ياسنعات تعالوا والي موش سنعات نتسنع ليش لا

1. حبيباتي حبيت اننا نتناقش اليووم عن موضوع اظن انه يهم كل ربة منزل


2. اللي هو بيتك كيف تحافظين عليه وعلى شكله ونظافته وتكونين حرمه سنعه

السلام عليكم ورحمة الله وبركاته
كيفكم ياقمااري ان شاء كل ابووكم بخير

حبيباتي حبيت اننا نتناقش اليووم عن موضوع اظن انه يهم كل ربة منزل

اللي هو بيتك كيف تحافظين عليه وعلى شكله ونظافته وتكونين حرمه سنعه

بتكلم عن نفسي وبصرااحه انا اول ماتزوجت مره كنت مهمله بيتي ولا اعرف اصلا ان البيت يتنظف كثيير لأن امي الله يحفظها ماكانت تخليني اشتغل اببد تخيلوا يابنات والله كانت تجي تشيل من جنبي صحن الاندومي وانا على النت كل اخواتي لهم ايام بالمطبخ الا انا مو علشان سواد عيوني الا علشان ان يومي يمتد الى اسابيع عديده وفي النهايه يكون براس امي الله لا يحرمني منها
ولما تزوجت اذ بي اصدم من الواقع المرير والاليم ههه
طلع الدلع كله من عيني
وازيدكم من الشعر بيت حملت اول ماتزوجت وجا الوحام الله لايعيد ذيك الايام بس خاست نفسي زيياده >>شكلها بتبكي خ
المهم اما الحين قررت اني اسنع نفسي وصرت اعرف ان البيت يحتاج تنظيف تقريبا كل غرفه بالبيت ما اخليها اكثر من 4 ايام الا واكنس الارض وامسح بالمطهر
المواعين صراحه في اليومين مره >>يقالها تسنعت طيري بس باللهي
لأني اكره المواعين مره تأثر على اليد خ
والغسيل اغسل بشكل يوومي والمشكله مايخلص الغسيل
كمان انا بيتي دور ارضي يجي الغبار بطريقه فظيعه
ففكرت بالاشياء اللي بتريحني مثلا اسد فتحات الباب وزي كذا اشياء
عندي اشياء كثير بس ياليت كل وحده تقولنا كيف نظامها بالتنظيف وكيف مقسمه غرف البيت
والافكار اللي تريحك في التنظيف ومن هالقبيل
ونقول لربات البيوت اللي عندهم شغالات ادخلوا الموضوع للشماته فقط ههه ويا حظكم وعقبالنا ههه>>نفسها بشغاله الاخت
ودي وتقديري