آأضحك وؤآأنآأ في دآأخلي مجروح بقلمي

البآأإرت الأول..
.................................................. ...............
المكان : غرفة امل
الساعه : 4:00 العصر
امل
.................................................. ...............
اخخ نشيت على صوت اذان العصر اوييه توني استوعب ماصليت الظهر استغفر الله ياربي خلني بقوم اصلي
محد واعني قمت بسرعه وسرت الحمام اتوضيت وصليت الظهر والعصر ويا بعض ...اووه سوري نسيت اعرفكم على نفسي
انا اسمي امل نحنا الحين ف اجازة الصيف عسب جي اليوم متاخره ف الرقاد امس مارقدت الا عقب صلاه الفجر المهم اناالحين صف ثاني ثنوي بسير ثالث ثنوي والباجي بتعرفونه ويا القصه ...الحين خلني اطلع برع همم طلعت سرت برع جفت جدامي اختي الي اكبر مني بسنتيين يالسه ترمس ف الفون
فخاطري اقوول حشى ماتشبع من الفون والقرقره جان اقولها
انا : اي ريمو ماتشبيعن من الفون بندي ابا ارمس نوف
الريم : افف امول اصبري شوي خلي تكملي السالفه
انا : منو ترمسين ؟
الريم : ارمس امون
انا : الله يعين عيل مابتبندين لين المغرب
وعقب رحت شويه جان اذكر شي وارد عند ريمو
انا : اقول ريموو
الريم : افف املو تراج حشره شو تبين
انا : وين اماييه ؟؟
الريم : مادري اظني تحت
جان اسويلها مالت بيدي واشرد عنها ههه
عقب نزلت تحت جفت امايه يالسه ويااخوي العودعمره 20 سنه تقريبا
يلست ويااهم جان امي تهزبي
امايه : املوو حشى داخله ع يهود سلمي
انا : اووه سووري مامي نسيت السلام عليكم
ردو : عليكم السلام
احمد : توه الناس
انا : انت شعليك كيفي
احمد : علي كندووره بعد شو علي ويافيسج
انا : احسن من فيسك
امايه : عنبووكم احترموني يالسه وياكم ماتحشمون حد انتو
احمد : امي هيه الي بدت
انا : لا والله هوه
اماايه : بس بس اصص مابا اسمع ولا كلمه
سكتنا ثنيناتناا ويلسنا نطالع بعض بنظرات شويه جان اطلعله لساني
انه ههه جان كلنا ننقع من الضحك قمت من عندهم وسرت فوق شغلت الاب فتحت النت وفتحت المنتدى والمسن ويلست انزل قصص وجي همم شويه وتدخل وحده متعرفه من العين فديتها ماشاء الله عليها حبوبه
رمستني :
كلي فداك :
مرحبا والله امول انا اجوف المسن منور
انا :
ما أرد للجمرة وأشيلها بكفي جرحتني مره واظنها تكفي:
مرحبتيين والله هلا وغلا منوور بوجوودج
كلي فداك :
علومج الغاليه ؟
ما أرد للجمرة وأشيلها بكفي جرحتني مره واظنها تكفي:
والله علوومي تسرج ماتضرج ومن صوبج ؟
كلي فداك :
والله بخير دامج بخير الا اقول امول حدري المنتدى خل نخبل بالاعضاء
ما أرد للجمرة وأشيلها بكفي جرحتني مره واظنها تكفي:
اوكي حبي ثواني
شويه ودشيت المنتدى وسولفنا ويا الاعضااء هع
تميت ساعتين يالسه ع النت تقريبا كان الحين بيأذن المغرب
نشيت وقمت سرت تحت حصلت اختي بندت واخوي ظهر
وامايه موجوده هم
انا: امايه
اماايه : هلا بلاج تصارخين تراني اسمع
انا : ههه كنت بقولج متى الحق الله( الحق الله هوه يعني يكون نص شعبان واليهال يدورون ع البيوت يجمعون حلاوه وشبسات وهالسوالف في دول يسمونه القرقيعان وفيه ناس مايسونه مول ^^)
اماايه: ورا باجر
انا : امي ابا اشتري شي يديد حق الحق الله
امايه : ليش ماعندج شي تلبسينه
الريم : هيه امي حتى انا اباا شي يديد كل الي عندنا ملبوس وجافو علينا
انا : اماايه خلينا نطلع الحين نسير الميغا بعده وقت
اماايه : لا لا اليوم قوم امي بيوون من راس الخيمه
اناا نطييت من الفرح : والله ماما صدق وخالو مهاري بتي
اماايه : هيه اكيد بتي
اناا استاانست وقمت اتجهز وارتب الحجره ههه
.................................................. .........
المكان : سيارة احمد
الوقت: الساعه 7:30 المغرب
احمد
.................................................. . .......
افف مليت والله بروحي من الصبح اتحوط خلني اقوول اتصل بواحد من الربع يطلع ويايه ياي بيتصل ف ربيعه سلوم جان يتذكر افف نسيت سلووم مساافر مادري متى بي ..خلني اتصل ف خلوف ولد عمي
اتصلت فييه ترن ترن ترن ترن شويه ورد
خليفه : مرحبا ملاين ولا يسدن ف ذمتيه
انا : مراحب اقول خلوف انت وين
خلييفه : انا ف البيت ملاان
انا : يلا عيل انا عند البااب اطلع بسرعه
خليفه : اوكي
انا: باي
وبندت عنه كنت اقص عليه انا هب عند البااب بس انا قريب يعني لين مايتجهز وجي وصلت عند الباب ويسلت اترياا وسرحت
شويه واسمع صوت البااب جفت خلوف يالس حذالي المهم سلمت عليه وجي
خلوف : احمدووه وين بنسير
انا : ماعرف انت وين تبا تسير
خلوف : هم مادري مافي بالي مكان محدد
انا : شرايك انسير الممزر
خلوف :انت ماتمل من هناك اربع وعشرين ساعه مطيح هناك
انا : ضحت عليه ههه لا مامل
.................................................. ...............
المكان :بيت بواحمد
الوقت: الساعه 8:00 العشا
الريم
.................................................. ..........
الريم افف ملل مادري شو اسوي املو ترمس ف الفون وامايه تعابل الاكل ف المطبخ خلني اسير اييلس ع الكمبيووتر خاطري اسمع اغنيه سرت ويلست وحطيت السمااعه يلست اسمع واغني ويا الاغنيه ههه مندمجه ع االاخير وفجاءه اصرخ آآآآآآآآآآآآآآآآآ عبوود حسبي الله ع بليسك ليش جي تسوي يالهرم ماتجووفني مندمجه الهرم يا زيغني افف يقهر
عبدالله ميت من الضحك: ههه
اه والله لو تجوفين شكلج ياريمو تموتين من الضحك
انا : يالهرم وربي بخبر ابويه
عبدالله : خبري عادي
ووشرد اف يقهر هااليااهل
رديت مره ثانيه اندمج ويا الاغنيه
.................................................. ...............
المكان : الصاله
الوقت : 8:16 العشا
امل
.................................................. ...............
