English Teacher needs help

الله يسامحكم يا فراشات 8 زوار ولا وحده فكرت تساعد!!!!!!!
عالعموم مشكورين مع اني كنت أظن اني ما بلحق من الردود :(

هلا يالغالية ...
صراحة ما حبيت أطلع وأنا ما رديت ..
وما عندي فكرة عن الدرس ... بس إذا كان الدرس عن الحيوانات وصفاتها ... ممكن تجيبين لبس تنكري على شكل كل حيوان موجود في الدرس .. وتلبسينها بعض الطالبات .. تشرحين صفاتهم وتطلبين منهم يوصفونها لك .. أعتذر إذا كانت الفكرة سخيفة .. بس عن جد ما أدري وشو الدرس .. إذا تقدرين ممكن تورينا الدرس .. إذا نقدر نجيب لك أفكار حلووة ..

مشكوره حبيبتي "فتاة من أرض العطر" كفيتي و وفيت عزيزتي ...و انا ما عندي شي سخيف و كل شي عندي له معنى و هدف و فكرتج حلوه و جد مجربينها و اليهال و حبوها...و اصلا انا عمري ماطلبت اي مساعده فدروسي دايما احب اني اكون انا اللي ابدع و افكر و ما أحب اعتمد ع حد بس فرحت يوم شفت منتدى المعلماتو حبيت اشوف شو افكارهم و شو يديدهم و حلو ان نتعلم من الغير...و يزاج الله الف خير حياتي : )

اختي الغاليه ..
متاسفين على التاخير ....
والله يبي له تفكير شوي .... اللي احسه انج تبين فكره ( ما حصلتش )
عطيني فرصه افكر وارد عليج ... وان شالله ردي ما يكون في الوقت الضايع ......
بالتوفيق اختي الكريمه ....

مشكوره الغاليه " فراشة قطر" و انتظر أفكارج الحلوة...بس عقولتج ان شاء الله ما تكون فالوقت الضايع: )

ممكن أختي تكتبين أسماء الحيوانات في ورقه و تحطينها في ظرف صغير كل أسم في ظرف و تعطين أول طالبه الظرف و تمرره لزميلتها و أنتي مشغله أناشيد و إذا و قفتي الأنشوده توقف الطالبه اللي عندها الورقه و تجاوب و تعطينها الظرف الثاني و تمرره لزميلتها و هكذا .....أتمنى أنك فهمتي الطريقه ....... أنا مشغوله اللحين بعد ساعه إن شاء الله لي رجعه

مشكوره اختي JANA الفكره حلوه و البنات راح يستمتعوبها: )

و ممكن أختي تجيبين دمى لهذي الحيوانات و تحطيهم بصندوق حلو مزين من برى وتطلعين بنت من كل مجموعه و تقولين الحيوان و البنات و يطلعونه من الصندوق ..... وإذا ما فيه دمى ممكن تحطي صور لهذي الحيوانات تأخذيها من الانترنت
وإذا ما فيه صندوق أنثريهم على الارض و البنات يدورونها
وفيه طريقه ثانيه أنك تغطين عيون الطالبه و تعطينها الحيوان و من خلال حاسة اللمس تقدر تقول أيش هذا الحيوان...
وفيه فكره ثالثه أنك تجيبي صور لحيوان من الحيوانات و تلزقينها على ورق مقوى أو فلين و بعدين تقصينهم بشكل عشوائي على عدد المجموعات اللي عندك ( الطالبات) و تعطين كل مجموعه صوره و هم يركبون الصوره و المجموعه الفائزه هي اللي تركب الصوره و تتعرف على الحيوان اللي فيها بسرعه.....
وفيه فكره رابعه ...أنك تجيبي مسجل فيه أصوات الحيوانات و الطالبات يتعرفون على الحيوانات من خلال الصوت
وفيه فكره خامسه أنك تجيبي لوحه ترسمين عليها بيوت هذي الحيوانات لكن من دون حيوانات ( مثلاً صورة حضيره الغنم لكن بدون غنم ....صوره بيت الدجاج ....وهكذا )و الحيوانات تكون مرسومه بورقه خارجيه و البنت تلزق الحيوان في مكانه المخصص ............هذا اللي يحضرني الان ....و أي استفسار أنا جاهزه ......على فكره أنا أحب الوسائل التعليميه وبناتي يتشوقون لحصصي و ينتظرونها بفارغ الصبر و يتمنون كل اليوم انجلش.........باي

مشكوره حبيبتي JANA افكارج روعة و حلوه و اتأكدي اني بستخدم فكره او اثنين من افكارج: )