سواها قلبي روايه سعوديه

البارت الاول : ( 1 ) :
*
*
*
*
فتحت باب الغرفه ووجدتها خاليه من اي معالم للحياة مضلمه واشبه بالجليد ..
قربت وشغلت الانوار واغلقت المكيف وتوجهت للسرير وبصوت عالي :: ياله ياجنى تاخرتي كثير بالنومه ..
جنى :: ........
قربت اكثر وسحبت اللحاف :: ياله مابقى شي والناس يجون وانتي للحين نايمه ؟؟!!..
جنى وهي تفتح عيونها لاكن الضوء كان اقوى من انها تتحمله منعته بسرعه بذراعها وبصوت خامل :: اوكي خلالاص ان شالله الحين باصحى ..
ربى :: جنوه ماما تقول لك نص ساعه ان مانزلتي ياويللك منها ..
جنى وهي تجلس على حيلها وبتافف :: ازعجتتوني ماصارت عزيمه ذي خلالالالاص باقوم .. نزلت رجليها على الارض ولبست شبشبها وتوجهت للحمام ..
اما ربى طلعت وسكرت الباب وتوجهت لغرفتها تلبس ..
**
**
**
**
بعد نص ساعه كانت توقف قدام المرايه تلقي النظره الاخيرره على شكلها قبل لاتنزل ..
انطق الباب بهدؤؤؤ استغربته "" غريبه من هالمؤدب "" :: مين ؟؟!!..
- انا شذى ..
جنى رفعت حاجبها "" من متى نزل الادب "" :: ادخلي شوشو ..
دخلت شذى وهي لسى ببيجامتها وجنى لفت واستغربت هالشي خلالاص تو المسجد مخلص صلاة يعني باي لحظه بيوصلون المعازيم :: وش فيك ليش مالبستي ؟؟!!..
شذى بادب وذوق غريبين :: ماعرفت وش البس وامي تلبس بغرفتها ماحبيت ازعجها ..
جنى تتبسم فهمت ادب اختها لانها تبي خدماتها :: اوكي ... وهي تلف :: وش رايك طيب بلبسي ؟؟!!..
شذى وهي من جد مبهووره من شكل اختها وأناقتها :: تجنين مشالله عليك تعرفين اللي يلبق لك عمري ماشفت ولا راح اشوف احد مثلك ..
جنى وهي تضحك :: ههه مشكوره حبيبتي على هلأطرئ .. يالله خلينا نروح لغرفتك نشوف وش عندك تلبسينه يالله قبل لايجون العالم ونتاخر عليهم ..
كانت جنى لابسه تنوره لتحت الركبه زيتي بتطريز ذهبي وبدي توب بسيور ذهبي فيه بالوسط رسمات وكتبات بالزيتي وذهبي اغمق من البدي وجاليه لفوق الخصر باكمام جبنيز اشبه للكت نازل شوي من الظهر زيتي بتطريز ذهبي وصندل لف ذهبي واطي شوي لانها مو ناقصها طوول وماتحب العالي ابدا واكسسوار ذهبي وميك اب برونزي وشعرها فاتحته ومسيحته ستريت وغرتها منزلته وطالع شكلها يجنن خصوصا الذهبي مع لون بشرتها البرونز يطلع يجنن والزيتي مع لون عيونها الخضراء على عسلي وشعرها العسلي يطلع يجن ..
**
**
وصلت لغرفة اختها شذى اللي بنفس الجناح مع غرفة ربى دخلت غرفة الملابس حقتها ولقتها معفوسه وبنظره استغراب لشذى :: انتي اللي حايستها كذا ؟؟!!..
شذى :: وش اسوي مالقيت وش البس ..
جنى بتافف :: بعذرك كيف بتلقين شي تلبسينه بهالحوسه عاد من قل ملابسك الحين ناثرتها بكل مكان ..
شذى ماقدرت تصير مؤدبه اكثر من كذا :: والله حتى انتي ملابسك اكثر منها مافيه لاتتطنزين على ملابسي ..
جنى بنظرة تهديد :: ترى ان ماعقلتي بطلع ؟؟!!..
شذى بنظرات ترجي :: لا خلاص بليز مابي امي تطلع وتتنرفز علي ..
جنى :: ايووه خلك كذا ..
وبدت هي وياها حرب بين ملابسها تطلع لها شي تلبسه ..
ربى دخلت عليهم وهي لابسه ومخلصه كانت لابسه تيور بيج باحمر بدون ميك اب طبعا لانها توها صغيره وشكلها كيوت حيل ..:: ههه وش جالسين تسون حشى بحرب انتم ؟؟!!..
جنى وهي تحوس بين الملابس :: تعالي ساعدينا وانتي ساكته ...
ربى :: ليش وش عندكم ؟؟!!..
جنى :: ندور شي تلبسه بسرعه مابقى شي ويوصلون الناس لازم نستقبلهم ..
