Skinny Girls Group

بسم الله الرحمن الرحيم
السلام عليكم ورحمه الله وبركاته
من اليوم باذن راح اتحدى نفسي لاني مره مره متضايقه من جسمي
اول شي بقولكم سالفتي مع جسمي
كانت طفولتي نحيفه تقريبا من بلوغي بديت ازيد حتى وصلت الجامعه كان وزني 75 وطولي 159
المهم قررت الاجازه اللي قبل اللي طافت عام 1430 اسوي دايت وانحف وفعلا نحفت
كان بدايتي في شعبان وصل وزني في هذيك السنه الى 57 ولله الحمد وكان الكل معجب بنحفي
الكل يقول لي احلويتي وصرت رشيقه استمري
لكن ياحسافه في الاجازه اللي بعدها انقلبت الموازين فرجعت الوزن مع الايام طوال سنه 1431
المشكله مارجعته وبس لكن مع زياده سبعه كيلو الحين وزني 82 وواجهت انواع الانتقادات بعد مارجعت وزني اكيد يبون مصلحتي
خلاص ستوب
ابغى انحف ابغى ارجع مثل قبل وانزل بعد وزن ابغى اكون 55
يارب تيسر لي
بالبدايه بحط شي ببالي ان اللي نحفني قبل وقدرت على النزول بقدر الحين ان شاء الله
والشي الثاني اتذكر شكلي وانا رشيقه حتى عندي صور لي وشكلي الحين فرق فرق
واكيد الرشاقه احسن
الشي الثالث النظام
النظام اللي راح اتبعه
الشاي الاخضر مع الليمون والزنجبيل والنعناع كل يوم من كوبين الى ثلاث بدن سكر طبعا
الرياضه ساعه باليوم اواذا قدرت خليتها ساعتين طبعا بسجل بنادي السبت لاني من النوع الكسول مستحيل اسوي بالبيت
المويه لزوم اشرب كل يوم 8 كاسات معتدله البروده
واهمها كاسين الصباح على الريق
الفاكهه مره باليوم عشان البشره بدل الشوكلت المغرب
الجبن اللبن الحليب والزبادي كلها بستبدلها بقليل الدسم او خالي الدسم
الفطور راح اخليه بيض مسلوق او كرونفلكس مع حليب خالي الدسم
والشاهي راح يكون بدون سكر
والخبز مسموح شريحه وحده باليوم من التوست النخاله
اما عن الغداء راح يكون سلطه مع تونه او مع سمك او دجاج مشوي
المغرب كما ذكرت حبه فاكهه
العشاء قدر مااستطيع بخليه خفيف زبادي مثلا او حبه خيار او كاس عصير كيوي واناناس
الكل يعرفه هذي طريقته للفائده
كاس عصير اناناس بدون سكر او مواد حافظه
( اللي اعرفه كي دي دي وفيه سيزر وندى ويقولون فيه انواع كثيره المهم بدون سكر)
حبتين كيوي مقشره ومقطعة
عصير ليمونه (وممكن يحذف )
وبالخلاط لحد مايختلطو مع بعض
اما عن المنوعات بالاكل والله يقدرني اتركها
الشبسات الزر والمكرونه والجريش والخبز الابيض وكل النشويات لانه عدو فصيله الدم O
طبعا ومن الفواكه التمر والتين والموز والعنب
والغازيات عدوي اللدود
هذا بالنسبه للنظام الغذائي والرياضي
اما بالنسبه لنومي راح اعدله راح انام الليل ع الاقل ساعتين
والفجر اقوم اصلي واجلس ثلاث ساعات بعدين انوم عشان اقوم للنادي العصر نشيطه
ومن ناحيه بشرتي راح اجمع لي كذا خلطه مجربه واستممر عليها
وكذلك شعري امي مسويه زيت راح احطه ثلاث مرات بالاسبوع
قبل النادي راح ادهن جسمي قبل البس لبس الرياضه كريم التنحيف من زين الاتات او زبده الكاكاو
اما من ناحيه الاعشاب راح استخدم غير الشاهي المعتاد اللي ذكرته فوق
راح استخدم الحبوب الاندنوسيه مريت لانها ساعدتني بالنحف قبل
وراح استخدم الرجله قبل الوجبه لانها تمتص الدهون وتسد النفس
وبكذا خلصت اللي ببالي واللي ناويه اسويه واللي مجربته قبل وجايب معي نتيجه
الحين انا ارحب باي وحده تخاويني في طريق الرشاقه بس اهم شي عندي الالتزام
انا توي متخرجه افضل تكون وحده مثلي يعني فاضيه تدخل كثير عشان تشجع بعض ونساند بعض والالوان اللي نبغاها بالكتابه تفاحي أ و احمر
تمت كتابته في تاريخ 21 _3 _ 1432 هجري الساعه الواحده صباحاً
ان شاء الله السنه الجايه بنفس هالتاريخ اصير محققه حلمي وموصله الوزن اللي اتمناه
Skinny Girls Group