آبي آشكي مآلي احد

السلآم عليكم ورحمة الله وبركآته
أسعد الله اوقاتكم بكل خير يافرشآآآت
آنا ودي آحكي مآسآتي وآبيكم تسمعووني
آنا بنت بسيطه حيل عمري 20 سنه لكن في عمري مآحسيت اني سعيده , تعبت من هآلدنيا
متحطمه والنفسيه حيل متدمره
انا تزوجت وعمري صغيرر كنت آعيش مع زوجي آحلى آيام عمرنا كنت احس اننا روحين بجسد واحد كآن يحبني وآنا احبه
كنت اشوف الدنيا فيه ومآكنت اتخيل اكون لغيره
لكن
فجآءه بعد خمس شهور من زواجنا تغير وصار مآيبي كلمه مني صار سهر ولعب بلوت وبنات وكل مااتناقش معه عن مشكله يقول والله صادقه امي
آآآه ياجماعة الخير كان عندي عمه ماتنطاق الله يسامحها كانت تدور على تعاستي وتعاست حريم عيالها
غيرت علي زوجي بكلامها كانت دايم تردد عليه الحرمه ماتنعطي وجه الحرمه عطها على وجها حتى لو جاب لي هديه ولا شي قالت امه ايه تجيب وتفعل حتى اخته المتزوجه جآبت لي المرض تغار مني بشكل موطبيعي ولدها كان دايم ياذيني ولدها صغير لكن تحسونه مرضان بس يضرب وماعنده احترام مرا صارت مشكله كبيره ولد اخته اذاه وهو توه صاحي من النومونزل بيت اهله لان انا عندي ضيوف وأخته كانت في وعيالها تحت ماسمعت الا صراخ زوجي جيت جري قلت اشفي قال طلعي لي الكل .. ذا لاقلب البيت فوق راسه هو وامه قالت انت اشفيك خلاص هد الولد عند امه خايف طنشني وجلس ينادي بصوت عالي على اخته جات اخته وقالها اطلعي انت وولدك من بيتي انا انصدمت مادري ايش اقول وادري لوتكلمت غير يقلب المشكله علي زوجي مرا عصبي نزلت ورب البيت وتركت ضيوفي لان الحرمه نزلت تبكي قلت تكفين لاتزعلين انا مالي ذنب قالت انتي سبب المشكله كلها انصدمت قلت انا ليش قال هو يقول حتى حرمتي اذيتوها
قلت يافلانه انا بعيده عن اهلي ومالي احد اكلمه عن اللي ياذيني غير زوجي ولدك اذاني كثير يدخل بيتي ويخرب واذا طلعة اتمشى معكم اذاني انا مرت خاله قالت هو يكره خاله ويكره اللي تبعه قلت يكرهني علشان زوجته !!!!