ربى وهي تدخل الغرفه وتبدى :: اوكي اوكي يالله ..
بعد عشر دقايق حرب وبحث استقروا على برموده جينز فيها كتابات بالاحمر والذهبي وتي شرت ذهبي فيه كتبات بلانجليزي بلاحمر وشوز واطي كان مناسب لسنها وستايلهاا .. طلعوا يخلونها تلبسه ..
وجنى وهي متوجهه لباب :: بليز خلي عفوور تزين لك ملابسك وترتبها مثل ملابسنا ..
ربى بسخريه :: وش الفايده وهي بلحظه بتحوسها ..
شذى وهي تحط ملابسها على السرير :: اقول انتي وياها يالله بسرعه بعدين نتفاهم خلوني البس ..
جنى وهي تطالع ربى ويقفلون الباب :: حشى مهما سوينا مراح يثمر فيها هلانسانه ..
ربى :: خلك منها مصيرها تكبر وتعقل توها صغيره ..
كان فارس توه يطلع من جناحه وهو كاشخ ولابس ثوب وشماغ ومرسم وشكله رهيب .. طالعهم وابتسم مبهور من اناقتهم ::: احلى غطيتتوا على الكل ..
جنى بغرور :: اكيد حفلة تخرج اخونا ورجعته لنا بالسلالامه ماتبينا نكشخ ..
فارس :: فديتكم انا ياحلى خوات ..
سمعوا صوت عفره تناديهم :: ياله عمتي تبيكم تحت ..
نزلوا الثلاثه كانت امهم مخلصصه لبس تتنظر المعازيم يجون ..
فارس + ربى + جنى :: السلام عليكم ..
ام فارس :: وعليكم السلامم ..
جنى :: امرينا بغيتنا يالغاليه ؟؟!!..
ام فارس ::ايه بغيتكم تكنون جاهزين لان خلالاص مابقى شي ويجون المعازيم ..
جنى :: اوككي خلاص جهزنا .. بهاللحظات رن الجرس ..
أم فارس :: ربى أفتحي الباب ..
عفره وهي رايحه تفتح الباب :: انا بروح استريححوا ..
فارس :: يالله اجل عن اذنكم ..
بهاللحظات كان فيه شخص ينزل بخطوات سريعه :: السلالالام ..
الكل :: وعليكم السلام ..
فارس :: وش فيك مخروش اعصابك ..
هزاع :: لا بس سمعت الباب قلت اكيد حريمم ومالي خلق انزل تغطوا ومدري ايش فخلصت بسرعه ..
جنى بنغزه :: فيه درجج الخدمم ..
هزاع بسخريه :: ها ها ضحكتني نقطينا بسكاتك لوسمحتي ..
جنى :: نعم نعم ..
ام فارس وهي متنرفزه :: قصروا اصاواتكم زوجة عمكم عبدالرؤف وعيالها وصلوا انقلع انت يالله روح للرجاجيل ..
هزاع وهو يروح وفارس وراه يضحك عليه :: خلالاص لاتنرفزين يالغاليه رحنا ..
**
**
**
**
قطع جوهم دخول زوجة عمهم عبدالرؤف ابورائد وبناتها ..اللي استقبلتهم ام فارس وبناتها ربى وجنى بالترحيب والحفواه ..
ام فارس وهي تسلم على ام رائد :: ياهلالا والله توه مانور البيت ..
ام رائد وهي ترد لها الابتسامه :: منور باهله ..
ام رائد :: تفضلوا تفضلوا ..
روان وهي تخبط ربى :: وحشتيني يالدبه يالقاطععه ..
ربى :: كل هذا فيني ؟؟!!..
روان وهي تجلس على الكنبه :: ههه ايه كل هذاا واكثر بعد تبين اززيد ..
ربى :: لا يكفي تكفين ..
**
**
**
**
يتبع,,,

بعد ساعه ونص اكتمل الحضور لحضور عزيمة تخرج ورجعة فارس وولد عمه رائد من بريطانيا باعلى الشهدات ..
**
**
عند الرجال كان اكثر اثنين مبسوطين ابورائد وابوفارس بتخرج عيالهم ورجعتهم لهم بالسلالالامه بعد غيبت اربع سنين ..
ابورائد :: ايه والله الحمدله مابغووا يخلصون ..
ابوفارس :: وانت الصادق ولا بعد الحمدله هزااع رفض يسافر يدررس برى وفضل يجللس هنا هو وفهد ..
ابوطلال :: الحمدلله بكذا خلصوا عيالنا من هالغربه وارتاحت قلوبنا ..
فارس وهو بجنب رائد :: الظاهر العالم ماصادقت رجعنا مادريت اننا غالين لهالدرجه ..
رائد وهو يبتسم :: ايه والله انك صادق ..
اما بجهه ثانيه من المجلس ::
فهد :: اقول قوم بس طفششت ..
هزاع :: اقولك ابوي محذرني ان طلعت قبل لاتنهي العزيمه وربي يذبحني ..