بندت عن نوفو وسرت صوب المطبخ عند امي جفتها توها طالعه منه
امل :امايه متى قوم امي بيون
اماايه : الحين هم ع وصول
امل : زين بسير اتصل ف خالو بجوف هم وين
وسرت انا الصاله خذت الفوون واتصلت ترن ترن
خالوه مهره:الو
اناا: مرحبا
مهره : مراحب
انا : كييفك ؟
مهره : منيحه
اناا : انتي فيين ياحلووي
مهمره : خلاص الحين نحنا عند الدواار
انا : اوكي بايو
مهره : باي
سرت قلت حق البشكاره تبطل البااب ويلست اتريا
ماكملت خمس دقاايق والاا قوم امي دااشين البيت
سرت سلمت ع امي ولا اجوف خالوه مهاري
انا : هلا واالله
وسلمت عليها وسوولفنا ودخلنا دااخل
اناا : اقوول مهاري بتبااتون عندنا اليوم صح
مهااري : اولاا انا خالتج قولي خالووه مهره ثانياا لا اليوم بنسير بيت قوم خالج
اناا : اولا عادي ترااج هب من كبرج اقوولج خالوو ثانيا حرام بااتوو عندنا
مهاري :جي كل يوم العيد نباات عندكم المره الي طافت كنا عندكم هالمره بيت خالج
اناا كنت ياايه برد جان اتقول يدووه
امي : عيل وينها امج
اناا : الحين بسير ازقرها
وسرت ازقر اماايه
.................................................. ...............
المكان : سياره احمد
الساعه : 9:00
احمد
.................................................. ...........
يلسنا انا وخلووف نلفلف شويه بالسيااره ع الممزر ونعلق ع السااير والرااد شويه ورن تلفوني جفت البيت متصلين
رديت
اناا : مرحبا
امل : مرااحب حموود
انا : اصغر عيالج انا
امل : لا اكبرهم ههه
انا : خلصي بسرعه شو تبين
امل : اباا ريال
انا : املو خلصي ولاببند ف ويهج
امل : اوك اوك بلاك معصب خلاص بس كنت بقوولك ان قوم امي ف بيتنا تعاال بسرعه عشان تسلم عليهم لانهم مابيبااتوون
اناا : حشى كم كلمه ف الثاانيه
امل : قوول ماشاء الله
اناا : خ ماشاء الله يلا اجلبي ويهج
امل : بااي
بندت عنها وانا اضحك عليها
صديت صوب خلوف اجووفه سرحان يت ف بالي فكره سرت عنده شوي شوي واصرخ ف اذنه فز من الزيغه
خلوف : اعوذ بالله بلاك يالهرم ماتستحي تزيغني جي
انا خلااص ميت من الضحك
عقب ماهديت شويه جان اقوله : الي ماخذ عقلك يتهناابه
خلوف : محد ماخذ عقلي
اناا : واضح الصراحه
جان يطالعني بطرف عينه جان اظحك ههه
.................................................. ..............
المكان : بيت بو احمد
الساعه: 9:14مساءا
الريم
.................................................. ...............
يالسه اعدل شعري واغني يتني امول
امل : ريمو
انا : هاه
امل : بسرعه خلصي ترا قوم امي تحت
اناا : اوكي الحين بخلص شعري وبي
امل : اوكي انا بسير تحت باايو
خلصت شعري بسرعه وسرت اتعطرت ونزلت تحت الصااله
دخلت الصاله : السلام عليكم
كلهم لفو: عليكم السلام
مهااري : هلا والله بالريم
سلمت ع امي وعليها ويلسنا نسوولف شويه ودخل حمود
احمد: السلام عليكم ....
كلنا : عليكم السلام ....
وسلم ع امي خالوه ويلسنا نسولف وتعشينا ويلسنا
.................................................. .............
المكان : الصاله
الوقت : 10
امل
.................................................. ............
يالسين نضحك ونسوولف وجي قامت امي وياها خالو
خالوه مهره :يلا عيل نحنا بنسير
امايه : وين توه النااس يلسو بعد
امي : لا اسمحولنا بنسير بيت ابراهيم
انا : بااتوو بيتناا
امي : نحنا المره الي طافت بتنا ف بيتكم بس هالمره بيت ابراهيم
وسلمنا عليهم وجي وظهرو وسارو
اماايه: يلا عيل انا بسير ارقد
انا: تصبحين ع خير اماايه
اماايه : وانتي من اهله ..
احمد : انا عيل بظهر
الريم : حشى ماتشبع من الحوامه
احمد :هييه كيفي انتي شو قااهرنج
الريم: اف طلعنا ويااك ملانيين
احمد : ماتشبعون من الطلعه قبل يوميين سرتوو بيت عمي
امل : هاكي قبل يوميين الحين غير
الريم : هيه حرام عليك والله ملانات محد يحس فينا كله طالعين نحنا حليلنا كله ف البيت ماشي شغل افف
احمد : اسميكم اذيه سروو لبسوو عبيكم خمس دقايق ان مايتوو بسير عنكم
ونطينا نحنا بسرعه سرنا نلبس عبينا
ونحنا ساايرين برع ياء عبود اخوي الي صف 7
عبود : وين بتسيرون نص الليل
امل : احمد بيطلعنا
عبود عيل اصبرو بي وياكم
الريم : شو اييبك
امل : عادي خليه اي حليله اكيد ملان
الريم : يلا بسرعه تعال نحنا ف السياره
سرت انا ركبت جدام وريموو ورا لانه المره الي طافت هيه جدام وها المره انا خ << بالدور هع
.................................................. .............
المكان : سياره احمد
الوقت : 10:22
.................................................. ...........
احمد
يالس اتريا خواتي اين بظهرهن شوي ين ركبن
امل : سوري احمد تاخرنا
احمد : لا عادي
الريم : احمدو اتريا شويه عبود بي ويانا
احمد : اوكي
يلست اتعبث ف المسجل وحطيت اغنيتي الي احبها
دقايق ويا عبود
عبود : السلام على من اتبع الهدى
كلنا :وعليكم السلام
عبود : املوو صدق انج ماتخيلين الحين انا الرياال وماتخليني ايلس جدام
امل : لا والله دووري ها المره ايلس جدام
عبود : يوم انا هب وياكم بيكون دورج
امل : احمد ربك اني خليت ريمو تيبك ولا هيه مب طاايعه
احمد: بس عاد حشرتونا
امل : اوكي احمد حبيبي خاطري ف اسكريم
احمد : انزين شو اسويلج انا
امل : خ يعني مر باسكن
احمد : اشتغل عندج
الريم : الله يخليك احمد حتى انا ف خاطري
احمد : خلاص اوكي كسرتو خاطري
كلهم سكتو لانه يدرون اني مابطيع اوديهم اذا رمسو
سرنا وطلبنا وجي
احمد : يلا وين تبون تسيروون
الريم : هم ماعرف والله انت وين بتودينا
احمد : خلاص بوديكم صوب البحيره
تحوطنا شويه وعقب رديتهم البيت
نهآأ‘يه البآرت ..

البآآأ‘رت الثآآني..
.................................................. ...............
المكان : بيت بو احمد
الساعه : 12:00
.................................................. ........
امل
ردينا البيت وانا مستانسه سرت فصخت عبااتي واتسبحت ويلست فجيت الاب ويلست اقرا قصة الخوف من الحب وايد عيبتني يلست اقراها ليين الساعه 4:00 بندت الاب وترييت الاذان صليت ورقدت ....
