يومياتي في شد جسمي وبطني قبل اجازة الصيفاللي بتشاركني تتفضل

مرحبا ياحلوات
هذا موضوع للي بس بيشدون اجسامهم يعني بينزلون ع الاكثر7كيلو
يعني اللي عندهم زوائد في مناطق معينه مثل ترهل البطن الذراع يبي شد
الافخاذ الساق والظهر يبون شد
انا وحدة منكم
ولدت قيصرية من 11شهر
وعشان الجرح توي ببدا والا يوم ولادتي الطبيعيه من النفاس بديت
وكانت النتائج واو
اللي يشوفني مايصدق ان عندي بنت
المهم انا بنزل نظامي الغذائي والرياضة اللي بسويها
عشان الكل يستفيد
ونتبادل الاراء
ياليت تتكون المجموعه من ع الاقل 4بنات والاكثر10
راح نبدا من الاسبوع هذا
وكل شهر بنكرم اللي ابدعت
اوك يالله ورونا همتكم
عشان بقفل التسجيل المشاركة بكرا بنفس الوقت الحين الساعه 10
هذي تمارين الكل يحاول يسويها انا بدور المفيد تمارين لازالة الشحوم فى منطقة اسفل الذراعين و شد الترهل
انا بدور التمارين اللي ممكن تفيدنا واحطها عشان يكون موضوعنا متكامل يعني بنات انا حطيت كل وقتي في هذا الموضوع عشان نستفيد
وبخليه متكامل ومرجع لكم عشان ماتجلسون تدورن وبعدين تملون
اول شي الاشياء الاساسه للحمية
يعني نقدر نسميها شنطة الحميه
وتتكون من / ميزان اليكتروني
2 / المشي نصف ساعة يومياً
3 / الامتناع عن الحلويات وتقليل السكر في المشروبات
4 / بعد الوجبة بساعة تناول كأس من الشاي الأخضر
5 / اذا احسست بحاجتك للسكر فتناول فاكهة فيها سكر طبيعي
6 / اذا شعرت بالجوع بين الوجبات فتناول خيار
أو خس
7 / أكثر من الفواكة ماعد الموز والعنب والتين والمانجو
.
/ أكثر من شرب عصير الأناناس من دون سكر فإنه حارق للدهون
أو عصير البرتقال والكيوي
9 / استخدم الليمون في وجباتك فهو حارق للدهون
0/ تجنب تناول الوجبات المقلية
وشرب الماء بكثرة
نقطة هامة :
لاتنتظري نتيجة الحميه خلال أسبوع أو اسبوعين بل خلال أشهر
لأن هذه الحمية الصحية الذي يجب ان يتبعها كل انسان
حتى لو لم يكن مصاباً بالسمنه فهي حمية صحية وتنقص الوزن
اذا تم اتباعها لمدة شهر فأكثر 0
وهذي التمارين اللي راح امشى عليها شهر كامل وبعدين راح نزيد شوية تمارين
وهي من مدربة مو من راسي,,,
انا وزني 73
وطولي170
ابيه بس ياصل 68او69
يعني 5 كيلو بنزل
الشاي الخضر اشربه بعد الوجبات
وامشي فاليوم
بنبدا بربع ساعه لمدة 3ايام
والاكل بس نخفف الكمية ونمتنع عن الحلويات
واالخربطه طوال النهار نحرص ع اكل الفواكه والخضار
يعني اذا جعتي كولي فاكهة
انا اشرب عصير برتقال فرش ع الريق
قبل الاكل بساعه حلو للبشرة عشان ماتشحب
اول تمرين :
ولازم قبل اي تمرين
تسوين هروله وانتي بمكانك تبدين شوي شوي وبعدين بسرعه مره
وبعدها تشفطين بطنك وتضمين رجوولك وتناقزين وانتي تفتحينها وتسكرينها ويدك برضو تنزلينها وترفعينها
بعدين تحطين يدك على خصرك وتناقزين
بعدين ترفعين يدك عاليا وتشفطين بطنك وتنزلين يدك لحد اصبعك وترجعين ترفعينها مره ثانيه 65 مره !
بعدين
ترفعين يدك فووق وتشدين بطنك وتنزلين يدك على الارض بي بأصبعك الطويل والي جنبه مادري وش اساميهن خ وانتبهي تثنين الركبه لازم تكون صلبه
وتعدين واحد تثنين الركبه اثنين تصلبينها
تسوين نفس الحركة بس تكونين ثاابته وتعدين ببطئ لحد 40
بعدها: ترفعين يدينك فوق وتبدين بحركه دائريه مو تنزلينها وترفعينها بالحركه الدائريه بس تحركينها حركه دائريه خفيف يعني تكوون الدويره صغيره
تبدين 1 2 3 4
وترجعني من ورى 1234
وبعدين تروحين لليد اليسار نفس الحركه
يعني بالاول كل يد لحالها
وانتي تسوين الحركه ماتنزلين يديك تكون كلها مرفوعات
وبعدها اليدين مع بعض
بعدها تجلسين وتسوين نجمه برجوولك يعني تخلين راحة رجلك لاصقه براحة رجلك الثانيه
راح تعطيك شكل معين ؟
وتحطين يدك خلفك وتشبكينها وتحاولين ترفعينها وانتي تنزلين لتحت
مو مره وحده كذا مره
بعدها تشبكين يدك حول رقبتك وبالاكواع تنزلين لوسط الفتحه المعينه اذا وصلتي تلاصقين الاكواع من بعض واذا رفعتي تبعدينها عن بعض
بعدها تنامين على ظهرك وترفعين رجلك بزاويه حاده
وتبدين تقومين وانتي ماده يدك وترجعين تبسطينها بالارض وعلى هالاحاال والرجلين مازالت بوضع حاد
بعدها ترفعين يدك مثل هالحركه لاكن تكونين ثابته وتعدين لحد 40
بعدها تبسطين رجوولك وتحطين يدك تحت اردافك ويالله ارفعي رجولك وهي متستقيمه ونزليها للأرض 65 مره ترى هالحركه متعبه مره مره بس ماعليه نتحمل
بعدها سوي مرجحه لرجولك يعني خلي ركبتك فووق وراحة رجلك بالارض واسدحيها يمين ويسار
تفردين رجولك ويالله قومي ولامسي اطراف اصاابعك وانسدحي 65 مره
وبس هذا التمرين
بخصص وقت اسويه هو يمكن يحتاج ساعه بس محتارة الى الحين بالوقت
بس يمكن اخليه الصباح
وانتهى التمرين والحمدلله
اتمنى تسونه يوميا مع التمارين الموجوده واذا ماقدرتي خلي هذي 3 مرات فالاسبوع
اللي تبي تنضم لي حياها الله