي بيومين بس
والله يستر انا عارفه اني بتعب كثير ومره شايله هم وممكن احصل ذوقي والاحتمال الاكبر لا بس ما فيه حل غير كذا
والله ييسر امور زواجك وزواجي ونطلع احلى عرايس ويتحقق كل اللي نبيه يارب.

اهلين حبيبتي ارجو تسمحين لي اعطيك راي المتواضع في هذا الموضوع واعتبريني زي اختك واهتمامك من اهتمامي خلاصة الحديث بالصراحه احنا عندنا مشكله الثقه العمياء بلاجنبيات رغم وجود المتميزات والمبدعات من بنات بلدنا بصراحه انا اشوف انك تحجزين قبل المناسبه هذا اكبر غلط بيكون عندهم حجوزات غيرك فاخاف تتوهقين ولا يمديكي تسوين شئ وانا مع الاخت اللي تقول لا تثقين باي وحده من النت لازم تنزلين اربعاء وخميس نهاية الاسبوع وتشوفين الشغل بنفسك وتتفقين معاهم وتشرطين شروطك انك تعطينهم عربون بسيط ضمانا لو ما طلع الشغل حسب الاتفاق وتتفقون على الخلفيه ويكتب بالعقد كل التفاصيل وتوريكي نماذج اذا امكن وانا اقول من الافضل تتعاملين مع وحده عندها مكان وتخاف على سمعتها والاهم تكون صاحبته سعوديه وتشرف عليه حتى لو كانت اغلى شوي على الاقل تضمنين انها ماتغشك واهم ما عليها سمعة محلها مو اللي تشتغل لحسابها ولا فواتير ولا محل معروف ولو صار شي يالله عاد وين تلاقيها واثبتي والتطنيش اللي ماله اخر خصوصا من الاجنبيات تجار الشنطه وانا اقول هالكلام مالي اي مصلحهولا اقطع رزق احد ولكن حبيت افيدك واذكرك ومن ناحية المشاغل عدي واغلطي ما شاء الله واصابعك مو وحده موشرط اللي فاتحه من زمان والمعروفات قديما هم المتميزات لا بالعكس ياما ناس افتحو محلات جديده وتالقوا وصار لهم سمعه وخصوصا اذا كانت صاحبة المحل عندها خبره ودقيقه بشغلها وانا عن نفسي ما ازكيها ولكن نحاول جاهدين ان تكون سمعتنا متميزه وللافضل والله يرزق الجميع وللمره الاخيره اقولك انتبهي من تجار الشنطه وانفعي بنت بلدك ما اعتقد ان بتكون احرص منها عليك ودمتم برعاية الله وحفضه التمس العذرمنك على الاطاله والف مبروك على الجميع والله يتمم لكم على خير