فهد بطفش :: ياربي منهم ..
طلال وهو يسمعهم :: يعني مراح تنبسطون الا بالقز ومضايق خلق اله ..
فهد طالعه بطرف عينه :: وانت وش دخلك ياشيخ ..
طلال بتسامه جانبيه وطرف عينه على جده :: بتعقلون والا اقوول لجدي عن سوالفكم ؟؟!!..
فهد سكت وهزاع حبس ابتسامته محد يقدر على فهد الا جده ابوعبدالله وجنى ..
**
**
**
**
اما عند البنات ..
روان :: جنوه عقلي لااذبحك ..
جنى بعدم اهتمام :: ماتقدرين ياماما ؟؟!!..
روان بنرفزه خفيفه وبنبرة تهديد وهي تاشر لها بصبعها :: ترى ان ماعقلتي باذبحك ..
عريب وهي تتدخل :: هي انتي ناسيه وراها ترى ظهر ..
جنى وهي تطبع قبله على خد عريب اللي بجنبها :: فديت سندي وعوني انا ..
ربى :: حتى انا ترىى ورى روان لاتقربون عليها ..
روان تسوي نفس حركة جنى تقهرها :: فديتك انا يارووحي ..
جنى وهي مو مهتمه بالعكس ماسكه ضحكتها عشقها تناقر روان :: على بالك تقرهيني ياعمري انا معاي عريب وملووك وسوسو ومدى وندى والجازي وانتي بس ربى ..
شذى وهي تاشر على عمرها : كانك نسيتني ؟؟!!..
جنى وهي تخبط على راسها :: سورري بس ماحددتي موقفك ؟؟!!..
شذى :: ام معك اكيد مو اختي ..
جنى وهي تطالع روان بنظرات رفعت ظغطها :: جنوه اعقلي خلالالاص مو لازم نقلب السالفه حرب خلالاص نرجع نسوللف .. ورجعت لهدؤؤها :: وين بتسافرون هالسنه ياربى ؟؟!!..
ربى وهي تتبسم على روان اللي محد يقدر عليها الا جنى وبس :: والله مدري ناس تبي ماليزيا وناس تبي فرنسا وناس ايطاليا وابوي ضاييع مو عارف يرضي مين والا مينن ..
ساره باهتمام :: ومن يبي فرنسا ؟؟!!..
شذى تاشر على عمرها :: مي ..
عريب ::: واكيد ايطاليا جنى ..
جنى وهي تتبسم هالبنت تفهمها دايما :: صح انا ..
الجازي :: اجل مين ماليزيا ؟؟!!..
ربى :: هزاعوه يبي يشووف مناظر طبعيه جديده ..
جنى وهي تضحك :: لا مادريتوا وش طلع جديد ؟؟!!..
ربى وشذى باهتمام وتركيز :: لا وشو ؟؟!!..
جنى :: همامووه يبي يرووح تركيا هو وفارس ..
ملاك وهي تتبسم على ذكر اسم فارس :: بصراحه تجنن تركيا ..
جنى بنظرات شك احرجت ملاك :: صح ماقلنا بس انا ابي اروح البندقيه آآآآآآآآآآآه بس ..
عريب وهي تضحك :: ههه ياحليلك بس ياجنى خلاص حنا بنسافر لها تعال معانا ؟؟!!..
جنى :: يالله ماعندي مانع ..
**
**
**
**
بملححق الشباب كان فيه همام وتركي ومحمد ووسن وثاامر يلعبوون بلاي ستيشنن ..
وسن بضييق :: ابي العب عطوني ..
همام يطالعها بطرف عينه :: اقول لاتحلمين مافيه ..
وسن بزعل :: ابي العب مالي دخل فيكم ..
تركي بنرفزه :: اقول اطللعي برى انتي واخوك المزعج ماخلانا نعرف نلعب ..
وسن خنقتها العبره وقامت وهي تمسح دموعها ..وطلعت ووراها ثامر اللي هزاءوه معاها وطلع وهو يبكي مثللها ..
لقوا بوجيهم رائد وفارس ..
فارس ينزل لمستوااهم : يوه يوه وش فيهم وسن وثامر حبايبي يبكوون ؟؟!!..
وسن وهي تبكي :: همام ومحمد وتركي طردونني اقول ابي العب وطردونني يقلوون لاتحلميين ..
فارس :: لاحوول وانت طيب ثموور ..
ثامر وهو يبكي ويحضنه :: وانا بعد درتوني (( طردوني ))
رائد بضحكه :: افا تعالووا طيب نشووفهم لكم ..
وماخلى الموضوع من محاظره لهمام وتركي ومحمد وبلاخير خلو وسن وثامر يلعبوون مع بعض بلاي ستيشنن وهم يطالعونهم بغيض وممدى فارس ورائد راحوا الا اخذووها منهم وطردووهم مره ثاننيه ..
