ياويلي

طف%طف

25-06-2022 - 01:01 pm

السلام عليكم
أخباركم أ نشاء الله بخير؟؟
المهم ندخل صلب الموضووع وأريد حل بليز !!
هي مشكله..
المهم أنا مخطوبه وخطيبي في الأحساء وأنا في الخبر..
صار لي شهر وأسبوع ماشفنا بعض
ونزلت الأحساء يوم السبت ودقيت عليه يوم الأحد وقلت له فض نفسك يوم الثلاثاء عشان نتمشى مع بعض في العثيم..
المهم....
يوم الأثنين عزمتني خالتي مع الأهل لبيتها للعشى..!!
ولزمت علي أجي بيتها وبناتها من جهه يلزمون علي أجي بيتهم..
ورسلت له رساله أعتذرت فيها ..
ودق علي يوم الثلاثاء العصر وأنا لابسه عباتي بروح لبيت خالتي ..
وقال لي:ليه كذا..وسواها سالفه!! وزعل !!
أحس أني ماغلطت علشان يزعل!!
كل السالفه أعتذرت ورحت لبيت خالتي..أذ أنه دق علي الصباح أو الظهر لكان فهمته أو صار شي ثاني..
موعارفه أيش راح أسووي..
بصراحه أفكر أطنشه إلى أنه يدق بنفسه ..ولا عندكم راي ثاني ..

التعليقات (9)

لؤلؤه القران

25-06-2022 - 03:51 pm

ارسلي له رساله تتاسفين فيها..........
وهو رح يرد عليك

سعودية قلبها ابيض

25-06-2022 - 04:52 pm

طيب يمكن هو فضى نفسه علشانك وانتي كنسلتيه مالك الا تعتذرين له برسالة وانتظري جوابه
والله يخليكم لبعض

دل مي

25-06-2022 - 05:53 pm

إعتذري منه برساله حلوه
وعلميه إنك مشتاقه له بس مابيدك حيله

$$حنين القلوب$$

25-06-2022 - 06:54 pm

صدقيني اهو زعلان يتغلا عليك يبغا يشوف غلاته عندك
ارسليله رساله وبيرضى
الله يوفقكك

ضايقه فيني الدنيا

25-06-2022 - 07:55 pm

اعتذري منه برساله حلوه مهما كان هذا زوجك
وهالله وهالله بولد ديرتي الحسا هع هع
المهم لاتصعبين الامور
تقبلي مروري

همسه الايمان

25-06-2022 - 08:56 pm

صح كلام لؤلؤه القران

اغلى من الماس

25-06-2022 - 09:57 pm

اعتذري او خليه هو يدق ويعتذر بس احسك غلطتي لانك عطيته امل يشوفك وشكله مشتاق لك موت ومتلهف لشوفتك
اعتذري له او دقي وراضيه الله يوفقكم مع بعض

شمس مول *

25-06-2022 - 10:58 pm

معاه,حق,يزعل
اكيد,اشتاقلك

اسطورةالحب

25-06-2022 - 11:59 pm

خلك مره عاقله ودقي عليه واعتذري وعوضيه بعشى بمطعم حلو وديه مروش بالخالديه او الانتر او جونيه بالمبرز وتستاهلين يزعل عليك تحمسينه وتعطينه ركبه؟ ولا وتشاورين بعد اصالحه او اخليه ؟ انتي يبيلك شوته بكنادر موظفين ارامكو اللي فيها حديد من قدام

لاتنسى ولا تنسي قبلة الصباح←
ساعدووني ساعدوني→