ï غآليتي المتزوجه إلى متى التهدرس ï

بسم الله الرحمن الرحيم
السلامُ عليكم ورحمة الله وبركآته
عندي لكم سآلوفه صغنونه وأرجو أنكم تستفيدون :
هذا ياطويلات العمر سالفه حقيقيه نقلاً عن صديقتي ،،، وأن جآرتهم كآنت على نيااتها وماهمها بالدنيا
قد نظافة البيت وترتيبه والأكل يكون صحي وجآهز والملابس مغسوله ومكويه ومصفطه ومرتبه بالدولايب
وطول يومها وهي وخشتها حآيسه وشوشتها طآيره ومآهمها بالدنيا إلا أن زوجها يجي ويروح << خ أمزح
يجي ويلاقي البيت على سونقة عشره << إيه إيه ليته نفعها
المهم اابن الحلال لمّح حكى قآل سولف << عمك أصمخ
ماحوله أحد بدى يتفرج على التلفزيون ويقول يازين هذي وياملح هذي وهي متقطّعه من الوناسه
ياحيآتي مشاعرها راكبه بالغلط << وهذا حآل بعض الحريم الله يهديها نمزح << أسلوب تعنيف وزجر
إذا جا وقت النوم تنام بجلابيتها وعلى ماتحط راسها خمدت << خآنت حيلي من الكرف طول النهار
وإذا قامت شمّرت اكمامها وللمطبخ
المهم بالاخير حآمت كبد الرجآل وقآل مابدهاش أبعرس
وفعلاً أعرس ونزل الخبر على زوجته كأنه صاعقه قالت اللحين أنظف له وأأكله وأرتب له وأهيأ له كل سُبل الراحه
وآخرتها يعرس علي << يآقلبي بريئه
بدت تشتكي لجارتها اللي هي أم صديقتي وكل يوم على هالموال وبدت تسبه والعيآذ بالله ((هالتسلب عديم خوف الله ،، اللي مايستحي )) << كلامها مالي دخل << من يلومها
بس مآينفع هالكلام عآد جارتها مسكتها قالت خليتس من هالحتسي تبين العلم اللي يجمد على الشارب قالت الله الله
وبدت بالنصايح اللي بالي بالكم ،، وعقب شهر العسل رجع الرجال وقال لزوجته يامره هذا اللي حصل وانا ماسويت شي حرام والشرع محلل اربع << حلك بطنك إن شاء الله
عآد المره بعد الدروس الخصوصيه من جآرتها تغيرت قالت لا يابو فلان لاتعتذر أنت رجال وكلن يبيك وأبد مسامح << وين راحت الالفاظ السوقيه يالنصآبه ولا شطارتس عند جآرتكم بس
ويوم دخل الرجال غرفته طارت عيونه وش البخور وش العطور وش المفرش وش الزين واكثر ماخرش عقله اللبس الحرمه من دخلت غرفة النوم والبست ذاك القميص الحمر القصير والسيقآن مشيوله تلمع وتلق
والجسم زبده والشعر الزين والالفاظ الناعمه والرومنسيه بعد مآشاف الحرمه كذا قآم ..... << مشّفر وش دخلكم ؟؟؟
وقصم قصم قصمآآآآت أنه بعد فتره طلق زوجته الثانيه وصآر متمسر بالبيت لايطلع ولايروح ولايجي << ههه هالمره مانمزح
عآد تقول صديقتي سبحآن اللي يغير ومايتغير والله والله ان الحرمه صآر جسمها مليكآن وشي شي وشويات
وتوته توته خلصت الحدوته
مايُستفاد ياأخواتي المتزوجات من هالقصه الرومنسيه
أن الحرمه تقدر تتغير بالإراده وتغير شكلها للأفضل باللبس والتزين ولاننسى الكلام االحلو والدلع ميخآلف تصنعوا بعض الحريم دفشه
بس ميخآلف حاولوا حاولوا << لايأس مع الحياة
أبد أتبعوا نصآيحي ولاعليكم خلاف
واللي ماتعرف تعلمني اعطيها دروس مكثفه عشآن نخرش رجلها
وبالتوفيق مع تحيآتي القلبيه بقضاء المزيد من الليالي الرومنسيه والحمراء والصفراء بس انتبهوا من الزرقاء بسم الله علينا
وسلامتكم
موضوعاتي مجهودي الشخصي اللي ينقلها ينسبها لي وللمنتدى << بذمتكم