ومن ذاك اليوم كرهتني وصارت تدق بالكلام كثير وانا اسكت واطنش اجي ابكي ببيتي ومحد درا عني
مرآ كانت معي الدوره كانت مرا متعبتني قال انا ولد خالي بيجي يتعشاء عندنا تكفين ابي عشاء محترم قالت طيب ولايهمك
انا ساكنه مع اهله بعماره وحده بيتي غرفتين وحمام الله يعزكم ومطبخ صغير مااطبخ فيه بس للقهواء والاشياء الخفيفه
والطبخ والمجلس تحت ببيت ابوه نزلت وانا والله ميته من التعب ركبت العشاء وانسدحت بصاله من التعب
جاء وجلس عندي قال اشبك اوديك المستشفى ؟ قلت لا مايحتاج جات امه قالت انت تارك الرجال وجالس مع مرتك
صدق انك ماتستحي وخذت تهاوشه
بعد ماخلصت من العشاء راح المقهى ولا قالي كلمت شكر
بعد هاليوم تغير حيل معي صار شخص لايطاق مايتحمل كلمه مني ودايم يضربني انا ماانكر اني كنت ارد عليه بس كنت جاهله مادري ان هذا صح وهذا غلط
بعيده عن اهلي اهلي بديره وانا بديره ولاعندي اخت اكلمها واشكيلها ولا عندي صديقه آآآآآه ورب البيت اني كنت عايشه بمآساه لايعلم بها غير رب العالمين
مرت سنه على زواجي وكل مال المشاكل تكثر وتزيد ويوصل الضرب الى انه يتمنى موتي كرهني بعمري
كل يوم مع بنت وكل يوم يزيد كذبه بكذبه جديده
ومرا من الايام واجهته وقالت وش نقصته عليك علشان تتعرف على ذي وذي قال ليه تفتشين جوالي وليش وليش؟
آآآآآآآآآآه بدال مايتاسف ويبرر صار يهزئني
وكلمه ورى كلمه قال انا اكرهك ولا ابيك صدمني والله والله ليومي هذا انا احبه بس اقول كرامتك يابنت
دقيت على ابوي قالته تكفى تعال انا ماعاد استحمل اللي خلاني ادق على ابوي لاني خفت منه خنقني ويبي موتي
قالي قومي البسي بوديكم لااهلك قلت ريح عمرك ابوي جاي !
انصدم وقال انتِ طالق يابنت فلان !!!!!!!!!
وشرد من البييت
جاء ابوي واخذني بعد ماشاف الضرب اللي بجسمي
رجعت لاهلي مامر علي شهر الا ورقتي جاتني , حسيت بالظلم والقهر مااقول الاحسبي الله ونعم الوكيل
زوجي مشى ورا كلام امه كثير .. وبعد سنه وعليهاا طلقني طلقني اغلى انسان كان بحياتي ليه مادري ليه ليه ليه :(
جالي سنه وانا عند اهلي جاء وخطبني واحد من طرف صاحب ابوي وافقت قالت بشرد بعيد عن كلام الناس اللي سمني ماكنت اتخيل اكون مع غيره لكن قلت ابي اشرد من كلام الناس
ابوي سآل عن الرجال ومدحوله اهله وانا اشهد ونعم فيهم قال الرجال انه كان متزوج وطلق حرمته علشان يبي عيال
تزوجت وليتني ماطلعت من بيت اهلي خير شر طلع شكك يقفل علي الباب وكل شوي شارد من العمل علشان يشوف انا وش اسوي
مراا قلي وش بينك وبين اخوي ! قلت اخوك مثل اخوي يفتش جوالي اول باول مايخليني اروح لااهلي والله والله ياجماعة الخير اني عمري مارفعت صوتي عليه ولا ارد عليه كنت اقوله طيب يقولي انا ابي وحده تجادلني
كان دايم يقول ليش زوجك طلقك والله انه رجال انتي من يبيك آآآآه مادرى انه كانت اغلى انسانه عنده ماكان يرضى علي اه ليتك يافلان ماتركتني وخليتني عندك ليت الشيطان انشغل عنا اه والله تدمرت بعدك
كلمت اهله قالوا مرضان صار عليه حادث وجاله خلل بالعقل <--وين كلامكم هذا قبل الزواج
انا الحين عند اهلي لي ثلاث شهور لاهو راضي يطلق ولاهو راضي يعطيني اغراضي
ابي رايكم ارجع له ولا انا الحين عمري 20 سنه معقول اختار الطلاق وهذي المرى الثانيه؟؟؟
أختار تعاستي معه .. ولا اختار راحتي ؟
وزوجي الاول طلق حرمته .. والسبب انه يبيني .. ارجع له ولا لا ؟
ابعي كرمتي وامشي وراا قلبي ولا لا؟
انا احب زوجي الاول وهو بعد يحبني ومتاكده ماطلقني الا لانه ماعنده شخصيه ومشى وراا الناس
مادري احس اني متشتته وماني لاقيه حل
انا اسفه طولت عليكم بس حبيت افضفض لكم لان مالي احد وحيده بدنيتي :(