ياكثر مادرهمت رجلي على بابك

بسم الله الرحمن الرحيم
مر’’آآحب ..
"..........................................."
ياخافقي لي متى محروقه اعصابك
دنيا غريبه ويا مكثر عجايبها
ياكثر ماضقت والهوجاس ينتابك
صابر ولاادري متى تصفي مشاربها
تسج واليا خذاك الوقت ماجابك
يعني على الحالتين النفس متعبها
ضريبة الوقت لازم تدفع اتعابك
لوطحت ترجع على نفسك اتعاتبها
مشتاق لك وانت ياللي طول غيابك
شفها عيوني من الفرقا معذبها
ياكثر مانزل من الضيقات وارقابك
لوعات غيبتك ياليتك اتجربها
تعال وافتح بقلبي صفحة كتابك
شف ذكرياتك بقلبي لو تحس ابها
الوقت وياك كنه رمشة اهدابك
مشاعري معك اشرقها واغربها
ومن يوم عني خذاك الوقت واقفابك
حتى الدقايق موقفتن عقاربها
ياكثر مادرهمت رجلي على بابك
مشاعري ذود واشواقي ركايبها
اسوقها صوب دارك واحسب احسابك
جاتك ضيوف الغلا وانته معزبها
وان كانها طالت الغيبه على احبابك
النفس تشفق على شوفة حبايبها
أسيره الهموم ..