الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث
ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
أحلا رودي
20-10-2022 - 02:48 am
السلام عليكم ورحمه الله
وشعلوكم؟؟وش أخباركم؟؟
إنشالله بخير
أنا الحمدلله بخير وأسلم عليكم<<أحد سألك عن حالك p:
الموهم
هذي اول مره اكتب روايه يعني لاتزرون علي وتقولون ماتعرف تكتب<<تزرون يعني تلوموني
انا كنت اأكتب قصص صغيره من قبل وإقترحوا علي بنات خالاتي الموقرات اكتب روايه
قلت خلاص بجرب وأمري لله
قعدت تقريبا شهر <<بدون مبالغهP:
افكر في الأبطال ووش راح تكون قصتهم وأسمائهم و...ألخ<<كثري منها هع هع
المهم في النهايه وصلت للي ابي
وجمعت افكاري ورتبتهن وكتبتهم<<حركات
انا تقريبا قريت اكثر من 100 روايه <<والله وبدون مبالغه
واقرأ انتقادات الأعضاء على الكاتب او الكاتبه وتصحيحهم لها او له
وحاولت اني استفيد من انتقاداتهم
طبعا مافيه انسان معصوم من الغلط<<انا كلي أغلاطP:
وانا برحب بإنتقاداتكم بكل رحب وسعه صدر
وصدقوني ماأحب احد يجاملني ابد:(
يعني خذوا راحتكم في انتقادي
ولاتجاملون ابد:(
صراحه جلست أدور أسم للروايه لين طلع الشيب في راسيp:
وماخليت أحد ماسألته عن أسم
ويقعدون سنه يدورون ثم يجيبون لي أسماء بايخه<<اوص لايسمعوني p:
وأخير أستقريت على أسم مثل خشتي <<الزينه هع هع p:
~~يلوموني حبيبي فيك~~
أسم روايتي الأولى وأتمنى من كل قلبي تعجبكم
يالله نبداء ~ْ ْ~
صح نسيت فيه شين بتجنبهن في الروايه <متعوب عليها بتجنبهن p:
الأول
انا مارح اكتب الأبطال إلأي في القصه في البدايه كلهم لا يعني كل مادخلنا بيت كتبت سكان هالبيت <<حركتات سكان مره وحده <<هع هع
الثاني
حركات أني اقول لكم هذي وش لابسه ولاوش مسويه بشعرها ولاوشو ديكور بيتهم ماأحبها احس مالها داعيp:
يالله ماأبي اطول عليكم في كثر الكلام<<إلي ماله داعي
بسم الله رح ابدا
اقروا بعينكم اليمين <<هع هع بركه بركه
وشعلوكم؟؟وش أخباركم؟؟
إنشالله بخير
أنا الحمدلله بخير وأسلم عليكم<<أحد سألك عن حالك p:
الموهم
هذي اول مره اكتب روايه يعني لاتزرون علي وتقولون ماتعرف تكتب<<تزرون يعني تلوموني
انا كنت اأكتب قصص صغيره من قبل وإقترحوا علي بنات خالاتي الموقرات اكتب روايه
قلت خلاص بجرب وأمري لله
قعدت تقريبا شهر <<بدون مبالغهP:
افكر في الأبطال ووش راح تكون قصتهم وأسمائهم و...ألخ<<كثري منها هع هع
المهم في النهايه وصلت للي ابي
وجمعت افكاري ورتبتهن وكتبتهم<<حركات
انا تقريبا قريت اكثر من 100 روايه <<والله وبدون مبالغه
واقرأ انتقادات الأعضاء على الكاتب او الكاتبه وتصحيحهم لها او له
وحاولت اني استفيد من انتقاداتهم
طبعا مافيه انسان معصوم من الغلط<<انا كلي أغلاطP:
وانا برحب بإنتقاداتكم بكل رحب وسعه صدر
وصدقوني ماأحب احد يجاملني ابد:(
يعني خذوا راحتكم في انتقادي
ولاتجاملون ابد:(
صراحه جلست أدور أسم للروايه لين طلع الشيب في راسيp:
وماخليت أحد ماسألته عن أسم
ويقعدون سنه يدورون ثم يجيبون لي أسماء بايخه<<اوص لايسمعوني p:
