My wedding 3

بسم الله رحمن الرحيم ...
اهلين حبايبي العرايس
انا نزلت دا موضوع لي اجل عيونكم لي انو الاغلبيه طلبو مني اني انزل موضوع لي زواجي
فا معليش مره مافضيت الا دحين
هاذا موضيعي الي نزلتها
ملكتي ..
http://alfrasha.maktoob.com/alfrasha124/thread1450837/
غمرتي ..
http://alfrasha.maktoob.com/alfrasha124/thread1558758/
بسم الله ... نبداء لي زواجي << جاهزين ههه
قاعة السمو ماجستي (( جده )) < عند مجمع العرب
المطربه ندى
الكوشه << ناسيه والله الاسم بس عند حراء
فستان وحده الله يدخلها الجنه اسمها دينا
كوفيره سيرينا في تحليه خلف بن حمران للسيارات
مكياج عواطف
تسريحه فوزيه
وهاذا المنيو سعر
زواج كان يومتها مافيش احساس نوم طاير مانمت الا بالقوة
والبيت زحمه واصوات ودنيا وانا بفكر وخايفه ومتوتره
فاصحيت على ساعه 11 اخذت دٌش وصليت وبدات اقراء قران
اتصلت عليا جارتي وتقولي ابغا اطلع اسلم عليكي قتلها دحين قالتلي ايوة مالي صلاح
قتلها يلا .. وقتها انا وماما خلاص لبسنا العبي
وانا اخذت طرحه الفستان معايا وخلاص بننزل الا جات واحضان وبكى لاني اول وحده اتزوج من عئيلتي و اول وحده اتزوج من بنات العماره =(
المهم اخذت جوالي وبدات تصورني من يوم ماخرجت من الباب
هنا وانا اودعها
وصلت كوفيره
انا رحت جهة العرايس وماما راحت مع الناس
بدات بي واكس بعدين تنظيف بشره وعملولي مساج عشان اريح :$
بعدين استشوار و مكياج وشعر
بعد المكياج نزلت عند ماما مسكينه تبغا تبكي وتخرب مكياجها=(
وكانت بتعمل تسريحه وعلى نهايه وانا بدات اعمل تسريحه ووهي راحت<< تستلم فستانها اتخيلو=0( ام العروسه فستانها ماخلص =(
عملته في مشغل النصف الاخر قريب من مجمع الشرق وانا قبل زواج بي يومين اهزء الخياطه تقولي المفروض تقعدي في البيت وتريحه مخك
كيف اريح مخي وفستان ماما ماخلص
المهم بدات اعمل شعري بعد ماخلصت اتصل على ماما تقولي لسى بستنى فستان
شويا اتصل على سواق قلي يلا اعطيني 10 دقايق عشان زحمه
بس جاء ورحت على قاعه وكانت خالتي معايا
ولبست الفستان الا ماما تتصل وهي تبكي
اقولها ايش في تقولي جيت اللبس طقم دهب عشان الوقت الا انكسر من نص
يا ماما وازعق وابغا ابكي اتصل على سواق واقوله بسرعه روح عند ماما طقم مدري ايش في
وانا في قاعه وماما مسكينه ماجات والمعازيم بداو يجو وصار ساعه 9 ونص
وانا على اعصابي وحقت كوشه تتصل عليا تقولي زوجك نسي المسكه
قتلها ياله واتصل على زوجي مايرد=(
وماعرفت ايش اسوي ومصوره تقولي يلا يلا نبدا تصوير
وانا اتصور الا اتصلت الحرمه تقولي خلاص اسمعي لانو نسي مسكه و الورد الي راح ترمي من بلكونه انا راح اجيب الاغراض
وقتها مو فرحت فرح الا خلاص صرت اقولها كل شويا شكرا الله يسعدك
وماما باقي ماجات ...
دخلت القاعه ماما وهي مستلمه فستان و طقم الدهب 10 ونص <<< وفستانها باقي ماخلص
المهم ...
هاذا قاعة الرجال
انا بتصور وزوجي جاء على 1 وبدانا نتصور وكنت وقتها مره جيعانه ومستحيه اقولو جيعانه
جاو صحباتي وبنات جيران الغرفه تانيه يبغو يسلمو عليا قتلهم جيعانه <<< ماصدقت
جابولي انواع اكل ...
صارات ساعه 2 ونص حطو سي دي الغمره
خلصت على 3 الاربع بدانا زفه
موسيقى اسلامي
مني حافظه ايش هي الاغاني
طلعتي انا وزوجي
بعدها بكلونه
بعدها درج
بعدين تورته
بعدين
((( عملت طريقه جبت استاند حطيت عليها صورت ملكه ورحنا نوقع وفيها ونكتب اشياء ))
وبعدها
برضو جبت استاند عليه شموع عروسه زوجي يولع وانا اطفي
وعلى اول استاند اول شمعتين حطين دبل بعد ماطفي يلبسني وانا البسه
بعدها مشينا على كووشه
هاذا الاستاند
بعدها جابو العصير
شويا ماما زفت اختي صغيره عمرها 4 سنوات واخويا عمره 3 سنوات
كنا عاملين فستان اختي زي فستاني واخويا لابس ثوب
زفيناهم من ببلكونه لي حد عندي واختي كانت ماسكه مسكه باقه ورد
وجاو لي عندنا اخويا راح جمب زوجي واختي جمبي
ياحياتي عليهم كان وقتها من جد احلى لحظات
وكدا انتهت ليله اللحمدالله على خير ..
وبعدها رحنا احلى فندق في جده واهلنا ورانا بي سيارات والبوري ههه الله لايحرمني منهم
بنات احس قرقرت كتير وربي بس عشان تستفيدو وتحسو الاحساس انا عارفه وقت زواج ماحيكون عندكم احساس زي
تصدقو لي حد الان مني حاسه اني عملت زواج ومللكه وغمره بس اللحمدالله
واللحمدالله كان احلى يوم وناس كلهم انبسطو اللحمدالله يارب
لاتنسو كلمة ماشاءلله وان شاءلله عجبكم قصه طويله
واذا تحتاجو اي شي زي ماقتلكم انا موجوده
بنات انا شلت نص صور بسبب
المشاركة الأصلية كتبت بواسطة Miss Givenchy
ماشاء الله تبارك الله ياعسل
الله يديم عليكم الفرحة والسعادة ويرزقكم بالذرية الصالحة يارب
بس ياقلبي وعشان الكل ينتبه أنا حكتب لك هنا
أي صورة إنتي متصورة فيها شيليها بسرعة
عشان في برامج في الفوتوشوب تشيل أي إضافات على الصورة
يعني ترجع الصورة على وضعها الاساسي بدون التغطية والرتوش اللي نخفي فيها الوجه والجسم ..إلخ
الله يدخلك الجنه يا ميسوو