TriCk oR TreaT

*احساس طفلة*

23-06-2022 - 07:36 am

! TriCk oR TreaT ]" قبل أي أحد يهاوشني ..
الكلام اللي في الموضوع كله لا يتعدى كونه " رأي شخصي " ..
يعني مو قاعدة أعمم الكلام على أحد .. "
! TriCk oR TreaT !
بو ..
ازيكو يا ولاد .. ؟!
عاملين ايه .. ؟!
حبيت أغير شوي ..
و أجيب موضوع أتفلسف فيه ..
و أطلع حرتي ..
و أرتاح ..
احنا في آخر أيام شهر من أحلى الشهور عندي ..
" October " ..
وما يعني الا شي واحد ..
HallOween BabY !
عن نفسي أعشق هذا اليوم ..
ودايما كان له ذكريات حلوة ..
و تخوف بس مهب مرة ..
ف حبيت أتكلم اليوم عن أفلام الرعب ..
يعنني أخششكم جو باليوم ..
" أدري ان التنسيق كخة بس عاد هالوين ..
و زيادة القرار اللي مدري وش يبي اللي 9000 حرف مدري 90000
ف الموضوع أكثر من رد " ..
أفلام الرعب ..
وما أدراك ما أفلام الرعب ..
أفلام تخوف .. < لا .. ؟
أفلام أعشقها مع اني للحين ما لقيت الفيلم اللي يرضي غروري ..
ويخليني أخاف ..
يا ناس والله احيانا أشتهي أخاف ..
بس ما أقدر ..
فيه أفلام كثيرة تصنفت ك أفلام رعب ..
بعضها تستحق هالتصنيف ..
بعضها لا ..
المفروض يمسحونهم من تاريخ هوليوود ..
يعني في كم فيلم أحسهم يشوهون سمعة أفلام الرعب ..
ف اليوم أبي أفتح " محضر حش " ..
في كم فيلم من الأفلام اللي قد شفتها ..
بس خلونا بالبداية نشوف أصل هذا العيد ..
أو اليوم ..
على راحتكم ..
بدا الهالوين عند ناس يقالهم " Celts " ..
كانو تقريبا قبل 2000 سنة ..
كانو ساكنين في منطقة اللي الحين هي ايرلندا .. المملكة المتحدة .. و شوي من فرنسا ..
هذولي الناس كانو يحتفلون ب سنتهم الجديدة في 1 نوفمبر ..
كانو يودعون فيها " الأيام المشرقة " على قولتهم ..
و يبدون النص الشين من السنة ..
النص المظلم .. الكئيب .. البارد ..
يعني بداية الخريف باختصار ..
كان اعتقادهم ان اله الموت اللي اسمه " سامان " ..
والنعم ..
يجيب كل الأرواح الشريرة اللي ماتت هذي السنة ..
ويعاقبهم بانه يحطهم في أجسام حيوانات ..
والله وعرف يعاقب ..
ف الناس المخفات هذاك الوقت كانو يولعون شعلة كبيرة ماارة ..
ويعقدون يراقبون هذي الأرواح ..
وهو يعني في الأصل حق العيد ..
كان احتفاله مرة بسيط يعني بس في الكنيسة ..
بس دشير اوروبا استغلوه بالمزح .. الوناسة ..
اللعب عالمخفات وتخويفهم ..
ف الحين صار بدال ما هو احتفال بالخريف ..
صار احتفال بالخرابيط والرعب والتسذوبين ..
من العادات الغريبة اللي تصير ..
انه تكثر سرقات الأبواب .. قطع الأثاث ..
عشان يعني يقنعون الناس انه ترا فيه أرواح قاعدة تسرق ..
وبرضو معروف ان المقابر نو وي أحد يقرب منها ..
عشان ما تطلع الأرواح خ ..
يضحون وقسم ..
برضو في الهالوين تكثر حركات النذاله ..
يعني الناس يستغلون ان كل أحد متنكر وكذا ..
ف تكثر السرقات .. تكثر الجرايم ..
و الله يكافينا شرهم ..
فيه ناس فجأة وانت تمشي في أمان الله ..
طراخ .. ابرة فيها ايدز .. او اي نوع من الأمراض ..
بما انهم متنكرين ونو وي تدري مين هم ..