**
**
بعد العشاء الساعه 12 ونص تقريبا راح اغلب المعازيم معدا عايلة ابوفارس للحين فيه ..
ابوفارس بصوت واطي :: اقوول يبه وش رايكم تجون معاي للمزرعه ؟؟!!..
ابوعبدالله ( الجد ) ببتسامه :: زين ياولدي بس اشاور اخوانك ونشوف ..
ابوفارس :: خلاص شاورهم الحين ..
ابوعبدالله :: اقول ياعيال وش رايكم نروح للمزرعه ..
ابوسلطان :: والله والشورر الزين ..
فارس وهو يعدل جلسته :: ايه والله اني مشتاق لها حيل ..
هزاع :: الحين لوتشوفها ماتعرفها ..
ابوطلال :: الا هي اصلالا خلصت ؟؟!!..
ابوفارس :: ايه خلصت من شهر لنا سنتين نعدل فيها والحمدلله خلصت ..
طلال :: خلالاص اجل متى تبون ترحون لها ترانا حيل متحمسين لها ..
الجد :: انا اقول الاربعاء تكونون خلصتوا شغل ..
ابوفارس :: زين الاربعاء لان رحلتنا الثلاثاء اللي بعده ..
الجد :: على وين ..
هالحديث جذب فارس وهزاع اللي ينتظرون الاجابه لاكن فاجاءهم ابووهم وتكلم باذن ابووه اللي قريب منه حسوا بخيبة امل ..
الجد وهو يضحك :: خلالاص زين تروحون وتردون بالسلامه ..
ابوسلطان :: وين البنات ماشفناهم اليوم ؟؟!!..
الجد :: ايه والله انك صادق نادهم ياهزاع يجون هم وجدتك ..
هزاع وهو يوقف وباذن فهد :: مو قادر يخبي شوقه ..
فهد وهو يضحك :: ههه خلهههم نادر تلقى مثل هالحب بهالوقت ..
هزاع طلع ووصل لغرفة الاكل طبعا هي الفاصل بين الرجال والحريم وشاف شذى وبصوت واطي اقرب للهمس :: شذىى شذى ..
شذى سمعت احد يناديها التفت واستغربت :: نعم ..
هزاع ياشر لها :: تعالي ..
قربت منه ونبرة صوتها نفس نبرة صوته :: وش عندك ؟؟!!..
هزاع :: روحي قولي لجدتي والبنات يجوون علشان يسلمون على جدي واعماي ونسلم على جدتي ..
شذى :: طيب خلاص روح لاحد يشوفك ..
رجع للمجلس وكلها دقايق والجده تدخل ومعاها البنات الي متغطين كلهم معدا شذى مو لابسه عباة اصلالا .. :: السلام عليكم ..
الكل وهم يوقفون احتراما لامهم معدى الجد ماوقف :: وعليكم السلام ..
راح فارس اول واحد وحب راس جدته ووراه رائد والبقيه جلست بجنب زوجها ..
اما البنات سلموا على اعمامهم وجدهم وجلسوا بجنب بعض قبالهم ..
الجد :: وش اخبار بناتي ان شالله بخير الحين ..
ساره :: الحمدلله ياجدي نحمده ونشكره على فضله ..
االجد :: وهو مستغرب ماسمع صوت :: اقول جنى موجوده هي وروان .؟؟!!..
روان وجنى ابتسمووا فهموا قصد جدهم جنى:: موجودين تامر بشي ..
الجد :: لا بس سلامتك ماسمعت لكم حس مو بالعاده يعني ..
جنى وهي تكتم ضحكتها :: لا بس خلاص عقلنا ..
الجد ابتسم :: الله ييدم العقل مع ان مناقركم يحلي الجلسه ..
روان :: الحمدلله في احد اعترف بقدراتنا بامتاعكم ..
جنى خبطتها وبصوت واطي :: في احد يقول هالكلام ..
روان باستغراب :: ليش ؟؟!!..
جنى بصوت اشبه بالهمس :: يالخبله ضحكتي علينا فهد وهزاع عاد هم يبونها من الله ..
روان سكتت متضايقه من نفسها كيف عطت عدوها اللدود فهد وبغيض :: اوف خلالاص ماعيدها ..
ساره بصوت واطي يسمعونها البنات :: خلونا نقوم ..
البنات هزوا روسهم بالموافقه ..
توها بتوقف لاكن قاطعها صوت ابورائد :: الا ياجنى انقبلتي بالجامعه ؟؟!!..
جنى ببتسامه :: الحمدلله انقبلت ..
ابوطلال :: وعساه القسم اللي تبينه ؟؟!!..
جنى :: الحمدلله ..
فهد بلقافه يبي يحارشها مشتاق لماقرها :: وش هالقسم ؟؟!!..
جنى بعدم مبلاة :: ادارة اعمال ..
فهد بنبرة سخريه واسنخفاف استفزت جنى :: احلى يعني كملتي مسيرة العايله ؟؟!!..
