آآآآآآه ودي اصي بأعلى صوتي واقول آآآآآآآآآآآآآآآآآآآآآآآآآآآآآآآآآآآآآآآآآآه تعبت

كيفكم بنات عساكم عالقوة ومبسوطين...
متزوجة ولي 6 سنين و2شهرين والحين انا حامل وسبب تأخري في الحمل بسبب زوجي وسويت العملية
الحقن المجهري ولله الحمد نجحت المهم انا احب زوجي وضحيت معاه في اشياء كثيرة واولها اني
رضيت بنصيبي اني مااأجيب عيال الا بعمليات ولسانه بذيء ووسخ كل كلام السب
والشتم وكل مايخطر ع عبالكم يقولها لي تعبت ماني عارفة كيف اتعامل معاه وكمان كم مره طلقني يمكن
4مرات وارجع له اصلا ماطلع من بيتي ولا اقول لأهلي لو طلعت ورحت لاهلي مابيرجعوني اهلي يبونه يطلقني من اول
عشانه ماينجب والحمدالله كل هالطلقات وانا فيني الدورة الا مره ماكان فيني الدورة المهم تحملته ..
والمشكلة اللي مره منغصة ع عيشتي سكني مع اهله انا معاد اقدر اصبر اكثر من كذا البيت
مليان مستحيل يفضى كل من هب ودب يدخل وربي انا مااخذ راحتي معاهم ابدا لا في لبس ولا في اكل
ولا غيره واقوله نبي نطلع ببيت لحالي يقولي لا لما تطلع القرض ونعمر لا حجت البقر ع قرونها ذك ساعة
بتطلع القرض يابنات المشكلة عنده عماره ثانيه وفيها شقق ومن غير العمارة اللي احنا فيها الحين بتقولون
وينك من اول ماتكلمتي قلت يمكن الله بيحنن قلبه علي لا حملت وبيطلعني ببيت لحالي طلع ولا عباله ابدا
يعني ارضى بنصيبي واعيش عالطول بغرفة وحدة مااقدر المشكلة فوق هذا كله اهله مايخلوني في حالي
اذا ماقمت اشتغل واساعدهم طلعو كل البلا فيني وبوجهي بعد يقولونه انا تعبت مابي اصير خدامة لهم وربي
كأني خدامة عندهم احس نفسي مرره رخيصة ومنهانة وزوجي ودي اذبحه كرهته ياناس مابي ارجعله
قلت له انت بالعربي الفصيح ماتبي تطلع من عندك اهلك خلاص طلقني واجلس مع اهلك انا واهلك
مستحيل اعيش معاهم تحت سقف واحد كفاية الاهانة والكلام السب اللي قاعدة اسمعه و ربي يابنات
جيته بالطيب وبالتفاهم وبالقوة مافي فايدة مو راضي يطلعني ببيت لحالي قلتله ياخي حط اهلك بشقة وانا بجنبهم بشقة كمان لالالالالالا..
المشكلة الحيين مايبي يطلق ابدا يقول بعلقك طول عمرك قلت طيب ماتبي تطلق عندك خيارين تختاره
ياأنك تطلقني او ارجعلك بس الشغل مراح اشتغل ابدا ولا حتى ارفع فنجان ولا بطبخلك ولا بغسلك ملابسك
ولالاشي قام يضحك باستهتار قال طيب اذا جا اخر الليل بتعطيني حقي بالفراش قلت هذا اول شي بحرمك
منها قام يضحك ضحك مو صاحي قلت انا اتكلم معاك جد لا تستهتر بكلامي قال طيب يصير خير
قلت وش اخترت الخيار الاول ولا الثاني قال الثاني قلت طيب لا حرمتك من حقوقك كلها لاتقول ليش تحرميني من حقوقي انت عطني حقوقي وبعطيك حقوقك كاملة بعد...
شوروا علي وش اسوي انا الحين عند اهلي وبرجعله بعد اسبوعين او شهر ع حسب نفسيتي رجاء ادعولي اني اطلع ببيت لحالي وربي كرهت العيشة وكرهت الزواج؟؟