روآي كلنآ عشآق وكل وآحد له حكآيه ة عشآق آلقنآص

} آل س لآم عل ي كم ورحمة الله وبركآته {
ب ع د " روايتي الثانية : كل عشق آلآرض فينآ " عدت إليكم ب جديدي :
كلنآ عشآق وكل وآحد له حكآيه ..........
فأرجوا أن تنال رضاكم واستحسانكم وأحب أذكركم : : :

• حفظ الحقوق أمانه في عنقك !
• ادعوا لي بسعادة الدارين والصلاح والهداية .
• هذا الموضوع برعاية شلتي الحبيبة " عشاق القناص " .

ومضة : : :
أنا لا أكتب كل ما أؤمن به إنما أكتب ما يجمح في خيالي في لحظة صفاء
.. .. ..
ولا تنسون أنا يهمني رأيكم وتعليقكم وانتقاداتكم الصادقه واللي راح أنتظرها بفارغ الصبر { ........
أم وليد : يما وليد تعال شف من عند الباب ؟!
طلع وليد من غرفته وراح للمطبخ وهناك كانت أمة تحضر العشاء سألها وليد : يعني مين ذا اللي بيزورنا ؟؟!
أم وليد : والله ما أدري روح يماه شوف الرجال ينتظرك عند الباب !!
من الباب الحديد القديم طلع وليد وشاف رجال أربعيني سعودي واقف عند الباب وأول ما شافه سأله : وليد محمد ؟!
وليد : إيه نعم مين إنت ؟!
الرجال : أنا أخو صاحب البيت ... كيف الحال ؟!
وليد باستغراب : الحمد لله !!!!... خير أخوي آمر ؟!!
الرجال : أبو سعد صاحب البيت توفى قبل أسبوع ...
قاطعه وليد بانفعال : عظم الله أجركم والله ما درينا اللا الحين وللا كان جايين معزينكم !!
الرجال : فيكم الخير جزاك الله ألف خير ... يا ولدي أنا جايكم ومستحي من اللي بقولة لكن .... !!!
وليد : لكن إيش ؟!
الرجال : المرحوم أبو سعد ماله أحد بعدنا تعرف رجال وحداني ماتت زوجته وولده من زمان ... >>> فترة صمت بعدها كمل الرجال كلامه : وبصراحه هو ما ترك لنا غير
هالبيت وتعرف الحين الاسعار مرتفعة و الظروف و.....!!!
وليد قاطعة بأسى : متى تبغانا نطلع من البيت يا عم ؟!
الرجال : خذ وقتك يا ولدي حنا ما نبي منك إيجار ولا شيء بس نبيك يعني تشوف سبيلك !!
وليد : إن شاء الله تآمر على شيء ثاني ؟!
الرجال ^^ : لا سلامتك ... مع السلامة
وليد : مع السلامة
سكر الباب واتكى عليه بألم دارت فيه الدنيا وين بيروح هو وأمة وجلس يكلم نفسة : " وظيفة زي العالم وما لقيت حتى علاجات أمي ما قدرت أوفرها والحين بدور لي على
بيت ثاني بس وين ألقى شيء رخيص بهالوقت ... ؟؟؟؟! "
مشى بخطوات متثاقلة دخل البيت ولقى أمة حاطة العشى وأول ما شافته قالت بفرح : وليد يماه تعال تعشى ؟!
ناظرها وابتسم جلس قدامها وأخذ خبزة ولكن قبل ما يآكل سألته أمه بحنان : مين كان عند الباب ؟!
وليد : هاه .. هذا أخو صاحب البيت يقول إن صاحب البيت مات - الله يرحمه -
أم وليد : لا الله يرحمه كان طيب ومراعينا !!
وليد : بس يماه أخوه ...!!
أم وليد : وش فيه أخوه ؟!
وليد : لا لا خلاص يماه ولا شيء كلي إنت وأنا بروح الشغل
أم وليد : خلاص يماه بسك شغل كل لك لقمتين بعدين روح لاحق عالشغل بكره !!
وليد : لا يماه أرفعي لي برجع بعد ساعتين أو ثلاث إنت نامي وارتاحي وأنا بروح عند كم شغله لازم أخلصهم اليوم ... يللاه مع السلامة !!
أم وليد : مع السلامة انتبه على نفسك !!
راح وليد وغسل وجهه ولبس بنطلون أسود وتي شيرت أبيض وطلع ركب سيارته الونايت القديمة !! ووصل عند حي بسييط لكن أحلى من الحي اللي هو فيه وقف سيارته وبدى يمشي