جنى بنظرات تحدي :: ليه مو قدها ؟؟؟!!
طلال بتاكيد :: قدها وقدود يابنت العم خلك منه بس ..
ابوفارس :: اكيد هاذي جنى بنت عبدالاله اذا هي موقدها من قدها ..
جنى :: فديت انا بابا اللي يعرف قيمتي مو مثل بعض الناس .. وطالعت فهد بطرف يعنها باستحقاار ..
ساره وهي تبي تنهي النقاش عارف دايما توصل بين فهد وجنى للهواش :: يالله عن اذنكم ..
الجد :: اذنكم معكم روحوا ربي يحفظكم .. وقبل لايطلعون .. تذكر الجد ووقفهم :: اقول يابنات جهزوا انفسكم ترانا بنروح مزرعة عمكم عبدالاله الاربعاء الجاي ..
البنات انبسطوا وطلعوا وهو يخططون وش بيصير ووش بيسون ..
هزاع باذن فهد بعد ماطلعت جنى :: مو كانك تزودها معها ؟؟!!..
فهد بنبرة هيام :: احبها ويحق لي واحب مناقهررها ..
رائد الي سمعه طالعه بنظراات استغراب :: هيي انت وط صوتك لحد يسمعك ؟؟!!..
فهد بتحدي طالع عمه ابوفارس وبغمزه :: ياعمي انا احب بنتك جنى وابي اتزوجها عندك مانع ..
ابوفارس ببتسامه :: ابدا ولو تبيها اليوم قبل بكره قم خذها بثيابها اللي عليها ..
رائد انصدمم اما الباقين ولا كن الموضوع هامهم ..
فارس ضحك بصوت عالي مع بقية الشباب وابتسمات البقيه .. :: هي يابو الشباب وش فيك ناسي هو اخونا من الرضاعه ؟؟!!..
رائد خبط راسه وببتسامة سخريه على عمره ::يوه نسيت ؟؟؟!!!..
#
#
#
#
#
#
#
انتهى البارت الاول : ( 1 )

روعه تكفين كمليها الله يعطيك العافية يا خيتوا
لا تطولين علينا

تجنن وروعه ما ادري كيف اوصفها الله يعافيك
حبيت اسئل كم بارت والفتره اللي ممكن تنتهي فيها القصه
لاتكون سبع شهور الواحد ينسى الاحداث وهي ماكملت وكيف راح يكون تنزيلك يها كل يوم كل اسبوع
تحياتي

سلمت يداك اختي انا طبعتها وبقرئها واقولك راي فيها بس شكلها حلوه

تكفين كمليها

بكله وديه
فراشه الافراج
Rosesdrams
شموخ الروح
يسلمو انتم الروعه وراح اكمل القصه رغم اني كنت راح الغيها لكن اسعدني ردودكم
اختي فراشه الافلاج :. هي 30 بارت ، ما اقدر احدد وقت معين لاني انا ادرس بس متى ما كنت فاضيه راح انزلكم بارت حتى لو دوبي منزله

البارت الثاني :: (( 2 )) ::
**
**
(( وحشتني سواليفك ..
وحشت شوفتك اكثر ..
كل ليله مع طيفك ..
حبيب الروح انا اتحسر اتحسر .. ))
**
**
**
**
بغرفتها الكمبيوتر مفتوح وهي جالسه قدامه على الكرسي وسرحانه بعالم الصور اللي قدامها ..
ومع كل صورى ذكرى ..
لحد ماوصلت لاخر صوره صورته وهو مسافر مع اخوها قبل سنه ونص ببريطانيا اخذتها من غير علم اخوها هاذي اخر صوره له عندها كانت تحس بشوق وبلهففه له كانت تبي باي طريقه تشوفه قبل كم يوم بالعزيمه لاكنه ماكن معطيها اي اهتمام ولاحاس بوجودها ولاقدرت تركز بملامحه اللي تغيرت كثيير عن هالصووره ..
تنهدت وهي تقفل الفايل الخاص بصوره وتقفل الكمبيوتر وتوجهت للسريرها وهي ترمي ثقل جسمها كله عليه وتفكيرها مازال يبحر بنفس الدوامه دوامته هو اللي سرق افكاررها من كانت صغيرره سرق افكارها من حوالي ست او سبع سنين هي نفسها ماتتذكر متى بدى يملك مشاعرها ويستحل قلبها ويدخل افكارها ..
قطع تفكيرها رنين جوالها شافت الاسم وابتسمت :: كيف اقدر اشيلك من بالي وكل شي حولي يذكرني فيك باصرار ..
ردت وبصوت ناعم هايم :: هلا والله ..
وصلها صوت الطرف الثاني حماسي :: هلا وغلالالالا بكل الغلالالا اخبارك ياقلبي ؟؟!!..
ملاك وهي تقلب جسمها للجنب وتتنهد :: بخير انتي اخبارك حبيبتي ؟؟!!..