اليوم الثاني نشيت ع صوت اماايه
اماايه : امول حبيبتي فديتج نشي تلبسي بنسير بيت خالج عازمينا ع الغدا
امل : اماايه الساعه كم ؟
امايه : الساعه 12ونص يلا نشي صلي وتلبسي بنسير
نشيت وانا متعايزه مالي نفس واتسبحت وصليت واتلبست وسرت تحت
امل: صباح الخير
الكل : صباح النور
امل : هلا وغلا بابوويه وحبيته ع راسه
ابو احمد : مرحبابج غناتيه
امل : علومك ابوويه ؟ وينك الغالي امس ماجفتك
ابو احمد : بخير الغاليه . وامس كنت مشغول
ام احمد : هيه بس الترحيب حق ابوج وانا طااف
امل :لا كله ولا زعل الغاليه شحالج امايه
اماايه : بخير ربي يسلمج غناتيه يلا اجهزتو لانه بنسير اتاخرنا ع العرب
امل: امايه منو هناك ؟
امايه : اميه وخالاتج وخالج
امل : خالو فاطمه بتي ؟
امايه : هيه
امل : وبتيب بناتها ؟
امايه : هيه كلهم بيوون ويلا قومي زقري اختج لانا بنسير
امل : اماايه خالي محمد مابي ؟
امايه : من متى بعد خالج محمد اي
امل : والله تولهنا عليه من زمان ماجفناه
امايه :مادريبه بعديين بتصله بجووف وين دااره
امل : اماايه نحنا نبا نسير السوق نشتري شي حق الحق لله
امايه : اوكي خلاف يوم بنرد ترانا مابتاخر وايد بنرد عقب اذان العصر ..
امل : اوكي ابويه انت بتي ويانا
بواحمد : لا حبيبتي انا بس بوصلكم وبرد
امل : اوكي
وسرت جفت ريموو
.................................................. ...............
المكان : بيت بواحمد
الساعه : الساعه 1
الريم
.................................................. ...............
خلاص توني مخلصه يالسه اتعطر سمعت حد يدق الباب
الريم : تفضل
امل : يلا ريموو ماما تقول بنسير
الريم : اوكي خلاص انا مخلصه الحين بنزل
امل : اوكي
وسرنا ركبنا السيااره سرنا بيت خالي همم ترا بيت خالي ويدي نفس الايدار بس بيتين وخالي عنده ثلاث اولاد وبنت اكبر ولد صف 9 الي هوه راشد وعقب مايد صف 6 وعقب محمد الي صف 4 وشيخه الي ف كيجي ون فديتها عسوله
نزلنا بيت خالي كانو قوم خالو فاطمه موجودين الشبااب وخالي ف الميلس ونحنا ف الصاله سلمنا ويلسنا نحنا البنات ع صوب و الحريم ع صوب وعقب تغدينا
.................................................. ..............
المكان: بيت بو راشد
الساعه : 2:30
امل
.................................................. ............
يلسنا نسولف ويا بنات خالو فاطمه اكبر وحده هيه خوله صف 8
وعقب مريم صف 7 وعاشه صف 5 بس مريم وعاشه هب وايد ويانا اكثر شي خولو
خوله :افف ملل شونسوي
امل : شورايكم نسير بيت يدي انجوف عزووز
الريم : هيه والله تعالو خل نجوفه من زماان مايا بيتنا
خوله : لا استحي فضيحه
امل : عادي الا هوه بيت يدج
خوله : هم اوك
وسرنا صوب بيت يدي ترا قوم خالو فاطمه عايشين ف راك وحتى يدوه وخالوه مهره لان يدي مطلق يدو من زمان وعرس وخذ وحده ثانيه وكل خوالي الي ذكرتهم من يدوه وترا حرمه يدي تستوي عمتي نوره اخت ابوي الوحيده وعند يدي من حرمه الثانيه خالو ايمان الحين من فتره معرسه واليوم مايت لانها مسافره وعقب خالي جاسم عمره تقريباا 21 سنه وانا ماقوله خالي لانه اصلا رابي ويانا ودووم مطيح ف بيتنا قبل ف عادي وعقب عبدالعزيز عمره 18 سنه وبعد ماقوله خالي وهوه واايد ويانا
ودوومه ف بيتنا ف عادي متعودين عليهم وكلهم حبوبين
وعقب بنت صغيره اسمها علايه وهيه صف اول وسوالف
وصلنا بيت يدي ودخلنا الصاله .. محد سرنا فوق وخولوو مستحيه ونحنا نقولها عادي نحنا دوم متعودين اني بيت يدي
جفنا عزووز منسدح ع الغنفه يالس ايتاابع فلم ومندمج ولا حس فينا واشتغل عرج النذاله عندي قمت وصرخت ف اذنه ويقووم بسرعه زايغ
عزوز : خسج الله ياامولوو انتي ماتوبين عن حركاتج
ونحنا ميته من الضحك: ههه ههه
خوله : شحالك خالي ؟
عزوز : بخير ربي يسلمج اسمحيلي ماسلمت عليج هاي املو الحماره ربشتني ونسيت
خوله : لا مسموح خالي
الريم : بعد هاذا تقوليله خالي الا هوه عزووز
عزووز : لاا تخربج خلج ع خالي احسن منهم
امل : هيه صح ياخالي العزيز
عزووز : انتي جب مارمسج
امل : افا ياخالي العزيز تزعل مني انا اموله حبييبت قلبك
عزوز : حبج برص بنتحر لو انتي حبيبت قلبي
امل : اصلا انت تتمنى ويا فيسك
الريم : بس عااد اقول عزوز شرايك تي ويانا بيت خالي ابراهيم
عزوز : منو هناك ؟؟
الريم : هم امايه خالو فاطمه ومرت خالي
عزوز : هم احمد يا ولا ؟
امل : لا مايا بس عيال خالو هناك
عزوز : والله زين عيل بسير بسلم اصبرن شويه ببدل وبيكم
الريم : اوكي بس عزوز جسووم هني ولا ؟
عزووز : هييه رااقد
امل : زين عيل بنسير نغصص عليه
عزوز وهو يضحك : مجرمات حشى ههه
وسار عنا ونحنا سايرين حجره جسوم
الريم : بلاج ساكته ماترمسين ترا عادي تيتك ايزي
خوله : لا ماعليج بس مسحيه شويه وبتعود ع الوضع
امل : زين عيل
ودخلنا حجره جسوم ظلاام ماينجااف شي وبرد موت صقيع
قمنا وبطلنا الستاره والدريشه وبطلنا الليت وبندنا المكيف
وسرت صوبه
امل: جسوم نش
جااسم : بسم الله الرحمن الرحيم انتي شو يايبنج
امل : ريوولي يلا نش
جاسم : املو احسلج خليني ارقد
امل : يلا عاد جسوم نش كلهم هني ف بيت خالي
جاسم : اف منج اذى
الريم : يلا عاد قوم
جاسم : انتي بعد هني
الريم : صدق انك مغفي امس متى راقد
جاسم: اصلا كنت مواصل الصبح رقدت
امل : خالي ترا خوله ويانا واقفه عند الباب مستحيه اونها تدخل
جاسم : فديت الادب هب انتو دفاشه اعوذ بالله ازقريها خل تدخل
الريم : لا والله كل هالرقه وتقول دفاشه ويا فيسك
جاسم : احسن من فييسج
دخلت خوله وسلمت ع جاسم
جاسم : شحالج خوله ؟
خوله: بخير وانت شحالك خالي ؟
جاسم: بخير دامج بخير
ويلسنا نسولف شويه ويا جسوم
عزوز : ماشاء الله هنيه انتو
امل : هييه هني نسولف ويا جاسم
جاسم : ايي املووه قولي خالي جاسم
امل : بتتريا وايد اذا تباني اقولك خالي
عزوز : يلا عاد تعالو بنسير
جاسم : وين بتسرون ؟
الريم :قلتلك مغفي ماصدقتني
خوله : بنسير بيت خالي
جاسم : اوكي خلاص عقب يمكن اي
وطلعنا عنه وسرنا بيت خالي
ودخلنا جفناهم يالسين يرمسون عن خالي محمد هاذا الله يسلمكم موول مانجوفه يمكن اخر مره جفته قبل 7 شهور جي ناادر مااي بس ماعرف ليش مع اني ماحتك وايد فيه بس اعزه واايد
المهم يلسنا نسوولف وجي عقب اتفقنا نحنا البنات نخلي عزوز
يودينا السوق حتى خولوو بتسير ويانا وقلنالهم وهو وافق يودينا
.................................................. ..............