لما وصل عند بيت رجال اسمه " أبو عبدالله " .... كان الرجال جالس على كرسي قدام باب بيته
وليد : السلام عليكم ...
أبو عبدالله : وعليكم السلام هلا وليد وشلونك ؟! وشلون الوالدة ؟!
وليد : بخير عساك بخير إنت شلونك ؟!
أبو عبدالله : والله الحمد لله بخير ونعمة آمر يا ولدي بغيت شيء ؟!
وليد : خير إن شاء الله بغيت أسألك تعرف واحد عنده بيت أو حتى شقة للإيجار لو قديمة وصغيرة ؟!
أبو عبدالله : خير ياولدي صاير لك شيء أبو سعد قالك شيء ؟!
وليد بألم : أبو سعد عطاك عمره !!
أبو عبدالله : لا الله يرحمة متى مات ؟!
وليد : قبل أسبوع !!
أبو عبدالله : وبتطلع من البيت ؟!
وليد : وش نسوي الشكوى لله !!
أبو عبدالله : ترى الايجارات مرتفعة نصيحتي خلك ببيتك وأنا عمك ولا تطلع !!!
وليد : هو بيدي يا عم ؟!!!
أبو عبدالله : لا حول ولا قوة إلا بالله !! أمهلني يومين وأرد لك خبر خلاص يا ولدي ؟!
وليد : طيب يللاه أنا رايح تآمر على شيء ؟!
أبو عبدالله : سلامتك انتبه على نفسك
وليد : مع السلامة
أبو عبدالله : مع السلامة
راح وليد ومن باب بيت أبوعبدالله طلع عبدالله شاب أكبر من وليد بسنتين بس جلس جنب أبوه وقال : يباه مين هذا ؟!
أبو عبدالله : هذا وليد ولد صديقي محمد الله يرحمه !!
عبدالله : وش يبي منك ؟!
أبو عبد الله : وليد هذا سالفته سالفه !! الله يكون بعونه
عبد الله : آمين بس وش قصته ؟!
أبو عبد الله : هذا مات أبوه بحادث يوم كان عمره 10 سنين من يومها وأمه تشتغل في البيوت علشان تصرف عليه ويوم خلص الثانوية بدى يشتغل
عبد الله : وأبوه ما ترك لهم ورث ؟؟!
أبو عبدالله : ورث ؟! أي ورث هذا أبوه كان يشتغل مستخدم بمدرسة ولده !! واليوم جايني يدور على بيت لأن ورثة صاحب البيت بيطلعونه !!
عبدالله : طيب هو ما يشتغل ؟!
أبو عبدالله : إلا يشتغل ...!!
عبد الله : وش يشتغل طيب ؟!
وقال أبو عبدالله لولده عن شغلة وليد بس يا ترى وش هي ؟! .... تابعوني
قبل ما أكمل قصتي أعرفكم بالشخصيات : : :
أبو ولي محمد د : ما يحتاج أتكمل عنه كثير كان يشتغل مستخدم ومات لما صار عمر وليد 10 سنين
أم ولي نوره د : عمرها 50 سنة طيبة وعلى نياتها وليد كل شيء بحياتها بعد وفاة زوجها
وليد : شاب عمره 20 سنة كيوت بمعنى الكلمة طويل ونحيف أبيض !! وملامحه مرسومه رسم عليه جمال مو طبيعي شخصية طيب وعصامية يحب يعتمد على نفسه بكل شيء
ما له سوالف وخرابيط أهم شيء عنده أمه وبس ...
أبو عب سالم د الله : عمره 52 سنة انسان طيب وحنون وهو صديق أبو وليد ومهتم بعائلة وليد مرة وطيب معاهم
أم عب مشاعل د الله : عكس زوجها سوسة تكره وليد وأمه حاولت تحرض زوجها ضدهم لكنها ماقدرت علشان كذا خلت عيالها ما يقربونهم أبداً وعمرها 52 سنة مشاعل
مادية درجة أولى تضحي بأي شيء علشان الفلوس
عبد الله : عمره 22 سنة يشتغل بشركة محترمة لكنه بفرع متواضع لأن ماعنده شهادة وراتبه مو ذاك الزود لكنه طموح وطموحه يخليه يسوي أي شيء طيب وهادي
حلو ما عليه أبيض وطويل بس مو نحيف مرة عيونه حادة وهي أحلى شيء فيه
مها : عمرها 18 سنة بنت حلوة بس مو أحلى من أخوها طيبوه بس ثرثارة لأبعد درجة تعشق السواليف حبوبة وبريئة طفولية بكل شيء هي تدرس بالقسم العلمي
وعندها طموح تدخل الطب وأكثر من يحفزها أخوها اللي ما يبغاها تهمل الدراسة زييه
