pink تعالو شوفو المهمله في بيتها كيف احرجتها ام زوجها pink

السلام عليكم يا أحلى فراشات
اليوم حبيت افيدكم بتجربة بنت مع ام زوجها
البنت مهمله جدا لبيتها و عيالها وزوجها
اترك لكم القصه اللي راح تكون على لسان البنت
يلا استمتعوا مع القصه
( انا بصراحه شديده كنت انسانه مهمله جدا والله بيتي دايما وسخ وعيالي فوضويين ومشاغبين لدرجه كبيره وزوجي دايما يشتكي من ازعاجهم
والله يابنات حتى الطبخ يوم اطبخ وعشرة ايام لا وكله على حساب زوجي وعيالي
احيانا يطلبون من المطعم واحيانا يجلسون بدون اكل
كل هذا لاني انسانه احب الراحه والاسترخاء
دايما منسدحه عند التلفزيون واتفرج مسلسلات او برامج وتاركه البيت يعفن
واذا عزمت احد في بيتي انظف مكان الضيوف بس والباقي اخليه على حاله
ولي سبع سنوات وانا على هالحال ودايما زوجي يهاوش ويسب وانا انظف قدام عيونه واذا راح ارجع اتسدح
وانا في قرارة نفسي موراضيه ومو مرتاحه لمنظر البيت
غرفة نومي كانت حظيرة اغنام فيها بقايا الاكل والمناديل الوسخه وانواع القرف والمفرش معفوس فوق تحت وزوجي الضحيه لانه ينام فيها
اناطبعا من زمان هجرت هالغرفه وصرت انام مع عيالي في غرفتهم الوسخه بعد
ودايما طفشانه ومتوتره واقرر انظف البيت بس ما انفذ شي
وفي يوم من الايام رحت انا وعيالي لاهلي
وام زوجي واخته جو عند زوجي في البيت ودخلوا وشافوا البيت وطلعوا الزبايل ونظفوا البيت بالكامل وبخروه وعطروه
وام زوجي اتصلت علي وقالت لي كلام جرحني وغيرني ميه وثمانين درجه
قالت ولدي مو مجبور انه يعيش مع زوجه وسخه ومهملته والحريم على قفا من يشيل وكل وحده اسنع من الثانيه وش حاده عليك يالوسخه
انا من الفشيله مارديت علها ولا كلمه سكرت التلفون وانا مندهشه من كلامها
وعلطول قلت لخوي يرجعني لبيتي واخذت عيالي ودخلنا البيت وعيالي ماصدقوا انه بيتنا لانه كان نظيف وريحته حلوه
دخلت لقيت زوجي قاعد ويطالعني بنظرات حاده
رحت عنده وانا ابكي صدق يافلان بتزوج وحده غيري
قال والله محد بيلومني لو تزوجت وهذا امي واختي شافوا البيت وبيعذروني لو فكرت اتزوج
قمت اصيح واحب ايدينه ورجوله وعاهدته اني اتغير ومعاد يشوف البيت القديم ون اليوم ورايح راح احافظ عليه مثل مانظفوه امه واخته
قالي بالحرف الواحد بنشوف
والحمدلله بيتي الان له ثلاث شهور نظيف دايما ومبخر و صرت اطبخ كل يوم لزوجي وعيالي وكله خوف من الضره
اتمنى الكل يستفيد خاصة الزوجات المهملات مثلي )انتهى كلامها .....
منقول