وأخير أستقريت على أسم مثل خشتي <<الزينه هع هع p:
~~يلوموني حبيبي فيك~~
أسم روايتي الأولى وأتمنى من كل قلبي تعجبكم
يالله نبداء ~ْ ْ~
صح نسيت فيه شين بتجنبهن في الروايه <متعوب عليها بتجنبهن p:
الأول
انا مارح اكتب الأبطال إلأي في القصه في البدايه كلهم لا يعني كل مادخلنا بيت كتبت سكان هالبيت <<حركتات سكان مره وحده <<هع هع
الثاني
حركات أني اقول لكم هذي وش لابسه ولاوش مسويه بشعرها ولاوشو ديكور بيتهم ماأحبها احس مالها داعيp:
يالله ماأبي اطول عليكم في كثر الكلام<<إلي ماله داعي
بسم الله رح ابدا
اقروا بعينكم اليمين <<هع هع بركه بركه
التعليقات (9)
شكل بداية الرواية محمسة
وانا افتخر اني اول وحدة ارد ع روايتك
واتمنى لك النجاح>>>رجعنا للدراسة ههه
المهم حبيبتي كملي البارت
وتقبلي مروري
دلوعة زمانها
وانا افتخر اني اول وحدة ارد ع روايتك
واتمنى لك النجاح>>>رجعنا للدراسة ههه
المهم حبيبتي كملي البارت
وتقبلي مروري
دلوعة زمانها
دلوعه زمانها
هلا وغلا فيتس قليبي
يشرفني تكونين أول من يرد علي
وأتمنى تعجبك وأنتظر تعليقك عليها
هلا وغلا فيتس قليبي
يشرفني تكونين أول من يرد علي
وأتمنى تعجبك وأنتظر تعليقك عليها
السلاام عليكم .. اختي × احلا رودي ×
بدايه رائعه اتمنى ان تكتمل . .^.^
اختكِ / كيوته..*.*
بدايه رائعه اتمنى ان تكتمل . .^.^
اختكِ / كيوته..*.*
روآي كلنآ عشآق وكل وآحد له حكآيه ة عشآق آلقنآص→
الجزء الأول~ْْ~
في احد احياء الرياض بيت متواضع التصميم
بيت العم محمد بن عبدالله ال.....
الساعه 10 الصبح
ام عبدالله جالسه في صالة البيت المتواضع ومعها ابوعبدالله وقدامهم القهوه والتمر<<عادة في كل شياب الخليج
ام عبدالله وللمره المليون تصرخ:شجن شجن وصمخ قومي قامت عليتس جدتتس بالعصا
ابوعبدالله:الله يهديتس انتي كل يوم على هالحاله خليها تقوم يوم بروحها
ام عبدالله:اي خليها انت بعد ماتذكر ذيك المره خليتها ولا اصبحت علينا الا يوم ظلمت الدنيا
ابوعبدالله:الله يهديها بس لوتخلي هالسهر عنها؛وعبدالله وينه بعد
ام عبدالله : عبدالله في شقراء رايح امس<وتكمل صراخها< شجنوه قومي لا ارقى عليتس بالمويه شجن
شجن وهي تنزل من فوق :لاحول ولاقوه الا بالله لازم كل يوم على هالموال
<<شجن البنت الوحيده في العايله عمرها 18 سنه صف ثاني ثانوي ماتدري وين الشطاره رجه درجه اولى خويتها الروح بالورح بنت عمها ريف ؛ عندها اخو واحد بس اسمه عبدالله عمره 23 يشتغل في الاتصالات مع ولد عمه فارس وهو وفارس كأنهم تؤام دايم مع بعض>>
ام عبدالله:وياليتتس تتوبين وتعقلين انتي ماتتوبين بقره طول بعرض ولاتتعلمين بنات الناس يقومون ويساعدون اهلهم وانتي هذي حالتتس ماتتوبين
بشجن:يمه الله يعافيك خلاص لازم هالمحاضره كل يوم خلي اليوم راحه وبعدين إلي يشوفني قايمه اذان المغرب يمه توها الساعه 10 مايقوم هالوقت الا الدجاج
ام عبدالله وهي ترمي كرتون المناديل على شجن:اللحين انا وابوتس شياب ياللي ماتستحين على وجهتس
