يابنات حائل ساعدوني

اهلين حبيبتي
الكبيبه سهله
نضع بالقدرعلى النار زيت ثم البصل الين يحمر ثم الملح والبهارات والفلفل الاسود وقليل من معجون الطماط و((اذ اردتي فليفله او صرار مقطع صغير )) وبقدونس وكراث مقطع صغير((واذ كنتي تحبين الكزبره حطيها انا مااحبها))
ثم نضع رز<<رز مصري او اي نوع(كلهن جربتهن)مغسول جيدا طبعا بعد ما نطفي النار
هذي الخطوه الاولى
ثم تجبين ورق العنب>>تغسلينه ثم تضعينه في قدر مملؤ بالماء اللي يغلي>>يعني ماتحينه الين يغلي الماء
يجلس بالقدر حوالي خمس او عشر دقائق
ثم الخطوه الثالثه وهي لف الورق ثم طبخه
نبدا باللف<<<نجيب الروقه(ورقة عنب) وتكون العروق اللي في الورق هي اللي ظاهره ونقطع الغصن الصغير اللي في الورقه من اعلى<<ديكور
ثم نضع ملعقه صغيره من الرز ثم نلفها
قبل كل شي نجهز القدر اللي نبي نطبخ فيه ونقطع فيه حلقات من ((البصل والطماط وبعض الخضار واذ اردتي دجاج مقطع يكون الذ))
ونجهز قدر ثاني فيه ماء مغلي وبعض البهارات واذ كان عندك مرقة لحم زين حطيها عليه وخليه يغلي
ثم نلف الورق ونحطه بالقدر اللي فيه حلقات البصل والخضار <<<بجنب بعض ادوار
ثم نصب عليها زيت زيتون <<<على شان تكون كل وحده بحده وملساء لاتخافين ماراح يكون للزيت ريحه
ثم نضع عليها صحن يضغطها <<<انا احط اللي يجن مع طقوم السفره صيني
ثم نروح للقدر اللي فيه المرقه طبعا مغلي ونصب على قدر الورق شوي شوي الين نغطيه
وتكون النار عاليه الين يبربر من فوق ونقصر عليه بالمره
وتغطينه وتخلينه
بعد ساعه اذ خفت المويا ذوقيها اذ كانت ناضجه لينه طفي عليها وخليها نصف ساعه الين تتماسك
ثم كبيها بصحن
واذ ذقتيها وشفتي الرز مو ناضج صبي عليها من المرقه
وبالهناء والعافيه

تسلمين أختي نور الدنيا
شكرا بسويها وادعي لك