المكان : الميغا مول
الساعه : 4 العصر
الريم
.................................................. ..........
سرنا ويا عزوز الميغا وماخلينا محل مادشيناه وامول حاشرتنا اونها تبا تشتري قميص ابيض حق الاسكول انقولها بعدين اونه لا مابقا شي عن الاسكول
الريم : امول يلا والله هلكنا
امل: افف اوك انا ابا باسكن
خوله : اوكي انا بعد ابا اسير اكسسزرس
عزوز : اوك عيل خل انسير تحت وعقب بنطلع مره وحده
البنات: اوك
ونزلنا كلنا تحت
امل : يلا انا بسير باسكن حد يبا شي
الريم:انا ابا بالفراوله
امل : عزوز خولو ماتبون شي
عزوز : لا مابغي شكٍٍرأ
خوله: حتى انا
امل :ليش ماتبوون لا تحاتون انا الي بدفع
عزوز :خ جي تتحرين عيزانين عن عمارنا انا مابا عشان ماامرض
الريم : تمرض ف ها الحر
.................................................. .............
المكان : الميغا مول
الساعه : 6 ونص
امل
.................................................. .............
سرت انا وقلت ادري خولو تستحي ومابتاخذ بشتريلها ع ذوقي
وانا ساير جفت اثنين جدامي يشترون ويلست اترياهم شويه وهم مايدروون اني وراهم داقين سوالف افف تمللت
امل : احم احم ...
لفو صوبي قفطو اشكالهم اضحك وهم قافطين ضحكت عليهم ف خاطري المهم واحد منهم غمز حق الثاني حسيت ان وراهم شي ماعرف ليش شلو طلبيتهم وانا وقفت اطلب ويوم دفعت وخلصت وانا لافه جفتهم يالسين ع الطاولات يطالعون بنظرات غريبه حتى انهم ماياكلون يالسين بس يجوفون امم سويتلهم طاف وروحت عنهم حسيتهم قامو شويه ولا اسمع صوت واحد
الريال الاول : اخ ياويل حالي ع القمر
لفيت صووبه عطيته من هايج النظرات
الريال الثااني : محلات هالعيون
سويتلهم طاف وروحت دخلت اكسسزرس جفت محد ف خااطري افف هايل وين سارو وبعدهم الشباب يلحقوني
يلست اطالع يمين يسار محد اف
يلست امشي وانا اسمعهم ورايه يقولوون الرقم ومشيت بسرعه
وعقب جفتهم في محل جدامي وسرت بسرعه والشباب من جافو عزووز شردو ََََ<< ترا يقولون الشرده نص المريله هع
امل : انتوو وين سرتو
الريم : ماشي الا هنيه شفناج اتاخرتي وسرنا هالمحل
المهم وعقب طلعنا من المول وعزوز حوطنا ع الممزر وعشانا وردنا البيت وكانت الساعه 11 يلست اقراا قصه لين الساعه 2 وعقب رقدت
تبون اوصفلكم امل لا طويله ولا قصيره مربربه شويه بس يعني بشكل حلو ولا بيضه ولا سمره وعيونها عسليه وحلوه وفيهم لمعه غريبه جي ع حزن ودوم البنات يسألونها انتي حاطه عدساات بس هيه تقول لا وشعرها اسود بس هب اسود اسود يعني جي ياي ع البني ودوم تقصه وتقول هاي اخر مره وترد تقصه ههه وامها تهزبها اون حلات البنت بشعرها خشمها نااعم وصغير وشفايفها ورديه وصغيره ودوم البنات ف الاسكول ايونها اونه معجبات وهيه تسويلهم طااف لانه ماتحب ها السوالف ودوم تحب الاكشن تحب السرعه وسوالف السيارات والالعاب الخطيره والدرجات وتحب تكتشف الاشيااء وسبحان الله فيها شي يجذب الواحد الها
.................................................. ............
المكان : غرفة احمد
الساعه : 12
احمد
.................................................. ...........
الله اليوم انا ميت من الفرحه تبون تعرفون ليش الله يسلمكم مره من المرات قبل سنتين كنت فاتح جات ع ايام المراهقه المهم ودشت عليه وحده جي شكلها مضيعه اتقولي شو السالفه ومادري شو شكلها داشه بالغلط المهم وعاد انا يلست اقولها انتي ف جات وجي ويوم عرفت استغربت وقالت يلا فمان الله عاد انا ماخليتها ويلست اقولها هيه انتو كلكم ماتحبوني وماعرف شو لاني خسف مع اني حلو بس عشان اخلي قلبها يحن عليه قلتلها جي المهم وجي وهيه شكلها البنت على نياتها يلست تقولي لا حرام لا تقول جي هب زين وعقب انا استدرجتها خليتها تعطيني ايميلها وعااد عقب شهر جي خذت رقمها ورمستها بالفون الصراحه ماجذب عليكم حبيتها بس كنت ارجع واقول لا انا رمستها بترمس غيري عقب حاولت اطرشلها ناس وجي البنت تردهم طلعت بنت حشيم ومالها ف هالسوالف المهم وتميت ارمسها سنه بالفون ومره اخوها زخها ترمسني حليلها وضربها ضرب لين قالت بس وياء ابوها وكمل عليها وخذو كل شي عنها الفون والاب وكل شي و من الويع مارامت اتسير المدرسه يومين ويوم سارت اليوم الثالث سارت غرفت الكمبيوتر وكتبت رساله ع الايمل وطرشتلي اياها وتميت تقريبا 5 شهور متعذب ماتتصلي الا مره كل شهرين ولا ساعات اطرشلي ايميل وعقب خلصت الاسكول وف الاخير حاولت ويا اهلها واشتغلت ف عياده كل ها عسب يعطونها فون ويوم عطوها تمو وايد يشكون فيها وانا غيرت رقمي بعد عسب مايعرفونه اهلها وارمسها ف الفون ويوم عندها الفون ويوم يشلونه والحين من كم يوم شالينه الفون وانا اترياها اطرشلي ايميل ولا شي والحين توني فتحت المسن جفتها مطرشتلي ايميل انه اخوها كان فدوره عسكريه وطلع ويوم طلع اونه شل الفون وهيه بتحاول تتصلي من تلفون اختها ولا شي الصراحه كنت احاتيها واايد خفت استوابها شي وانا ان شاء الله قريب بخطبها ع الاقل خطبه عسب ماتروح عني وانا رمست الوالده وقالت بترمس ابويه وان شاء الله خير وهااي كل السالفه
ام يلست شويه ع النت اتحوط وعقب خلصت وسرت حطيت راسي ورقدت ..عسب عندي دوام باجر السبت
.....