ابوعبدالله :يالله حسن الخاتمه انتي بينتس وبين القبر شعره وللحين تصغرين نفستس
ام عبدالله:انت مالك شغل فيني اذا ماتبيني اتركني ادور نصيبي
شجن:يمه الله يعافيك اي نصيب من يبيك
ابو عبدالله:صادقه والله يابنيتي
ام عبدالله:شف من تكلم لاتنسى نفسك متقدم لي اكثر من مره واناإلي رحمتك ووافقت في النهايه
ابوعبدالله:والله ماخطبتس الا عشانتس بنت خالتي وخايف تعنسين في البيت لان محدن يبيتس
ام عبدالله:لا والله لاتنسى صالح ولد جيرانا يوم خطبني واناوافقت بس انت جيت لابوي
<<وتقلد صوت ابوعبدالله:ياعمي اناابي بنتك وانا أولى فيها من الغريب
ابوعبدالله:اصلا انا ماجيت الا لأن ام
وتقاطعهم شجن:يالله ياكريم يامعين يارحمن يارحيم اللحين مقوميني من النوم عشان تتهاوشون من يكره الثاني اكثر
ابوعبدالله وام عبدالله مع بعض:انطمي
شجن:ياربي انا وش سويت في عمري لا اسهر مثل الناس ولا انوم مثل الناس ولا اسافر وش اسوي ياربي
ام عبدالله:اللحين انتي مااشبعتي نوم يوم انتس تغاغين علينا
شجن:الله يهديك يمه وش تغاغين شايفتني بزر عندك وبعدين وين اشبع نوم معه وانا مانمت الا الفجر
ابوعبدالله:وانتي وش مسهرتس للفجر
شجن :يبه حرام عليك هذي عطله خلوني اسهر مثل الناس اذا منتب موديني اسافر
ابوعبدالله:خلاص وش رايكم نروح لشقراء عند جدانتس
شجن:الله وناسه صدق يبه بنروح
ابوعبدالله وهو يبتسم :انشالله
ام عبدالله:ومتى السيره انشالله
ابوعبدالله:بكرى العصر واخوي حمد واختي حصه بيروحون معنا
شجن وهي تصارخ:الله فله ريف بتروح معنا
ام عبدالله:قصري حستس يمال الوجع
شجن وهي تقوم:خليني مستانسه
ابو عبدالله:على وين
شجن:بكلم ريف بتفق معها على الاتسعدادات
ام عبدالله: احول والله لوكم رايحين للمريخ
شجن :يمه شقراء اغلا من المريخ <وتقعد مره ثانيه<يبه وش رايك نسكن هناك والله اوسع صدر
ابوعبدالله:اقول روحي كلمي ريف بس
شجن وهي تقوم:ياربي كله يحطموني كله يحطموني
ابوعبدالله:يالله اجل انا طالع توصين على شي
ام عبدالله:سلامتك
__________________________________________________ __________________________________
وفي نفس الحي بيت يبعد عن بيت العم محمد بخمسه إلى عشره بيوت <<على نفس صفه بيت العم محمد
يقع بيت العم حمد<<احلا يايقع
العائله مجتمعه في الصاله يفطرون
ام فراس:اجل بنجلس هناك شهر
ابو فراس:ايه انشالله
ريف:الله وناسه واخيرا بنفتك من الرياض
ريوف:ايه والله صادقه ياوخيتي
ابو فراس وهو يبتسم :من حضتس ياريف بتقعدين مع شجن شهر كامل
ريف:ايه والله ياأبيي والله لاطلع حرتي من الدراسه فيها
ريوف:الله يعينتس ياشجن
فارس:الا والله الله يعين اخيتي من هالمتوحشه
ابو فراس:ههه الله يهديكم بس ام فراس اتصلي على فراس قولي له كان وده يخاوينا هو ومرته وعياله
ام فراس:يكون خير
ترن ترن<<يرن التلفون هاللحظه
ريوف :ههه جبنا سيرت القط جانا ينط
ابو فراس:ههه مين القط
فارس:يبه هذي اكيد شجن
ريف:ابوك يالحسد سؤال ليه غايرين
ام فراس:ماغرنا ولا شي روحي ردي عليها لاتتنومين في المستشفى من طقها
