يا بنات عرسي كمان شهرين والله اتعبت بتقبلوها لاختكم تكون عروس من دون شعر

مرحبا يا بنات
امانه عليكم كل وحده تدخل وتشوف الموضوع انها تحط حالها مكاني وتساعدني على قد ما تقدر
انا عرسي كمان شهرين والوقت بقرب وبعدي ما لقيت حل لشعري اللي صاير شبه شعر
شعري كان شعر بيجنن طول وكثافه ونعومه وكنت اسشوره واعمل صبغات وخصل واخبص فيه ومن سنتين بدا التساقط والتقصف لحد ما وصلت لهالنتيجه (شعر خفيف جدا ومقصف وقصير وما بيطول)
والله تعبت من شعري وحالتي النفسيه تعبت وكله مبين على بشرتي
حاولت استعمل الخلطات اللي بالمنتدى بس البنات الله يسامحهم اللي بتحط خلطه ما بتتابعها وبصير احط ردود واستفسر وما حدا برد علي وبالتالي ما بتبان النتيجه وبتفشل الخلطه وما بعملها مزبوط
عشان هيك يا بنات يا عزيزاتي الله يخليكم ساعدوني بمعلوماتكم امانه عليكم يعني اللي بتساعدني باي شي بتعرفه والله ما راح يستغرق معها الرد اكثر من دقيقتين
اللي بتعرف اي شي عن الجرجير وطريقة استعماله تساعدني لانه نصحوني فيه وحاولت اجربه وما انهديت على طريقه معينه شي بقولي حطيه مية الجرجير وشي بقولي حطيه عجينة الجرجير وشي بقولي زيت الجرجير وما بعرف الطريقه وحاولت اسال بالمنتدى الاخوات اللي كتبوا عن الجرجير وما حدا رد علي
وكثير بسمع عن حمامات الزيت وما بعرف كيف اعمل حمام الزيت بدي انهدي على طريقه معينه عندي زيت زيتون وزيت جوز الهند دلوني كيف اعمل حمام زيت كنت احط على شعري نصف ساعه واغسله وما بشوف نتيجه شي بقولي لازم على شعر نظيف وشي بقولي لازم تسخني الزيوت وشي بقولي نامي في الزيت والله ما بعرف شو اعمل
دلوني على هاي الوصفتين على الاقل كيف اوفق بينهن وكيف استعملهن واذا في كمان شي متوفر عنا وبسيط كمان بستعمله بس رجاءا ما تبخلوا علي ولا تقبلوها لاختكم عزيزتكم انها تكون عروس مع شعر حالته يرثى لها ولكم مني صالح الدعاء اذا بتساعدوني والله يوفق كل وحده بتنوي انها تساعدني