ياليت احد يسمعني ابي احد افضفض له والله تعبانه

سلام كيفكم بنات
انا توي متزوجه بس للاسف مااتفقت انا وياه وادعولي انفصل بسرعه
ادعولي انا بهم مايعلم فيه الا الله وحده وراح افتح لكم قلبي
قصتي من اول يوم مااتهنيت معاه ماارتحت حسيت بشي ناقصني اشياء كثيره وكنت اقول يابنت انتي مو متأكده من شعورك اكيد من الربكه والامور هذي
كل يوم اكتشف اشياء جديده تقصير بالدين يحب المشاكل وفوق هذا كله يقعدلي عالحبه تعبت من اسلوبه مايحترمني بالمره
كنت اشوف صحباتي اللي اتزوجو مبسوطين وازواجهم مدلعينهم واقول متى يجي دوري
بس انصدمت بالواقع مااكان يراعيني ولا يراعي مشاعري ولايهتم اذا زعلت وصرت ازعل واكل هوا ارضى من حالي
الين ماجا يوم تخاصمت انا وياه على موضوع تافه وقام وضربني الين ماورم الضرب بجسمي وجلس يعذب الين ماقربت انجن والله كان بيني وبين الجنون شعره وجلست اترجاه واتوسل فيه يرحمني بس ماحس ومنعني اكلم اهلي وحبسني في البيت وجلست افكر كيف اسكت على هالاهانه والضرب رح يتمادى علي قربت افقد الامل بالحياه
واتصلت على اهلي واخذوني
المهم المشكله اللحين انه بدا يتهمني ويتكلم فيني قدام الناس بكلام باطل وحتى شرفي قام يتكلم فيه حتى الكلام اللي كان يدور بيني وبينه بحسن نيه صار يحكيه للناس ويحوله ويدخل في النيات
انا تعبانه والله حتى النوم ماانامه زي الناس انا ماهمني كلامه والله بينصرني واذا افترى عليه وظلمني الله بياحذ لي حقي منه
لما اتذكر كلامه اللي بيطلعه عني واطالع بااهلي
احس بضيقه ليل ونهار اخاف اني ظلمت نفسي وجنيت عليها لما علقت مع واحد زيه اخاف ان الله يعاقبني
ياليت احد يسمعني ابي احد افضفض له والله تعبانه
ليش هم بنات الناس لعبة يابنات انا حتى ماتهنيت بااغراضي مالحقت احس كني بحلم بس بنفس الوقت ماابي ارجع والله مااحد حاس فيني مايخس بالنار الا واطيها
محد حاس بكسرة النفس والخاطر اللي فيني اه يارب
ربي اني مسني الضر وانت ارحم الراحمين __________________