جنى :: عال العال اقوول حبيت اقولك ان حنا متفقين بروحتنا للمزرعه نرجع الايام الخوالي ها عاد لااوصيك ؟؟!!..
ملاك وهي تجلس على حيلها وبدى كل تفكيرها عن معذبها يتلاشى وبحماس :: ايه والله مشتاقين لذيك الايام حيل ياهي أيام تجنن تجنن ..
جنى :: ههه اوكي اجل جهزي حالك واللي عليك راح يوصلك بمسج من ساره لانها الراس المدبر كالعاده .. واكيد ربى خبرت روان ونفس الشي بيوصلها بمسج اوكي ؟؟!!..
ملاك :: اوكي ..
جنى :: يالله سيوو ..
ملاك :: بيباي ..
قفلت منها وهي تقوم بتروح تشوف اختها وصلها شي والا لا ..
دخلت غرفتها لقتها فاضيه نزلت للصاله تحت لقتها جالسه ومتكتفه وزعلالالانه وبالجهه الثانيه رائد معطيها ظهره ويطالع فيلم بالتلفزيون ومتكي على الكنب والريموت بيده ..
ملاك :: السلام ..
رائد رفع عينه طالعها ثم رجع للتلفزيون :: وعليكم السلام ..
ملاك وهي تطالع حالة روان :: وش فيك ؟؟!!..
روان :: يعني ماتدرين مابلغوك البنات ؟؟!!..
ملاك باستغراب :: عن ؟؟!!..
روان :: عن تجهيزاتنا لطلعة المرزعه ؟؟!!..
ملاك وهي تجلس على اقرب كنبه :: ايه قالوا لي بس وش مزعلك انتي ؟؟!!..
روان تاشر على رائد بنرفزه :: اقوله السواق مع امي ودني للسبور ماركت اجيب الاغراض اللي قالوا لي عليها يقول مو فاضي ..
ملاك وهي تطالع رائد وبتساؤل :: وش عندك رائد ماتوديها ؟؟!!..
رائد بملل وعينه على التلفزيون :: مالي خلق دوروا غيري ..
بهاللحظات وصل مسج لملاك فتحته لقته من ساره وكاتبه لها كذا شي مو عندها بعد تجيبهم من السوبر ماركت ..
ملاك بنظرات ترجي لرائد ::بليز رائد بتودينا ؟؟!!..
رائد بطفش :: ياربيه خلاص اقلقتوني ربع ساعه على بال مايخلص الفيلم ان مالقيتكم مخلصين بروح واتركم ؟؟!!..
ملاك وران وهم موقفين :: لا بنجهز قبلها بعد ..
طلعوا ركض يلبسون وهو هز راسه مبتسم عليهم :: ماصدقوا بس يالله باوديهم وش وراي منها اسلي عمري شوي بدل هالطفش اللي صايبني اليوم ..
**
**
**
**
**
**
وصلوا اخيرا لسبور ماركت وهالسبور ماركت كان تابع لسوق ..
رائد :: يالله بسرعه لاتاخرون ؟؟!!..
ملاك :: من عيوني نص ساعه بس ..
رائد :: بروح الف شوي اشوف كم غرض اخذهم للشباب علشان المزرعه وارجع القاكم خلصتوا ..
روان :: اعتمد ..
راح وهوو يلف على السوبر ماركت وبقدامه عربيته يدفها وبدى يختار من الرفوف اشياء يتسلون فيها الشباب مو مثل اخر مره انذلووا للبنات يعطونهم شي لاكنهم رفضوا ..
بالجهه الثانيه كان في ثلاث بنات معطينه ظهورهم ومعاهم خدماتين حبشيات وسواق حبشي بعد يدف العربيه وهم تايهين بالرفوف يختارون ..
طالعهم لاكن ماعطاهم اي اهتمام وكمل وهو مندمج ثواني وتخبط فيه وحده منهم وهي معطيته ظهرها لاهي انتبهت ولا هو ..
لفتت مخترعه وطالعته وانصدمت اكثر وبصوت اشبه للهمس :: سورري ..
طالعها بعدم اهمتام :: لا عادي ..
رجعت وهي تجر فشيلتها معها وصلت لخواتها .. اللي مو بعدين بس نفس الشي معطينه ظهورهم ..
ربى :: وش فيك ؟؟!!..
جنى :: خبطت برائد ولد عمي وانا مدرري واشوى ماعرفين ؟؟!!..
شذى اللي لابسه عبايه بس الطرحه على كتوفها وبعدم مبلاة :: بسيطه بيعرفكم مني ناسيه اني ماتغطى وهو قبل كم يوم ببيتنا شافني ..
جنى :: تغطي اجل مالي خلق فشايل ..
شذى بغرور :: محد قالك ماتنتبهين بطريقك ..
جنى بنظرات حقد :: ياربيه منك يالله خلصوا ..