خلووني اوصفلكم احمد امم طوله عادي يعني اوكي وجسمه سبوورت عيونه سودا وكبيره وحلوه خشمه سيف وهو حنطاوي
وطيوب وايد وحبوب واجتمااعي وراعي سوالف ودراجات وجي
توام روحه ولد عمه خليفه من هم صغار ويا بعض عمره ماظاربو ولا شي جنهم اخوان وحتى يوم كانو صغار كانت ام احمد بترضع خليفه بس عقب ردت وقالت يمكن ياخذ حد من بناتي مع انه هاالشي مستحيل الحين لان البنات يعتبرونه اخوهم ورابي ويااهم وجنه اخووهم ودوم ايقولون حق امهم جان زين رضعتيه ويانا جان الحين اخونآ ...
.................................................. .........
المكان : غرفه ريم
الساعه : 1: ونص الظهر
الريم
.................................................. .......
نشيت ع صووت الفون افف والله كنت معصبه مول مالي بارض منو هالي داق رديت حتى بدون ماجوف الرقم
الريم : الو
ميره : هلا والله
الريم: ميرووه ياحماره وعيتيني من الرقاد كنت احلم خربتي عليه
ميره تستوي بنت عم الريم
ميره : حشى انتي لين الحين راقده نشي بسج ارقاد وبعدين تحلمين ف منوو هاه ... ليكون احم احم ...
الريم استحت : جب جب
ميره : لاتقولين جب ولاتراني مابوصلج اخباارهم
الريم : هم انزين شخباره ؟
ميره : والله تمام يسرج
انا بقولكم سالفت الريم الريم تحب ولد عمها اخو ميره اسمه حميد
وعمره 21وهيه تخبر ميره كل شي وقالتلها وحلفتها انها ماتخبره عن شي قالتها انا اباه يحبني من نفسه هب عشان انا احبه وجي ودووم تسال ميروه عنه
.........
الريم : دوم ياربي
ميره : ههه اقول شورايج تين انتي وامول فديتها بيتنا اليوم
الريم : بس اليوم الحق الله مابتسرين بيت قوم يدوه
ميره : هيه خلاص عيل بنتلاقى هناك
الريم : منو ف بيتكم ؟
ميره : والله محد انا وعلاوي اخوي وامايه ظاهره ويا ابويه سايرين صوب الذيذ صوب خووالي وحميد بعد بيظهر بعد شويه وبس
الريم : انزين منو بيبج بيت يدوه
ميره: بقول حق حميد يوديني وهو طالع
الريم : اهاآ اوكي عيل انا بخليج بسير اتسبح
ميره : اوك باي
الريم : الله وياج
قمت وتسبحت لبست جلابيه وسرت تحت جفت امي يالسه بروحها سرت عندها ويسلت سألتها متى بنسير بيت قوم يدوه قالتلي عقب صلاه العصر
وع الساعه ثلاث سرت اوعي امل عسب تتجهز
.................................................. ...............
المكان : غرفة امل
الساعه: 3ونص
.................................................. ...............
كنت توني طالعه من الحماام متسبحه يلست انشف شعري وعقب شويه نزلت تحت سلمت ع امي وع الساعه اربع الا ربع سرت اتلبس لبستلي بدله بنطلون سكيني سماوي وقميص ابيض وتنوره قصيره سموايه وجاكيت الي اي قصير سماوي واتجحلت ولبست اكسسوارتي عادي اصلا مابسير مكات بيت يدوه ف عادي البس ها الببس المهم شليت شنطه وحطيت اغاارضي فيها وطبعا انا ماعندي فون ف العايله عندنا منقود البنت تاخذ الفون الا عقب الثنويه وجيه المهم وعقب لبست بوت وعباه مفتوحه وسكارف فندي سماوي ... وتعطرت وطلعت سرت غرفة الريم
.................................................. ...............
غرفه الريم
الساعه : اربع
الريم
.................................................. ...............
كنت واقفه جدام المنظره وسرحانه افكر ف قلبي اخخ من زمان ماجفته يمكن من شهرين ياربي ولله ولهانه عليه شو اسوي
شوي وسمعت دق ع الباب قلت تفضل كانت امول
امل : ريمو ماخلصتي
ريمو : الحين بس بتجحل
امل : اوكي انا بنزل تحت اترياج
ريمو: اوك
نزلت امول وانا تجحلت بسرعه ولبست عباتي وشيلتي وشليت شنطتي وتعطرت ونزلت
خلوني اوصفلكم الريم ... طويله بس طولها حلو وهمم شعرها لين نص ظهرها واسود وناعم عيونها وساع وكبار وسود خشمها طويل وهيه بيضه شفايفها صغيره وحمره.. وهيه وايد رومنسيه وتحب الاشياء الرومنسيه وخجوله وسوالف وحبوبه
سرنأ بيت يدوه وكانت هناك ميره
ميره : هلا والله نور المكان
امل : هلا فيج غناتيه وسلمنا ع الباجين ووع يدوه فديتها
وسرنا نحنا البناات ف يلسنا برع ويلسنا نسولف
.................................................. ...............
المكان : بيت يدوه
الساعه: 4 ونص
امل
.................................................. ..............
كنت مندمجه ف سوالفي ويا بنت عمي ميره
امل : ميروه ماتعرفين اذا هندو بتي اليوم ولا
ميره : هيه انا طرشتلها مسج انا نحن بنتيمع ماعرف اذا بتي ولا لا
المهم خلني اقولكم هند بنت عمي اخت خليفه ونحنا بعد وايد وياها هيه يمكن عمرها 21 ف الجامعه بس طيووبه وحليوه خلني اوصفلكم بنات عمي ميره بنت حبووبه طويله شويه شعرها لين نص ظهرها لا بيظه ولا سمره عيونها حلوه لونها بني غامج وخشمها حلو وشفايفها حلوه بعد وهيه لا ضعيفه ولا متينه يعني حلو جسمها
وهند طيوبه وحلوه واحسها عاقله ودوم احب سوالفها انزين امم طولها عادي سمره بس سمارتها حلوه عيونها كبيره وسوده شعرها طويل لين نهايه ظهرها وخشمها حد السيف وشفايفها حلوه
........
المهم وانا يالسه ويا بنت عمي ماعرف ليش حسيت انهم يبون يرمسون ف سالفه خاصه مع انهم مالمحو بس حسيت من نظراتهم المهم
امل : ام اقول انا بسير هاكي الصوب شويه اوكي
الريم: اوكي
وها الشي اكدلي انهم يبون يرمسون ع انفراد لانه دوم يوم انش ميرو تسألني ليش بتسيرين وماعرف شو ووين بس هالمره ساكته جنها تباها من الله المهم اصلا انا ملاحظه انها اليوم هب طبيعه ماتضحك من قلبها وجي ف سرت ورا البيت ويلست اتمشى وحطيت سمااعات الايبد ف اذني ويلست اسمع وسرحت
نهآأأ‘يه البآآرب

اتريآ ردودكم..

--------------------------------------------------------------------------------
البآأآرت الثآ‘لث
.................................................. ..........
المكان : بيت يدوه
الساعه : 4: 37
الريم
.................................................. .......
