o0 أشياء ما اعجبتني وندمت عليها o0

بسم الله
زي مو في العنوان ياكثر مانشتري من هالمكياج ونندم على الفلوس اللي طآرت
وكله كووم ويوم تشتري شي ومتحمسه منها تجي للبيت وتجربيه وتلقي نتيجه عكسيه
فضايح
وقسم منبطه مرارتي هالشهر
مدري ليه ماتوفقت بالاغراض اللي اشتريتها
بقولكم بالصور وانتم احكمو
دوكم الصوره
طبعا الطامه الكبرى الظل اللي بالعلبه الحمراء ظل بيل فيزاج
ندمت عليه الله يقلعه يتفتت وحالته حاله طبعا هذا اللي ب15 ريال ولا ابو 10 ماشريته حالته ميؤس منها
اشتريته من العسلي بالمدينه انصحكم لاتروحون له
تدرون ليه؟
البايع غبي اطلب لون بعد ساعه يطلع لي اللون ولا يطلع لي لون ثاني ويبي يقنعني انه هو نفس اللي طلبت رفع ظغطي
وبالاخير ما اعجبني جربته بالمويا ولوحده نتايجه ماهي على قد المدح
ثانيا : اشتريت اساس ماكس فاكتر قالي هذا جديد وتغطيته قويه وهذا افتح درجه
طبعا المحل مظلم والاضاءه معدومه وصدقته ويوم جيت للبت لقيته غامق ولا دهني مرره وجهي يلمع
مرراا مو حلو (( على فكره رقمه 45)) مدري اذا هو صادق انه افتح شي او لا
ثالثا: شي نسيت اصوره ستيك من ماكس فاكتور غامق مره وما اعجبني بنوب بنوب وانقهرت خيرات الله <
رابعا: العلبه الدائريه شدو ازرق وسماوي من قولدن روز حليوه بس ماتبان الا بالما وبطلوع الروح
خامسا: اساس فلفت مات من فواريفر < لحظه دقايق بصيح وارجع
قالي البايع انه حق سهرات وينفع للبشره الدهنيه قلنا بس عز الطلب
واشتريه ب160 ريال
واجي للبيت واجربه بعد مانظفت بشرتي واحطه الله لايوريكم يبط التسبد مايتوزع ولا خفيف لو تحطين العلبه كلها مايبان مع العلم حاطه ترطيب قبله
حسبي الله عليه يقولي حق سهرات
سآدسا :
ظل موس من بيل فيزاج كاررثه لونه سماوي وبالمحل شفته فضي قلت مو مشكله
جيت اجربه طلع مدري وشلون ماعرفت استخدمه انا احطه تحت الحاجب يعني اضاءه
::
تهي تهي تهو
نصيحه لاتصدقون كل شيي ينكتب ولا تصدقون البايع تراهم مايخافون الله اهم شي تمشي بضاعته
وكل وحده عندها شي وندمت عليها تجي تشتكي لنا وان شاء الله الباقين يستفيدون
ام بعد الصور مدري وش بلاها احطها بايقونة الصور ماتطلع عشان كذا سدحت الروابط ناقصني بعد مشاكل كمبيوتر <برآآآ
ويالله تشاركو بالموضوع ولاتقرين وتروحين حاطه مصيده باالموضوع انتبهي
سي يو ياحلوات