يومياتي بحاجة الى دعمك وتشجيعكم لاتحرموني طلتكم

السلام عليكم
كيفكم خواتي
يعطيك العافيه والصحة ويحقق امانيكم
حبيت اقولكم قصتي انا وحدة عندي حماس وارادة اني اسوي رجيم
وانحف وعزم فتره بعدها ابطل كل شي ..
انا طولي 154 ووزني 94
ارتفع الى 99 ونزل الى 84
طبعا يبي لي انزل مايقارب 44 كيلو يعني وزني مابتعدى 55
انا اقول كبدايه ابي اوصل الى 70 وبعدها تكفيني
لكن مافيه امل اني اكمل مادري
وزني متوزع على جسمي صاير الزنود والكررش والافخاذ
السقان رويانة والخدود
الحمد الله عندي رقبه واضحة وصدري ابدا موب كبير الحمد الله
فقررت اخيرا اني اروح اخصائيه وفعلا رحت لها
وشافت وزني 94 وقالت نسبة الدهون والماء عالية
كثري شرب ماء واتركي البيبسي والمقليات
وعطتني نظام غذائي ..
طبعا لي اسبوع ماتبعت النظام لكن خففت اكل
واخبص شويات
واشرب شاهي اعشاب اكليل الجبل + مراميه + شاهي اخضر واحيانا اشرب شعير
المهم حسبت ان كل ثلاثاء رح اقيس الوزن ..
بما ان النادي منعوني اني اسوي تمارين الا بعد ماتعالج من فقر الدم
لا هذا رح يااثر على صحتي ..
فقلت اتبع نظامها واسوي تمارين البيت ..
طبعا رحت لها كان التاريخ - 22- 7 = 94
وهذا الاشبوع 29- 7 صار وزني = 92.8
يعتبر شي جميل مع التخبيص ..
ونويت ماينتهي شهر شعبان ان شاء الله الا وزني = 87 ..
انا دائما اسوي الدايت برمضان وفعلا انحج بهذا الشي
يعني برمضان بكون لي هدف اوسع ان شاء الله
التمارين حاليا = امشي بالحوش ربع ساعه
واتمرن على جهاز الاوبرتراك
وعندي جهاز البطن بس ماعرفت كيف استخدمه ..
مثل اللي بالصورة
الحمد الله مجنونه بيبسي انا قدرت اتحمل مااشربه
وان شتهيت شربت فنجان قهوه بس ..ولااكمله
لكن معناتي مع الكبتشينو كيف هو اللي بتركه ...!
بنات شاهي الاعشاب اللي حاطته فوق
قولي لي احد جربه وله اخطار اولا
اغلي كل واحد لحاله والا كيف الطريقة السليمة للاستخدام ..
نظام الاخصائيه
الفطور = كورن فلكس مع لبن < طبعا انا اكله بلبن
الغداء شوربه شوفان + 6 ملاعق رز + سلطة خضراء
او دجاج مشوي مع سلطة + سلطة خضراء + ملعقة صغير زيت زيتون
بين الوجبات تمر - جريب فوت
طبعا منزوع الدسم او قليل الدسم اللبن - الزبادي والكوزن فلكس دايت
انا بدلت اكلت تونه - خيار .. زبادي
مع خبز نخاله
هذا اكلي تقريبا
والماء مايقارب اشرب 3 علب يوميا ام نص ريال 330 مل
لا تحرموني من اضافاتكم ..