شذى بعناد راحت تتمشى قريب منه وهي تطالع جنى بنظرات تقهرها ..
وجنى تتوعد فيها بينها وبين نفسها ..
رائد انتبه لشذى وابتسم لها هاذي شذى بنت عمي وقرب منها :: اهلين شذى اخبارك ؟؟!!..
شذى وهي تسوي نفسها توها تتنبه له وببتسامه :: هلا رائد .. الحمدلله انت وش اخبارك ؟؟!!..
انتبه للبنتين اللي واقفين ويطالعونهم وعرف البنت اللي خبطت فيه من عباتها ولثمتها وعيونها المميزه ولونها الي لايمكن تمر على اي واحد مثل رائد بدقة ملاحظته مرور الكرام ..
رائد :: هذول ربى وجنى ؟؟!!..
شذى بخبث :: ايه واشرت عليهم جنى وربى ..
ابتسم عرف انها جنى وقرب منهم وهو يدف عربيته وخدمهم منتشرين يجبون الاشياء اللي يبونها ..
وببتسامته الساحره :: اخباركم ياربى وجنى ؟؟!!..
جنى وهي مو مهتمه للي صار قبل شوي لانها اقتنعت انه عادي يصير معه او مع غيرره ردت ببتسامه ولاكنه صار شي بس طبعا مراح تعديها لشذى :: الحمدلله بخير .. انت وش اخبارك واخبار عمي وخالتي ؟؟!!..
رائد :: بخير ..
ربى :: اكيد روان وملاك هنا ؟؟!!..
رائد ابتسم :: ايه تركتهم بالسيب اللي قبل هذا ..
ربى :: اجل بنروح لهم ..
جنى وهي تطلعها وتمسكها مع يدها وبجديه :: انتظري نخلص من هالقسم ثم نروح لهم ..
بهاللحظه وصل حسين سواقهم :: عمتي هذا هو اللي تبونه ؟؟!!..
جنى وهي تطالعه :: ايه هو يالله حطه بالعربه خلونا نخلص لانتاخر ورانا مشاوير ثانيه ..
رائد طالع عربيتهم كيف ماخذين من كل شي فيها كرتون نادرا ما تكون حبه وحده ابتسم :: يالله عن أذنكم ..
البنات :: اذنك معاك ..
راح بطريقه وجنى مسكت ذراع شذى وبنرفزه وصوت واطي لحد يسمعها وهي شاده على اسنانها :: انا اوريك حاسبي عن عمرك .. ولفت على حصه :: جيبي عربه لشذى علشان تحط فيها اغراضها ويالله تعالي مريم انتي وحسين خلونا نكمل ..
اما شذى تندمت لانها مكثره الاغراض مدام جنى بتدفع لاكن الحين بتتورط .. وماجابت فلوسها واصلا مخلصه مصروفها ..
رجعت تمشي ورى جنى وبنظرات ترجي .. :: خلالالاص وربي اخر مره .. جنى وهي تطالع الاشياء على الرفوف :: نو ويه ..
مانفعت محاولات شذى الكثيره مع جنى راحت لربى تتسطعطفها :: ربى قولي لها خلاص اخر مره ..
ربى اللي عرفت روان من صوتها :: مالي دخل فيكم .. وراحت لروان ومن خبالتهم الثنتين ضموا بعض قدام العالم ..
ملاك وهي تتلفت تشوف احد انتبه او لا وبفشيله واحراج :: الله يفشلكم وش هذا ؟؟!!..
روان بعدم مبلاة :: محد له دخل فينا ؟؟!!..
اما رائد اللي شافهم من بعيد ضحك اخته استحاله تعقل بس المستغربه تاثيرها على ربى الهاديههه ..
وجنى هزت راسها بياس من انهم يعقلون وخصوصا روان ..
قربت منهم وصافحتهم لان المكان مو مكان سلالام ونفس الشي شذى ..
ملاك وهي تطالع العربه :: وش هذا مشالله كل هذا للمزرعه ؟؟!!..
جنى :: اكيد مايغلى عليككم ..
مرت ربع ساعه والبنات مع بعض يشترون بعدين اتصل رائد على ملاك ..
ملاك :: هلالا والله ..
رائد :: هلا فيك اقول ملووك يالله انتظركم عند الكاشير اي تاخير انتم بتدفعون ..
ملاك بترجي :: لا لالا خلالالاص ثواني على بال مانوصل
رائد :: اوكي انتظركم مو اكثر من دقيقتين ؟؟!!..
ملاك :: اووكي مع السلامه ..
رائد :: مع السلامه ..
قفلت منه وطالعت روان :: يالله رائد يقول ان تاخرتوا بروح واتركم تحاسبون ..
شذى بنغزه :: اجل مو جنى بس اللي تهدد ؟؟!!..
جنى طالعتها بنظرات استحقار من فوق لتحت ومشت وطنشتها .. طالعت ساعتها :: وانتم بعد ان ماجيتوا بروح واتركم دوروا من يوصلكم ومن يدفع لكم ..