التعليقات (9)

*احساس طفلة*

23-06-2022 - 10:23 am

I know what you did last summer ..
اخراج Jim Gillespie ..
بطولة Jennifer Love Hewitt .. Sarah Michelle Gellar .. Ryan Phillippe .. Freddie Prinze Jr.
يا أنا أكره هالفيلم ..
يعني والله مو قصدي شي ..
بس أشوفه كثير لما يجي في التلفزيون ..
كل ما أكبر أقول يمكن فيه شي انا ما كنت أحسه أول ..
بس مع كل هالمحاولات ..
يظل فيلم يشوه أفلام الرعب ..
أحس قصته مدري وش تبي ..
سبحان الله هالرجال اللي ما مات ..
ولا " جينيفر و فريدي " الوحيدين اللي ما ماتو ..
أكرهه ..
g 28 days laeter
كان اسخف فلم شفتو بحياتي كرهة نفسي بعدو عملو علية دعاية كبيرة وقعت استنى اسبوع كامل وبعدين طلع سخيف
Scream ..
اخراج Wes Craven ..
بطولة : David Arquette .. Neve Campbell .. Courteney Cox
فيلم صراحة بايخ ب كل أجزاءه ..
عن نفسي ما أصنف هذي الأفلام رعب قد ما أصنفها بياخة ..
يعني فيه جزء من أجزاءه .. أظن الثاني ..
النهاية الأليمة اللي صراحة قعدت أصيح منها ..
يوم اخوها .. و ذيك الحرمة اللي مدري وش تبي ..
بعدين فجأة يقوم اخوها ..
بعدين يطلق عليها وتصير لابسه مدري ايش ..
يعني وبعدين .. ؟!
Silent Hill ..
اخراج Christophe Gans ..
بطولة Radha Mitchell .. Sean Bean .. Laurie Holden
الفيلم اللي للحين يقطع قلبي كل يوم ..
يعني والله ما تتخيلون القهر اللي جاني ..
فيه بعضكم شافني و أنا متشققة أبي أشوفه ..
ومن جد كان يمكن أكثر فيلم قد تمنيت أشوفه ..
يعني تخيلو من حبي للعبة للحين ألعب الجزء الأول ..
" بالنسبة لي أحلى جزء هو " ..
انقهرت مرة ان مستوى " لعبة " ..
على " سوني 1 " .. ب ذيك الرسوم اللي مدري وش تبي ..
يكون مستوى الرعب فيها أكثر من الفيلم ..
صح ان الواحد لما يكون يلعب شي يصير يخوف أكثر ..
بس والله حرام ..
يعني فيلم غبي ..
أولا مجمعين قصص الأجزاء ..
كنت أتوقع و أتمنى يسوون قصة الأول بس ..
جمعولنا خرابيط وبرابيس كل الأجزاء ..
و طاقم الممثلين كان بايخ ..
باستثناء " شون " ..
فيه مقطع واحد حبيته ..
يوم يروح المدرسة ويقول اني أشم ريحة عطرها ..
تأثرت حبتين ..
و فيه نقطة قهرتني وهي آخر لقطه ..
يوم البنت و أمها في البيت ..
و الأبو برضو في البيت ..
ما وضحوها ..
يعني اللي ما لعب اللعبة ما راح يفهم ..
المفروض اللي صاير ان الوقت رجع " 7 " سنوات ورا ..
عشان كذا مو قادرين يشوفون بعض ..
و مع ان الوقت رجع ..
لسه البنت كبيرة ..
و البيت سبحان الله من " 7 " سنين مرتب و مأثث ب نفس الطريقة ..
مدري صراحة ما حبيت الفيلم أبد ..
ما صبرني عليه الا " شون بن " ..
وغلا اللعبة في قلبي ..
بلاي ستيشن 1 في قلوبنا ..
The Hills Have Eyes
اخراج Alexandre Aja
بطولة Aaron Stanford .. Kathleen Quinlan .. Vinessa Shaw ..
لو أقدر أعطيه لقب أكبر من " أبشع فيلم شفته في حياتي " ..
كان أخذها بالراحة ..
فيلم غريب عجيب ..
يعني بدت أول لقطة ب مقطع مهب جيد بالحيل ..
أجل أول مقطع في الفيلم واحد يدخل هذيك اللي تكسر الصخور في ظهر واحد .. ؟
يعني اوكي فيه أفلام فيها كمية قرف و دم زي " Saw " ..
بس تفرق عن هذا النوع ..
أنا من النوع اللي مستحيل أسكر فيلم ..
خايفة .. طفشانه .. اللي هو .. ما اسكر ..
هذا والله أتمنى أشتري مخ وذكريات جديدة عشان أنساه ..
اوكي فيه تعذيب معقول ..
بس يجي واحد .. يقطع راس عصفور ب أسنانه .. ويشرب دمه .. قوية ..
ما حاولت حتى " أفكر " أشوف الجزء الثاني ..
ما يحتاج صياح ..
هذا من الأفلام اللي مفروض هوليوود تمسحها ..