تميت ساكته حسيت ان ميروه عندها شي واترياها ترمس بس مارمست ونزلت عيونها وسكتت جان اقول
الريم : فديتج ميروه شوفيج
ميره بابتسامه حزينه : لا الغلا ماشي
الريم : حبيبتي ميره انا اعرفج اكثر من نفسي ادري ان فيج شي حتى يوم تضحكين هب من قلبج
ميره : ماعرف شو اقولج ولا شو اخلي بصراحه متضايجه
الريم : انزين الغلا ارمسي ولاتخلين شي ف خاطرج جنج ترمسين عمرج وسرج ف بير
ميره : انا ادري انج مابتقولين شي بس ماعرف ماعرف شو اقول
وطاحت دمعه من عينها
الريم : قولي الي ف خاطرج
ميره : محمد
الريم : شو فيه ؟؟؟؟
ميره : محمد ياريم ماعرف عنه شي من اسبوع
الريم : همم مايفتح المسن
ميره وهيه تصيح: هيه من اسبوع ومافتح اتريااه والله ياريم تعبانه اطرشله رسايل مايرد ياريم انا احس ان فيه شي وعقب اتذكرت ان اخت قبل كانت ويانا ف السكول تعرفينها شيخو المهم اتصلت قلت بسحب منها الرمسه ويلست اسولف وياها وقالتي ان اخوها مسوي حادث من فتره ودخل ف غيبووبه 5 ايام ويوم نش ريوله قالو لازم يسوله عمليه عسب يرد يمشي وبيركبوله حديد لين يلتحم العظم مره وهم قالو انهم بيودونه المانيا بيسوله هناك انزين وعقب يوم دشيت المسن جفته مطرشلي رساله يستسمح مني ويقولي انه بيساافر ومايدري متى بيرد وقالتي تحملي ع عمرج وكملت صياحها
الريم سارت حظنتها : حبيبتي لاتستهمين ماعليه شر يالغلا بيرد وتر العمليه سهله لا تصيحين غناتيه ووهو الحين يالغلا محتااج دعوااتج ادعيله
ميره : بس بس انا خايفه
الريم : الغلا ماعليه شر يالغلا ادعيله ويلا مشي دموعج الحين الكل بيون
ميره وهيه تمسح دموعها : سووري ريمو ضايقتج
الريم : افا عليج يالغلاآ نحنا لبعض
ام خلني اقوولكم سالفه ميره من سنه كانت مشتركه ف منتدى ويعني جي المدير كان دوم يهتم فيها وهالمنتدى منتدى اخو ربيعتها وهيه دوم تلاحظ انه يعني يهتم فيها ويرد ع مواضيعها وجي وخلاها مشرفه وجي ومره كانت سايره مول جان اتجوف شيخه ربيعتها وياها اخوها وكانت ماشاء الله عليه حلو بس هيه يعني ماقالت شي وعقب سألت شيخه منو كان وياج قالتلها اخوي قالتلها هالي عنده منتدى قالت هيه المهم يعني عقب هاكي حست عمرها تهتم فيه وادور مواضيع واتراقبه وتترياه يدش وجي وعقب فتره قال المدير انه بيصك المنتدى خلاص وماعرف شو المهم هيه تضايجت وجي وعقب كم يوم يتها اضافه ع المسن المهم استقبله وطلع المدير ماخذ ايميلها من ايميل اخته بدون ماتدري المهم حاول وياها وهيه ماطاعت اترمسه وجي وسوتله بلوك بس بدون دليت ومره فتره وهو يطرشلها ع الهوت رسايل وجي ويوم عيد ميلادها اتذكرها وكان الوحيد الي تذكر وطرشلها رساله وجي وهيه جافت اون لاين قالت بشكره وجي ورمسته وجي وقامت مره تسويله بلوك ومره ترمسه ومره جي يعني صدق متحملها ماشي ريال يتحمل ها المذله فاكيد ايحبها والحين هيه اترمسه ع المسن بس حتى صوتها وصورتها ماجافها وقايللها بخطبج بس هيه ماطاعت قالت اونه لا ييوم بخلص الجامعه
.................................................. ...............
المكان : سياره احمد
الساعه : 5 ونص
احمد
.................................................. ...............
خطفت ع احمد واتفقنا انسير بيت قوم يدوه نسلم عليها وعقب نسير الفستفل
ونحنا ف الدرب يالسين نسولف
خليفه : احمدو مر الكفتيريا خل نشتري كرك
احمد : اوكي خلاص هب مشكله
ومرينا الكفتيريا
.................................................. ........
المكان : بيت يدوه
الساعه : 5 : 44
امل
.................................................. .........
كنت يالسه اتمشى وافكر واسمع اغاني ف الايبد المهم وسرحانه ويالسه اغني همم صوتي يعني هب وايد حلو حلو بس في اغاني يطلع حلو وفي اغاني عادي يعني هب مزعج واكثر شي حلو ف الاغاني الحزينه هع كنت افكر ف حياتي احس انها ممله ماشي شغل يعني غير احس ناقصنها شي ماعرف شو هم قلبي يعورني ماعرف ليش احس بشي غريب ماعرف شو بس ع خفيف يسير ويرد عليه جفت يهال داخلين البيت هايل عيال يران يدوه اكيد يايين ياخذون حق الله المهم سرت الصوب الثاني رديت افكر ياربي احس انه ناقصني شي يمكن الحب معني مستحيل افكر ف ها الشي خلاص انا عفت الحب وعقب جان اجوف سياره احمد داشه البيت ونزل احمد وخليفه سرت صوبهم
اتوايهت ويا احمد لاني ماجفته من يومين
امل : احمدوو وينك من يومين مالك حس
احمد : والله موجووده يالغلا
امل : شحالك خلوف ؟
خليفه : والله تمامو ووانتي ؟
امل : والله يسرك مانشكي باس
خليفه : دوم
امل : خلوف
خليفه : اصغر عيالج خلوف قولي خليفه
امل : ههه اوكي الشيخ خليفه ليش مايبت هندو
خليفه : هيه جي ابااج وهند مايبتها بتي ويا امايه
ويلست اسولف وياهم لين دخلنا داخل
ودخلنا داخل سلمو ع يدوه جان احصلي هزبه من امايه
ام احمد : امل خوزي ها من اذنج هب زين اليوم نص شعبان مفروض تستغفرين هب زين
امل : ان شاء الله امي
احمد : وي نازعوها
امل : جب جب
احمد : يجبج
جان اجوف امي تتطالعنا بنظرات يعني احشمو يدتكم وخلوف يضحك من تحت لي تحت ههه
امل : الله مابقا شي ع رمضان
يدوه : هيه والله
امل: افف والله قهر عقب العيد مداارس قهر
احمد : وي وي انتو بعدكم مال المدرسه
امل : جب انزين
ويلسنا نسوولف شويه وعقب وصلت مرت عمي سلمت عليها وعلى هندوو وسرنا صوب البنات
ويلسنا نسولف وعقب فليل ردينا البيت
ويووم ردينا البيت سرت الحجره تسبحت ولبست بجامه وحطيت راسي ورقدت
مر اسبوعين بدون احداث تذكر هع
.................................................. ...............
المكان : غرفه الريم
الساعه : 3 الظهر
الريم
.................................................. ..............
