يالعانس الي ماتزوجتي

السلام عليكم بنات
ادري ان عنوان الموضوع جارح مرره
ولاودي اجرح احد فيكم
بس تدرون بدت تصير عياراتي بهالبيت
امس يقول اخوي لي لما قلت له شي فيه حق قال رجائن العوانس لايتكلمون ههه والله مدري اضحك والا انجرح بس بصراحه انقهرت منه واليوم ماعطيته وجه كني اشوف جدار
والظاهر اختي الصغيره سمعته مدري وش جننتها فيه استهبل قال اسكتي ياللي ماتزوجتي يالعانس
حمدالله والشكر بس
ابوي وامي الحمدالله ماحس اني ثقيله عليهم ولاشي وبالعكس وجودي عادي
بس الاخوان والخوات يجرحونك ليه والناس ليه
هذا وهم ماكدو عليك ...
من جد شي يقهر والله ..
انا قلت اشوف يابنات هالمصطلح صارت عياره لنا والا وش السالفه وهل نتجاهل والا نوقفهم عند حدهم
انا والله صح تضايقت بس واثقه من روحي ومااقول الا الله لايحدنا لاحد به
وعسى الله يعوضنا ويعوض كل من انجرحت من هالكلمه قولوو امين ويصبر قلوبنا والله ماسوينا شي هذا واحنا الي ننظف ونكرف واخرتها الحمدالله والشكر لاجزاء ولاشكورا....عساه بميزان حسناتنا بس