*احساس طفلة*

23-06-2022 - 11:24 am

نجي الحين للأفلام اللي قبلتها نوعا ما ..
The Exorcist
اخراج William Friedkin ..
بطولة Jason Miller .. Ellen Burstyn .. Max von Sydow ..
اوكي لحظة قبل تهاوشوني ..
أنا عارفة ان الفيلم بالنسبة ل وقته مرعب ..
يعني من زمان قبل التكنولوجيز حقت الموفيز ..
معاكم في هالنقطة ..
و فكرة الفيلم ككل ..
و تهديد امي لي قبل أشوفه يثبت كلامي ..
بس اللي استغربه انهم للحين يصنفونه " أخوف فيلم في العالم " ..
يعني الحين يقدرون يسوون أشياء أرعب منه بكثير ..
معليش والله هذي السالفة دايما أقولها ..
بس صدق تضحكني ..
و أنا أشوفه ..
كل شوي يمر وقت ولا أحس انه جاني رعب ..
المهم كنت أشوف ..
جت اختي الكبيرة ..
" هي شافته من زمان و ما نامت مدري كم ..
وبعدها قعدت اسبوع تنام والنور مفتوح
أشوى اني نمت مدري كم بعده .. "
المهم .. جت قالت : هاه وشو ؟ ..
قلت ما يخوف .. فجأة لقيتها تناظر الشاشه .. و قالت : لأ .. لأ .. ما أبي أتذكر ..
وطلعت تركض من الملحق ..
هنا أنا مسكت اللحاف زين .. قلت شكل بيجي شي يخوف ..
و فجأة .. وشي اللقطة .. ؟ يوم البنت تلف راسها على ورا ..
يعني وش الرعب هنا .. ؟!
أكرر و أقول ان الكلام رأي شخصي ..
على فكرة كان فيه مقابلة جت قبل سنة تقريبا ..
مع البنت اللي مثلت الدور ..
كثير قالو انها جاها " مرض نفسي " يوم شافت شكلها ..
بس هي تقول لا ..
تقول أنا تعبت من نظرة الناس ..
رحمتها والله ..
تقول اني كنت لما أمشي في الشارع ينحاشون مني يقولون هذي الوحش ..
Exorcist: The Beginning
اخراج Renny Harlin ..
بطولة Stellan Skarsgard .. Izabella Scorupco .. James D'Arcy
بصراحة عجبني أكثر ..
كان فيه كم مقطع شوي يامامي ..
بس ما يزيدون عن مقطعين ..
نفس الكلام اللي فوق ينطبق عليه ..
يعني ما أتوقع أبي أزيد عليه ..
عجبني كيف جابو الحرمة مسكينة أول شي ..
و على نياتها و ضعيّفة ..
بعدين ترا را را