كنت امشط شعري واغني ومستانسه دشت عليه امول
امل : شو تسوين
الريم: ماشي يالسه
امل : اليوم بنسير بيت قوم يدوه
الريم : هيه
امل: خخ احسج مستانسه
الريم : هيه هع
امل : زين زين
الريم : ام امول ابا اسألج سؤال
امل : هلا شو ؟
الريم : انتي يعني في مره حبيتي ؟؟
امل : ههه
صح انها ضحكت بس حستها ضحك حزن ماعرف ليش انا دوومي مافهمها هالانسانه
الريم : بلاج شوفيج ليش تضحكين
امل وهيه تمش دموعها من الضحك : لا ماشي ... لاوالله ماجربت احب ولا ابا اجرب بعد
الريم: ليش عاد الحب شي حلو
امل : جنج الا مجربه
الريم ارتبكت : لا لا لا
امل : انزين بلاج جي تقولينها
الريم : لا عادي
اطالعتني امل بنظره ماعرف افسرها بصراحه اقولكم ماافهم ها البنت جان اتقول
امل : تتحريني ماعرف انج تحبين حميد ولد عمي وطلعت من الحجره
انا فجيت عيني ع الاخير هال كثر انا مكشوفه ولا شو السالفه
افف هالبنت جنيه ماعرف كيف عرفت بعدين بتستجوبها اذا طاعت تقول تجهزت ولبست لان بعد شويه بنسير بيت قوم يدوه
وعقب سرت غرفه امول
.................................................. .............
المكان : غرفه امل
الساعه: 3:33
امل
.................................................. ...........
هم كنت يالسه امشط شعري و يالسه اجوفه ف المنظره
دخلت عليه الريم جان ابتسم ابتسامه خبيثه انا متأكده انها بتسألني عن السالفه بس استغبيت
امل : اقول ريموو خاطري اقص شعرف
الريم : هم بس انتي قاصتنه قبل كم شهر
امل : لا عادي ابا اغير استايلي
الريم :والله كيفج
امل : هم خلاص بقصه حق العيد
الريم : كيف بتقصينه
امل : يمكن اقصه قرادي يمدحونها
الريم : همم زين امون دوم تقصها تقول حلوه
امل : زين زين
الريم : هيه صح انتي شو سالفتج قبل شويه
امل استهبل : اي سالفه؟؟
الريم : لاتستهبلين
امل : لا صدق ماستهبل اي سالفه ؟
الريم : قبل شويه يوم كنتي ف غرفتي
امل : ماذكر انا رمسنا فسالفه ؟؟ ذكريني انتي
الريم : اوهو امول يوم يوم قلتي
سكتت ويها استوى احمر هع ع فكره انا يوم قلت عن حميد كنت شاكله بس الحين تأكدت لانها احمرت هع
امل : شو قلت كملي
غمضت عينها بسرعه وقالت : يوم قلتي اني احب حميد
امل : ايوا هيه تذكرت شو فيها السالفه ؟
الريم: انتي منوو خرط عليج وقالج اني احبه
امل : جوفي ويهج ف المنظره كيف احمر وبتعرفين وسرت عنها تحت ايلس ويا امايه شويه ...
.................................................. ...........
المكان: غرفه امل
الساعه : 3:50
الريم
.................................................. ............
سرت اجوف ويهي ف المنظره جفته عادي بس شويه احمر اووبس انا رووحي كشفت عمري اكيد ويهي احمر وهيه عرفت ياربي اف ماعليه ادري انها مابتخبر حد هع
سرت حجرتي واتصلت حق امون
الريم : مرحبآآآآ
امون :مرحبتين حياتي
الريم : كيفك ؟
امون : منيحه حبي وانتي كيفك ؟
الريم : والله بنشكر الله
امون : دوم ياربي هب يوم
الريم : امون الحقي
امون : خير شو مستوي ؟
الريم : امول
امون : بلاها ؟؟؟؟
الريم: عرفت عن حميد
امون : اويه كيف عرفت؟؟؟
الريم :ماعرف اليوم يتني اونه تتحرين اني ماعرف انج تحبين حميد
امون : اويه انزين كملي
الريم : عقب جان اسريلها حجرتها سألتها عن السالفه قالتلي اون جوفي ويهج ف المنظره وبتعرفين
اموون : بلاه ويهج ليكون محمر ادريبج انا
الريم :هييه تخلي كان تعرفيني من ايبوون طاريه احمر
امون : والله هاي اختج شيطانه ماشاء الله عليها
الريم : هيه والله
وعقب سولفت وياها شويه وسكرت عنها عسب بنسير بيت يدوه
وسرنا بيت يدوه ويلسنا وبنات عمي يو وتيمعنها نحنا ف الصاله الي برع
هند : اقول بقوولكم نكته ؟
امل : اوك يلا قوولي
هند : محششين اثنين يطالعون الاخبار قال الاول حق الثاني بلاها الاخبار طولت اليوم قالت يمكن الحلقه الاخير ههه
امل والريم وميره يضحكون
ميره : امول طلبتج
امل : تم السآع الغلاآ
مييره :غني
امل : لا لا صوتي هب حلو
هند : لالا غني ريمو تقول صوتج حلو ف الاغاني الحزينه غني عن خاطريه
الريم : هيه والله صوتها طرر فالاغاني الحزينه
امل : ام اوكي هب مشكله عطوني غنيه حلوه
ميره : غني مال الجسمي والله مايسوى
.................................................. ...............
المكان بيت يدوه
الساعه : 9
امل
.................................................. .............
من طرت ميروه هالاغنيه احس ان قلبي عورني ودق بسرعه وحسيت بغصه وجسمي وصلت حراارته 40 بس سويت عمري عادي
امل :بس ع شرط
هند : الي هوه ؟
امل : يبولي قلاس ماي بارد
الريم : نشتغل عندج
امل: يلا عادي انا بغنيلكم وبتعب احبالي الصوتيه
ميره : اوك بيبلج بس اذا ماطلع صوتج حلو بفره ع راسج
امل : ههه اوك انتي يبي
سارت ميروه يابتلي قلاس ماي بصراحه حسيته برد عليه ويودت عمري عسب اغني عدل
امل : احم احم اسكتو واسمعوو
كلهم سكتو
اتساندت عاالايدار الي ورايه وغمضت عيني وبديت اغني
امل : والله مايسوى اعيش الدنيا دونك لا ولا تسوى حياتي ف هالوجوود دامك انت الي رحلت وكيف بصبر عن بعادك وكيف بنثر هالوروود ...... الخ
ويوم ييت عند هالمقطع حسيت قلبي من الخاطر يعورني
روح انا رااضي بغيابك ياحياتي هاذي قسمه لي وهاذا لي نصيب كنت شمعه تضوي وتشرق حياتي انطفيت ورحت في وقت المغيب انطفيت ورحت في وقت المغيب ... وكملت الاغنيه لين اخر شي فتحت عيوني جفتهم مندمجين ف الاغنيه وجفت ميرو عيونها ادمع حسيت انه فيها شي جي ولا ماتوقع تصيح عسب اغنيه بدون سبب حتى لو كانت واايد متأثره ماتوصل لصياح اكيد فيها شي بس بعرفه مع الايام مع اني متأكده ان الساالفه فيها حب بس يالله ياخبر اليوم بفلوس باجر بلاش .. كنت ابا اتم بروحي بس اذا نشيت بيشكون فيني
امل : هم شورايكم ؟؟
هند : ماشاء الله صووتج حلوو حسيت انج غنيتيها من الخاطر
امل :ههه كله عشان يعيبكم صووتي
الريم: حلو صوتج
امل : عيوونج الحلوه
ميره : توني ادري ان عندي بنت عم صوتها حلو
امل : وانا بعد توني ادري ان عندي بنت عم حسااسه
ميره : لا عادي
امل : لاعادي تتحريني ماجفت دمووعج هاا
ميره : لا لا بس رمل دخل ف عيوني
امل : اهاا صح صح
هند : بسكم عاد حشرتوناآآ ههه
.................................................. ...............
