Oo كيف ترتبين حقيبة زوجكoO تفضلي بالدخول

مشروع طفلة

31-10-2022 - 12:02 pm

بنات انا كتبت هالموضوع علشان نستفيد من بعض ونكتسب افكار جديدة حول كيفية ترتيب حقيبة الزوج فياليت كل وحدة تدخل تكتبلنا كيف ترتب حقيبة زوجها وايش الحركات الي ممكن تسويها في الشنطة وياسلام لو يكون مع الصور
انا راح ابدأ بنفسي ... انا ترتيبي عادي اقسم الشنطة نصفين يعني احط البناطيل في جهة والفنايل والبلايز في جهة وشنطة الحلاقة فوقهم او على جنب وبسس..
يالله الحين جاء دوركم وياليت الي تستفيد من موضوعي تدعيلي بالذرية الصالحة

التعليقات (9)

نجوووووحة

31-10-2022 - 03:31 pm

أنا إذا كنا مسافرين سوا
أحط بعض ملابسي معه....>خ لزقه
أما إذا كان بيسافر لحاله عمل
ودائما سفراته ماتطول عن يومين
أحط الداخلي بجهه مع البيجامه أو الجلابيه
والجهه الثانيه أحط فيها شنطه صغنونه فيها أغراض الشور
وفرشاة الاسنان والمعجون وعطر
وفوقهم ثيابه اللي بيلبسها بالعمل من ثوب وغتره و
وفوطه
وأحط له ورقه مكتوبه بخطي كلام حلو ودعوه حلوه
وبوسه مطبوعه من الروج

ام وليدويوسف

31-10-2022 - 04:32 pm

انا غالبا مايسافر زوجي مدة اربع ايام الى اسبوعين
ارتب شنطته انو احط له ادوات الشور وفرشه الاسنان والمعجون في حقيبه صغينونه
وعلبه مربعه فيها العطر ومزيل العرق
وحبوب بنادول وحبوب مغص
ولزق جروح ومعقم
للاحتياط ههه
وارتب الملابس الداخليه على الطرف اليمين والبناطيل والبلايز كل طقم مع بعض حتى بداخليته
ووبالنص ارتب الثياب واحط قطن اعبيه من عطري الخاص
واحطه اسفل الشنطه
مع اوراق حمراء صغيره ومقصوصه معطره بس
واحط صوره لوليد ويوسف مع بعض خاصه وانهم حبه الاكيد وبشكل جنوني
لان اخوانه يسافرون معه واحيانا بعض الزملاء وينامون بغرفه وحده فمنعا من الاحراج ما اكتب فيها شيء
وفوق الملابس المنشفه وطبعا انا مخصصه له منشفه للسفر بس واحط له كيس كشخه له سحاب
يحط فيه ملابس الوسخه خاصه اذا كانت سفرته سريعه وما يمديه ينتظر الغسال
مع بطانية سفر تكون معطره بعد

مشروع طفلة

31-10-2022 - 05:33 pm

نجوحة .. ههه انا مثلك احيانا اكون لزقة واحط بعض اغراضي معه ... الله يسعدك نوررتي موضوعي بضحكتك ...
ام وليد ويوسف .. والله انك ذكية لما حطيتي صورة عيالك علشان يشتاقلهم ويرجع بسرعة حلوة افكارك الله يخليكم لبعض يارب ...

مشروع طفلة

31-10-2022 - 06:34 pm

وين الباقين ؟؟؟ يالله تعالوا قولولنا كيف ترتبون شنط ازواجكم ولا ماتعرفون ... خ

مشروع طفلة

31-10-2022 - 07:35 pm

القراءات 107 والردود 2 بس !!!!!
يعني ماتبغون تفيدون وتستفيدون؟؟
زعلتوني منكم يافراشات خلاص ماراح اكتبلكم مواضيع مرة ثانية ...

الخيال السارح

31-10-2022 - 08:36 pm

الموضوع جاء في وقته
زوجي مسافر الاسبوع الجاي طبعا اول مره بعد زواجنا يسافر وحده

زوجي وبنتي هم دنيتي

31-10-2022 - 09:37 pm

انا دايم سفراتنا مع بعض فالذى تكون اغراضي واغراضه مع بعض
وشوكرن