*احساس طفلة*

23-06-2022 - 12:25 pm

أخيرا ..
عندنا الأفلام اللي حبيتها ..
مع ان غالبهم ما جتني فيهم روعة كبيرة ..
بس حبيت مفهومهم للرعب ..
مب يجيبون لي واحد متلطم ومعه سكين قالو رعب ..
يجيبون الرعب في القصة ..
في طريقة طرحهم للقصة ..
بس ما يمنع ان فيه مقاطع بغيت أبيض من الخوف ..
The Others ..
اخراج Alejandro Amenabar ..
بطولة Nicole Kidman .. Fionnula Flanagan .. Christopher Eccleston
يمكن ما يصير مرعب ..
يعني بيبي مرعب ..
بس اللي حبيته فيه هذا الأسلوب من الرعب ..
الأشياء اللي كذا بعيدة عن القتل ..
نقدر نقول غموض أكثر من انه رعب ..
زي مثلا عندنا لقطة البنت الصغيرة يوم امها تناظرها تلقاها عجوز ..
" عاد انا جيبو لي شي في صغار خلاص .. هم سبب الرعب في العالم .. ولا يهونون باقي الأشياء "
ولا يوم تكتشف انهم ناس ميتين ..
كذا أحب اللحسة أنا ..
السلسلة ال " عظيمة " ب نظري ..
مع انها جريمة أكثر من الرعب ..
Saw ..
الأول كان اخراج James Wan
بطوله Leigh Whannell .. Cary Elwes Shawnee Smith
الثاني اخراج Darren Lynn Bousman ..
بطولة Tobin Bell .. Shawnee Smith .. Donnie Wahlberg ..
الثالت من اخراج برضو Darren Lynn Bousman ..
بطولة Tobin Bell .. Shawnee Smith .. Bahar Soomekh ..
الأول يظل المفضل عندي ..
يمكن لأنه كان فكرة جديدة ..
و فيه آدم ..
الثاني حبيته مرة مرة ..
وحبيت فكرة انه جمع كثار هالمرة ..
و أكثر شي عجبني في كل الفيلم ..
" استفزاز " و أداء Tobin Bell ..
خطير ب معنى الكلمة ..
الثالث ..
كانت نسبة القرف و الدم مضاعفة ..
ما حبيته زي الباقين ..
بس ما فشل زي باقي الأفلام اللي تسوي أكثر من جزء ..
والحين أحتري على نار الجزء الرابع ..
حسيته بيصير أحسن من الثالث ..
The Ring
اخراج : Gore Verbinski
بطولة أطخم اثنين في الحياة : Naomi Watts .. Martin Henderson
الفيلم حبيته ب كل الجزئين مع اني افضّل الاول ..
هو اللي أذكره زين ..
الثاني ما أذكر الا مقطع واحد بسم الله الرحمن الرحيم ..
بس من جد فكرته خاشة مزاجي مرة ..
تخيلو فيه شريط اشوفه واموت بعد 7 أيام ..
حبيت انها مع انها دارية انها بتموت ..
بس انها حاولت تفك اللغز عشان الناس اللي بعدها ..
وعشان ولدها ..
طبعا أرعب مشهد ومتفقين أنا وبيتنا كله ..
يومها بنت اللذينا تطلع للأطخماني ..
من كثر الروعة حسيت انها طلعت لي أنا ..
حبيت بعد الشريط نفسه ..
كان غريب ويروع مرة ..
g 1408
فيلم رائع .....................
عجبني لما يشوف بنتو الميته ولا لما تيب يشرد من الشباك فيلم رائع يعني هو في مقطع ولا اثنين يخوف بس كقصة فلم واو

*احساس طفلة*

23-06-2022 - 01:26 pm

وترقبوا
p2
g 30 days of naigh

*احساس طفلة*

23-06-2022 - 02:27 pm

ام نسيت
انو محد في هذا
المنتدى يرد
باي

*احساس طفلة*

23-06-2022 - 03:28 pm

20 وحدة تدخل ولا ترد ؟

*احساس طفلة*

23-06-2022 - 04:29 pm

!!!!

beautiful doll

23-06-2022 - 05:30 pm

الموضوع حلو بالنسبة للأفلام اللي أنتي كتبتها بعضها ما شفتها بس اتفق معك في أنthe ring فيلم رائع وحماس وخاصة النهاية وبعد عجبني الشريط فعلا كان مرعب <<<<<بس أنا شريرة ما خفت خ

*احساس طفلة*

23-06-2022 - 06:31 pm

ههه في فلم اسماء ايملي روز مرعب

قطع رأس أمه فعاقبه الله امام الناس←
سواها قلبي روايه سعوديه→