نرجع لروآيتنآ : : :
مرت يومين بعدها وفي تمام الساعة الرابعة عصراً >>> أتقطع عاللغة !!!! .. رن جرس بيت وليد وجى فتح الباب ورحب بأبو عبدالله اللي دخل لمجلس الرجال وبعد ما جاب
وليد الشاي والقهوة وجلس جنب عمه ...
أبو عبدالله : والله ياولدي أنا لقيت لك سكن سعرة معقول بس !!
وليد : وشو ؟!
أبو عبدالله : هو غرفتين وحمام ومطبخ صغير يعني مرة صغير وهو ملحق سطح أساسا !!
وليد باستسلام : معليه بس ما قلت لي سعره يناسبني ؟!
أبو عبدالله : جداً !! وهذا أحسن شيء وصاحبه بيراعيك مرة !!
وليد : خلاص توكلنا على الله اليوم بروح أتفاهم معاه
أبو عبدالله : ولدي عبدالله بيمر عليك المغرب وياخذك
وليد : تعبناكم معنا
أبو عبدالله : تعبك راحه إنت حسبة ولدي ما أبي أسمع منك هالكلام !!
وليد : مشكور عمي ما تقصر جزاك الله خير
أبو عبد الله : هذا واجبي وإذا ماوقفت معاكم مين بيساعدكم إنتم من ريحة الغالي !!!
وليد : تسلم تسلم لنا يا عمي والله فضايلك و وقفاتك معنا على عيني وراسي وماراح أنساها لك و ...!!
أبو عبد الله : بس بس ما أبيك لا تردها لي ولا تعتبرها دين أنا حسبت أبوك وللا ؟!!
وليد : لا إنت مكان الوالد الله يرحمة وقدرك عالي والله شاهد
أبو عبدالله : زين إذا تعزني لا تعتبر فضايلي دين وإذا جالك عبدالله لا ترده
وليد : إن شاء الله عمي إنت تآمر أمر
أبو عبدالله : ما يآمر عليك عدو وأنا أبوك .. يللاه أترخص فمان الله
وليد : تو الناس تقهوى ؟!!!
أبو عبدالله : مره ثانية إن شاء الله أنا رايح أقضى للبيت
وليد : ما أعطل لك أجل ... مع السلامة نشوفك على خير
أبو عبدالله : مع السلامة سلم على الوالدة وإذا احتجتوا شيء لا يردكم لسانكم تجوني على طول أو ولدي ترانا في الخدمة
وليد : ما تقصرون والله ...
طلع أبوعبدالله وليد وأمه يدعون له بكل خير ووليد مستانس وحاس إن الدنيا ابتسمت له والمغرب كان عبد الله ينتظره طلع وليد وسلم على عبدالله وركبوا السيارة ....
عبدالله : يا هلا ب وليد
وليد : هلا فيك
عبدالله : وشلونك عساك بخير والوالدة شلونها ؟!
وليد : بخير عساك بخير إنت شلونك ؟!
عبدالله : تمام والله
وليد : اعذرني من أولها تعبتك معاي
عبدالله : أفا والله ما توقعتها منك الحين تعاملني كأني غريب ؟!
وليد : حشا والله ما إنت غريب بس والله عذبناكم
عبدالله : شف العناد يا ابن الحلال قلنا لك حنا أهل خلاص عاد خل الرسميات على جنب
وليد : آسفين وحقك علي ... وش تبي بعد ؟!
عبدالله : قل تم ؟!
وليد : مو أول نعرف وش السالفه ؟!
عبدالله : عازمك على جمعت الشباب بالاستراحه وما أبيك تردني ؟!!!
وليد : ما لنا عذر بعد تم ... غيروا آمر ؟!
عبدالله : ههه بس خلاص ما يآمر عليك عدو !!
وصلوا للملحق نزلوا الأغراض وتفاهموا مع صاحب البيت وطلع رجال طيب ما عليه والعشاء كان وليد وأمه بالبيت بعد ما شكروا عبدالله على وقفته معهم وتبادل هو وليد أرقام
الجوال وكانت هاذي بداية صدافة حميمة !! ^^
اعتقد كذا يكفي ...

• ياترى وش راح يصير في جمعة الشباب ؟!
• معقولة معاناة وليد تنتهى كذا وطموح عبدالله يوقف ؟!

والكثير في باقي الرواية تابعوني ... محبتكم :هموسة >>> لا يفوتكم تدلع عمرها
بنات عارفه البداية أقل من بسيطه بس أو عدكم البارت الثاني يكون أحلى .......
انتظر الردود { .......