وتقوم ريف للتلفون
<<ريف ثالث فرد في العايله عمرها 18 ثاني ثانوي مع شجن في المدرسه وتقريبا هي وشجن نفس الصفات ولالهن في الدراسه؛اكبر اخوانها فراس عمره 28متزوج بنت عمته اسمها إيلاف وعنده بنت ولد تؤام جود وجواد ؛وبعدين يجي اخوها فارس عمره23 انسان خبل درجه اولى كل حياته ضحك ولعب وهبال متخرج ويشتغل في الإتصالات مع ولد عمه وهو وبنت عمه شجن توم وجيري دايم هواش ؛وبعدين ريف ثم ريوف عمرها 15سنه ثالث متوسط بدافوره طول عمرها والكتاب في يدها وانسانه هاديه مره وهي وينت عمتها بسمه صديقات مره وبسمه مثلها دافوره ؛<<ريف وشجن يسمونهم تقيه وكريمه مصطفى كامل<<ههه يعني من زود الشطاره مصاريه>>
ريف وهي ترد على التلفون:هلا وغلا هلا بالطش والرش والبيض المفقش والبزر إلي طر...<<مشفر ماابي احوم تسبودكم
شجن :هلا والله فيك تو ماظلم وجهي يوم سمعت صوتتس وشعلومتس؟؟
ريف:بخير الحمدلله وانتي وش اخبارتس؟
شجن:الحمدلله ازقح وانطح وارفس
ريف :ايه الحمدلله إلا ماقلتي لي وش الأوضاع بكرى
شجن:انا في تمام الإستعداد فكرت بكل شي
ريف:وش بتسوين
شجن:بروح للبقاله إلي جمبنا وبشتري الحبشتكات<<يعني الحلويات
ريف:خلاص بس ترى انا وياتس في سياره وحده
شجن:طبعا هذا شي اكيد انتي تعالي معنا في سياره ابوي
ريف:خلاص تمام
<<وقعدوا يسولفون ولو اكتب سواليفهم مت وحيت وهم ماخلصوا
__________________________________________________ __________________________________________________ __________________________________________________ ___
وايضا في نفس الحاره
يوجد بيت العمه حصه
وفي حوش البيت جالسه حصه وعيالها ورجلها
ام خالد:هاه ياابوخالد وش قلت
ابوخالد:خلاص دامكم مصملين موافق
شوق وخلود وساره :وأخيرا مابيغت
ابوخالد وهو يبتسم:بس ياام خالد بنروح يومين ونرجع
البنات بصراخ:لايبا اه
ابوخالد:ههه بسم الله علي مايصلح امزح ابد
البنات:ههه لابس تحمسنا
ابوخالد:اجل بكرى انشالله تصيرون جاهزين خلاص
البنات وام خالد:انشالله
ابوخالد :اجل وين خالد
خالد وهو يدخل من باب البيت:سمعت سيرتي احد طراني
ابوخالد:ههه من وين انت جاي
خالد:ابد بس رحت اسلم على الربع قبل الروحه
ابوخالد:اجل قم معي بنروح المزرعه نوصي المزارع عليها
خالد:انشالله يبه
<<ايلاف البنت الكبيره في العائله عمرها26 سنه متزوجه ولد عمها فراس؛وبعدها خلود عمرها 24 مخطوبه لولد عمها اسمه فيصل وعرسها بعد سنه تقريبا؛هيه اهبل وحده في البيت واذا اجتمعت هي وخالد تحول البيت لنكته ؛بعدين خالد عمره 20 مزوحي يحب بنت خاله ريوف بس مافيه احد يدري عنه إلى صدية الروح بالروح فواز لانه انسان كتوم مره؛ثمن تجي ساره عمرها 17 هاديه مره وهمها دراستها وبس تميل لولد خالها عبدالله في صف اولى ثانوي ؛بعدين شوق عمرها 15 كبر ريوف وصديقتها الروح بالروح دافوره وهاديه بس هي اجرء من ريوف>>
__________________________________________________ ___________________________________