بيت يدوه
الساعه : 10
الريم
.................................................. ..............
مادري ليش حسيت املو بعد تعرف عن ميروو يوم لمحتلها مايندى هاي شوورها خلني عقب بحذر ميرووه انتبهت ع هند ترمسني
هند : بلاج ريمو سرحانه ف منو ؟؟؟
جان اضحك : قلتلها لا هب سرحانه ف حد يوم لفيت الصوب الثاني جفت امول وميرو يغمزوولي اونه عاد حميد عاد انا مت من الضح اشكالهم اتضحكت كل وحده من صوب تغمزلي هع والله عبط لازم اقول حق ميروه ان امول تعرف بعد مافينا
امل : الله باجر رمضان اسميني مستاانسه
ميره : هيه والله حتى اليوم الجو جو رمضان والوقت يمر بسرعه حتى اضني صلو التراويح
امل : هيه اليوم انا قريت جزء وباجر بكمل
الريم: زين زين انا باجر ببدأ
هند : زين حتى انا ..
ميره : اشريتو حق العيد ولا لا ؟
الريم : انا فصلت حق هالعيد مخوره جي تغير شو رايكم انتو بعد جي انطقم تغير عن البدل
امل : مي 2 فصلت وياها
ميره : خلاص هب مشكله بقول حق اماايه تفصلي
هند : هم حتى انا ..
امل: شورايكم بنات نختار لنا يوم ونسير نسوي شوبينغ ؟؟
هند : الله فكره حلوه بعد حلانه كلنا انطقم ويا بعض نايسوو
الريم : هيه والله كشخه كلنا صباح العيد نلبس مخور وعقب العصر كلنا نفس البدل واليوم الثاني بعد نايس احس
ميره : هيه والله كششخه...
امل : اوك بنحدد يوم وبنسير كلنا
صح ان امل اصغر وحده فينا بس احسها يعني هيه الي تحلي اليلسه بسوالفها ورمساتها ودوم نعتمد عليها احس عندها خبرات ف كل المجالات دوم اسألها مع انها اصغر بس بعد فيها اشيااء ماافهمها
.................................................. .........
المكان : امارات مول
الساعه : 10
احمد
.................................................. ........
كنت يالس ويا الشبااب فالكوفي نسولف ونعلق ع السااير والراد فجاءه رن فوني جفت رقم غريب قمت عن الشبااب وسرت رديت
احمد : الو
اليازيه : مرحبآ
احمد : يزوي
الياازيه : شحالك احمد ؟؟
احمد : هب بخير يالغلاآ وينج انتي من اسبووعين فذمتيه اني ولهت عليج
الياازيه : اسمحلي الغالي انت تعرف ان اخويه شال تلفوني وماروم ارمس واليوم يوم سرت العياده خذت فون ربيعتي ورمستك
احمد : علني افداج الغلاآ
اليازيه: مبروك عليك الشهر غناتيه
احمد: علينا وعليج حياتي
اليازيه : هم انت وين حبيبي ؟
احمد : انا ف امارات مول ويا الشباب
اليازيه : اهاآ انزين الغالي انا بخلليك الحين ماقدر ارمسك زياده عيب فون البنت وتحمل ع عمرك ولا تطالع يمين ولا يسار
احمد : من عيوني يالغلا من عيووني
اليازيه : فديت عيونك
احمد : ماوصيت حبيبتي لاتقطعين
اليازيه : ان شاء الله حبيبي اذا لقيت فرصه بدقلك ولا يهمك الغالي
احمد : اوكي الغلاآ
اليازيه : فمان الله
احمد : ربي يحفظج ..
بنتدت عنها فديتها وربي هم سرت صوب الشباب وقلتلهم
احمد : اسمحولي انا اترخص الحين
سالم: ويين احمدو توه الناس
احمد : لا ماعليه مره ثانيه الحين لازم اروح
كلهم : اوك الرب حافظنك
وروحت عنهم ركبت سيارتي يلست اتحوط وافكر ف اليازيه
.................................................. ...............
المكان :غرفه امل
الساعه: 11 فليل
امل
.................................................. .............
همم رديت من بيت يدوه وخذيت شور ويلست ع الاب كنت بقرا قصه قريت شويه بس حسيت مالي خاطري اقرا مع انها حلوه بندتها وطحت اتجلبت وافكر ماياني رقاد قمت اجوف الساعه 11ونص حسيت توه الناس طلعت برع غرفتي جفتهم كلهم رقود دخلت غرفة ريمو جفتها يالسه ع الاب
امل : همم ريموشو تسوين
الريم : ماشي اتحوط ع النت
امل : اوك تبين شي بتصل حق احمد ايبلنا عشى يوعانه باجر صيام
الريم : هم اوك قوليله نبا من مكدونلز
امل : اوك
وطلعت عنها وسرت تحت اتصل ف احمد
.................................................. .........
المكان : سياره احمد
الساعه : 11:44
.................................................. .........
كنت يالس اتحوط وسرحان فجاءه رن فوني جفت ان البيت متصلين ورديت
امل : مرحبا
احمد : مراحب
امل : شحالك ؟
احمد : تمامو شو تبين؟
امل : عافان الله اسأل عن اخبااري
احمد : قبل كم ساعه جاايفنج
امل : اوك خلاص اقول مر مكدولنز ايبلنا عشا
احمد : سحوور يالهبله هب عشا
امل : خلاص الي هوه
احمد : اوك يوم بوصل بتصل فيج بجوف شو تبين
امل : اوك باي
احمد :باي
.................................................. ...............
المكان : بيت بواحمد ..
الساعه : 12 ونص
الريم
.................................................. ..............
طلعت من غرفتي جفت امول يالسه ف الصاله الي فوق
امل: ريمو تعالي جوفي بيحطون فلم حلو
الريم : اوك حمود متى بي
امل : مادري توه متصل يسألني شو نبا
الريم: اهاا اوك اكيد ع وصول
يلسنا انا وريم نتابع الفلم وحطو اعلان
الريم : اقول هب جنه اتأخر
امل : هم هيه اوك انا بسير اتصل
الريم : اوك
اتصلت امل فيه
.................................................. ............
المكان : سياره احمد
الساعه: 12: 33
احمد
.................................................. ............
كنت اسولف ويا حميد ولد عمي رن الفون
احمد : اقول حميد لحظه برد ع الفون
حميد : اكيد وحده من ربيعاتك
احمد :جب هاي اختي ودرنا هاالسوالف من زمان ياخي
رديت ع الفون وانا متأكد انها امول تسأل عن العشا
احمد : مرحب
امول : هلا وغلا
احمد : هاه شو تبين
امول : ليش تأخرت
احمد : كنت ويا حميد
امول : اهاا حميد ولد عمي
احمد : هيه يلا باي
امل : باي وسلم عليه ههه
وبندت في ويهي صدق ماتستحي بأدبها يوم برد هع
ورديت عند حميد
احمد : اسمحلي حميد برد البيت
حميد : وين توه الناس
احمد : لا بس هاي امل متصله اون متى بتي
حميد :ههه لين الحين ملسونه
احمد : هيه ولين باجر هه شارلهم عشى وتترياه
حميد : سير يابوك عن تأكلك
احمد : هه هيه اوك يلا فمان الله
حميد : الرب حافظنك
نهآأأ‘يه البآآرب