new make up مع نجوم إنتي غير

صبحكم / مساكم الرحمن على طاعته ,,~
شلونكم و شحالكم عساكم بخير ,,
الميك آب هالمره للي يحبون الاوفر
يناسب بالاخص الاعراس والحفلات الكبيره
نحتاج: اساس سائل او بالماي + بودره مضغوطه +
كونسيلر( انا عن نفسي ماستخدمه ماحبه )
بلاشر يعتمدعلى ذوقج ( وردي او برونز ) +
روج وردي فاتح + ماسكرا + قلم كحل
آيلاينر + لمعه ( شي راجع لج ) + مثبت كريمي من ماك .
بنستخدم هذي الالوان للآي شدوو :
الابيض اللؤلؤي + البنفسجي الفاقع
والتركوااز بلمعه + الازرق المايل على الكحلي ,,
وهي بعض الالوان ماصورت الكل ,,
يله نبدي الدرس
اول خطوه نحط الشدو الابيض اللؤلؤي تحت الحاجب
وناخذ قلم الكحل ونحدد الجفن المتحرك ونسوي خطوط داخله
يعني مانمليه كامل بصبعنا نسيح الكحل على كامل
الجفن المتحرك ليش ماصبغناه كامل؟؟
عشان ماتصير طبقه ثجيله من الكحل وتخرب الشدو وتسوي كسرات على الجفن ,,
بعدين ناخذ اللون التركواز ونحطه على الكحل
اللي سيحناه ولازم تكون على هيئه ضربات
عشان مايختلط الاسود بالتركواز
بعدين نحط شويه من المثبت الكريمي مال ماك
على المساحه الفاضيه بين تحت الحاجب
والجفن المتحرك مسحه خفيفه لاتكثرون
ونحط اللون البنفسجي اول شي ضربات
بعدين نسوي عمليه الدمج ,,
بعدين على حسب الرغبه نحط اللون الكحلي
على طرف الجفن ونمده بعد
حسب الرغبه,, وندمجه,,
بعدين نكحل العين بس من فوق بالآيلاينر
ونحط الماسكرا ونحط كحل داخل العين
ونحدد الحواجب ..
( عن نفسي ماحددهم بس انضفهم بس
اللي حواجبها خفاف تحتاج محدد الحواجب ,,)
وهيك نكوون خلصنا من الشدوو والباجي عليكم
ترا
للأمانه اضطريت اعدل في اضاءه الميك اب
لان تصوير فوني زفت وصدمني ان الالوان
في الاب طلعت غير واختي فديتها
ساعدتني شويات في رسمة العين