ياعرايس الله يوفقكم ويسعدكم أبي مساعدتكم

chocoline-najd

10-11-2022 - 05:58 pm

السلام عليكم ورحمة الله وبركاته
كيفكم ياعرايس وكسف تجهيزكم
الله يوفقكم ويسعدكم ويتمملكم على خير ..
أنا ابي مساعدتكم بهدية عروس ..
صاحبتي بتتزوج تقريبا بعد شهر وأنا و بنتين بنشترك بهديه وميزانيتنا كلها 1200
رحت مجوهرات داماس مره غالي على 11 ألف وأكثر .. وان كان رخيص يكون صغير
لأن مو معقول 3 بنات يشتركوا بهدية صغيره ..
أبيكم تساعدوني بهدية تعجب العرايس ..
وش رايكم عطورات شرقيه وغربيه ولوشنات مثلا من باريس غاليري ولا ماتنفع عيب تكون هدية للعروس؟
الله يخليكم ساعدوني .. وابيكم تدلوني على محلات تغليف هدايا بالرياض يكون شغله حلو وفخم
آآآآآآآآآآآآسفه على الأطاله بس الله يوفقكم عطوني افكار ومساعده

التعليقات (5)

دلــ بنوتة ــع

10-11-2022 - 08:50 pm

انا من رايي تجمعون لها من كل بحر قطرة
اشتري لها تعليقة ذهب مو الماس لأنه يبغالكم اكثر من1200
(مو شرط من داماس فيه محلات غيره )
حطي معها قميص نوم ومعها عطر اللي يجي معه لوشن تلقينه بوجوه او باريس غاليري او قزاز......
وغلفوها بطريقة حلوة وفخمة
او اقتراح ثاني
شوفي لك شنطة ماركة صغيرة تكون فخمة وحلوة

(مذهله)

10-11-2022 - 09:51 pm

اهدوها قصيده لما تجلس في الكوشه تسمعها

chocoline-najd

10-11-2022 - 10:52 pm

مشكورين خواتي ماقصرتوا
فكرتك حلوه اختي دلع ..
بس يابناات الله يوفقكم ويسعدكم ابي افكار

بنت نــاس ما تنداس

10-11-2022 - 11:53 pm

أنا صدقتى لما تزوجت
أخذت لها قميص نوم من نعومى و عطر و درع وكتبت فيه كلام حلو لذكرى
ومع التغليفه كلفنى 500 ريال وبصراحه شئ حلو وفخم
وحتى هى عجبها بالمره
والى الان الدرع محتفظه فى وحاطته على التسريحه
أو جيبولها مجموعه من نكتار فيه اشياء مره حلوه (أشياء خاصه للعروس قيمتها حدود 1000 ريال)
وراح تعجبها وبتستخدمها
دعواتكم لى
ها اعجبتك الفكره والا لا ؟؟

متلثمه بشماغ حبيبها

11-11-2022 - 12:54 am

ممكن شنطة مكياج مجهزه كامله من مكياجي مثلا او برواز فخم يكون ذكري في بيتها الجديد ممكن توقعون عليه
وممكن مجموعة عنايه بالبشره من كاريتا او لوريال وممكن طقم شسوار و فيرات وممكن 4 زبادي و 3 حليب الصافي شوكولاته و راح تحتفظ بالشفاط للذكرى .....
ها شرايك بالأفكار .........

مشاغل النسيم بسرعه←
فساتين زواج→