بسرعه مشوا الاربعه ووراهم خدم بنات ابوفارس يدفون الاغراض ..
وصلوا لقوا رائد واقف ينتظرهم بعربته ..
راحوا له خواته اما جنى واللي معاها راحوا للكاشير خواتها راحوا للسياره مع حصه ومريم وهي وقفت تحاسب مع حسين اللي يدف الاغراض ويشيلها ..
رائد وقف وراها ونفس الشي عطى خواته المفتاح يركبون بعد ماجمع الاغراض بعربه وحده ..
واقف ينتظر وبنفس الوقت يتامل حركات جنى اللي منزله عيونها للارض وتلعب بتعليقات جوالها مو لشي بس لان الكاشير يراقب عيونها ومالها خلق مشاكل معه لان لها حاجه عنده تبي تخلص وتطلع ..
رائد طالعه بنظرات ناريه ثم حاكى جنى علشان يبين له انها معه :: الا وين فارس من الصبح ادق عليه مالقيته ؟؟!!..
جنى لفت ووتلاقت عيونهم للحظات بعد عينه كل واحد لجهه ثانيه :: راح يوصل خالي وعايلته للمطار بيسافرون اليوم ..
رائد :: اها خلاص سلميلي عليه لاشفتيه ..
جنى وهي تلف للجهه الثانيه وتهز راسها :: يوصل ان شالله ..
ثم طالع الكاشير اللي بسرعه نزل عيونه يتابع عمله لان نظرات رائد خوفته ..
وقف رائد وهو ماعرف ليش سوى كذا يمكن بدافع غيرته كاولد عم ماخلى تفكيره يستمر اكثر من ثوانني انهاه بسرعه ..
وصلها الدور وحاسبت ببطاقتها وطلعت وحسين وراها يشيل الاغراض ونفس الشي رائد ومن الصدف سيارة جنى جنب سيارة رائد اللي ماعرفها لاهو ولاخواته ..
ملاك وهي تفتح الشباك وهي راكبه بجنب رائد اللي يركب الاغراض ورى وحسين فاتح الباب لجنى تركب :: مبروك على السياره ..!!
جنى وهي تتبسم وبان من عيونها :: الله يبارك فيك .. وتطالع خواتها بجوى السياره وتغمز لهم ..ماسرع ماوصلكك الخبر ؟؟!!..
روان باندفاع :: من يعني خواتك يالله عقبال ربى وشذى ياربب ..
جنى بغرور وهي تركب وحسين انتبه وراح قفل الباب وهي فاتحه الشباك :: مو كل العالم يتجيب اللي جابته جنى ياماما ؟؟!!..
شذى بغرور :: اكيد نجيب احسن منه ..
جنى ابتسمت ببرود وطلعت من بوكها فاتوره :: امسكي هاذي فاتورتك ترى اللي دفعته لك دين وان ماتسدد اليوم اول مانرجع .. اغراضك مراح تاخذينها وعارفه وش الباقي ..
شذى بضيق :: طيب ..
ركب كل واحد سيارته وانطلق كل واحد بطريقه ..
التقوا عند الاشاره القريبه ..
رائد وهو يتامل سيارتها اللي قدامه :: والله سيارتها خطيره واخر موديلل بعد ..
ملاك :: ايه هاذي الناس اللي تقدر سياره خاصه فيها هدية نجاحها من جدها ..
رائد :: احلى والله حنا تخرجنا واكبر هديه ساعه الماس ..
روان :: ههه يا بابا هاذي جنى اللي من تقول الكل ينفذ طلبها من جدها لثمور ولد عمي عبدالعزيز كل خوالها واهل امها مايرفضون لها طلب هذا غيرر ابوها وامها واخوانها مو مقصرين ..
رائد رفع حاجبه باستغراب وطالع اخته بالمرايه :: ليش ان شالله وش فرقها عن خواتها ؟؟!!..
ملاك :: اول فرحتهم واكبر حفيداتهم ..
رائد مافهم :: كيفف ؟؟!!.. وحرك السياره لان الاشاره فتحت ..
ملاك :: هي اكبر البنات والبقيه شباب فهمت هي وعريب بنت خالها ماخذين الغلا كله وهي اكثرر لانها عارفه تكسب قلوبهم وعقولهم لصالحها ..
رائد وبدى يفهم هز راسه :: اها قولي .. وسكت فتره لاكنه تذكر شي .. وهو يطالع الشارع .. الا تعالوا هنا انا ماحددت لكم السعر ليش مكثرين ها ؟؟؟!!..
روان بتلكع :: ياخي وش نسوي من زمان ماطلعنا معك باخل بهالكم ريال ؟؟!!..
رائد ابتسم :: اوكي هالمره بامشيها بس مو كم ريال قصدك كم ميه ..
ابتسموا خواته وكملوا طريقهم ..
**
**
**
**

مشكوره