آجرآس الرحيل روايتي الاولى

الى كل قلبٍ نقي .. محب ..
الى كل فراشه من فراشات هذا المنتدى العملاق ..
اقدم لكم روايتي الاولى
آجرآس الرحيل
قصه واقعيه .. رائعه .. رومانسيه ..
لكم ولكل من تابعني من خلف الكواليس
باقات من الجوري ...
الفجرر البعيد
ملاحظه: الروايه كامله لكن بانزلها على اجزاء اذا شفت تفاعل ..
الجزء الاول
|في حي من أحياء مدينة الرياض
في ذاك البيت المتواضع
كآنت جالسه على سجادتها
تصلي صلاة الاستخاره .. وتدعي ربها ان تتوفق في زواجها هذي المره ..
لكن قلبها .. كانت تحس بطعنات وسكاكين تجتاح هذا القلب الضعيف..
ماارتاحت للشخص اللي تقدم لها هالمره .. مثل مارتاحت لزوجها الاول لما تقدم لها ..
آآآه .. انسى ياقلبي .. انسآآآآه
الله يوفقه فين مارآآح
والله لايسامح اللي كآآن السبب .. الله لايسامحك يابندر لا دنيا ولا آخره ..
سلمت من الصلاه .. مسكت المصحف وجلست تقرا فيه .. كانت تقرا وماتشوف الحروف .. غاشيه من الدموع كانت تغطي عيونها ..
استغفرت ربها وقفلت المصحف .. ضمته بقووه ورجعته مكانه
جلست حيرانه على سجادتها .. تفكر في اللي صار لها .. واللي بيصير لهاا في المستقبل
وفي وسط أفكارها .. سمعت طرق على باب غرفتها المتواضعه
:رحاب
رحاب : نعم؟؟
:أمي تقول تعالي سوي لي العشاء جيعان..
رحاب وفي بالها تقول (عساك الموت يارب) : طيب دقايق
: بسرعه
رحاب: طيب .. قلنا خلاص
قامت من على السجاده .. شافت نفسها في المرايه .. شافت عيونها متورمه ..
رحاب : ياربي الحيين يبدأ التحقيق من السيد بندر .. اف الله يعين
غسلت وجهها وطلعت من الغرفه
مرت من جنب غرفة أختها ..
رحاب : ساره ..
ساره وعيونها ع اللاب توب : ...............
رحاب : ساره ..
ساره : .........
رحاب : يعني ايش ؟؟ .. خلاص هذا النصيب ايش اسوي .. ولوو بيدي ماوافقت عليه من زينه اصلا .. روحي كلمي أخوك لاتجين تكلميني ..
ساره : طيب .. مشكوره يااختي.. انتي الوحيده اللي قلت لك عن مشاعري .. واخر شي تطعنيني في ظهري وتتزوجين اللي احبه..
رحااب وهي تطالع فوق (علامة الزهق ) : صليتي العشاء؟؟
ساره : مالك شغل ..!!
رحااب : الله يهديك روحي صلي خلي ربي يوفقك في حياتك وتلقين اللي احسن من ناصر ..
سارة وعيونها امتلت دمووع : خلاص .. مابي بعده أحد .. اللي بيجيني بعد بتسرقينه مني كالعااده .. يالفااشله يالمطلقه ياسراقة الرجال .. انقلعي برا..
رحااب .. والصدمه بعيونها .. مو أول مره تنقال لها كلمة فاشله .. او مطلقه .. لكن عمرها ماطلعت من أختها اللي تعزها ساره ..
مشت من عندها وهي تمسح دموعها ..
رحاب : هه .. ابكي على ايه والا على ايه .. يلا اليوم تطلع من ساره .. بكره من امي .. وبعدها من ابوي..
نزلت تحت وهي ترثي حالها ..
دخلت غرفة الجلوس : هلا يمه ..
ام بندر : وين كنتي .. كنت باقوم انا اسوي العشاء ..
رحاب : لا افا عليك يمه .. آمري بس وش تبين ؟؟
ام بندر : انا ماابي شي .. تعرفين اسوي ريجيم .. بس اخوك أساليه ايش يبي؟؟
رحاب : تآمرين أمر يالغاليه ..
أم بندر اللي توها ترفع عيونها من الكتاب اللي كانت تقراه : رحاب؟
رحاب : سمي ..
أم بندر : وشفيها عيونك ..؟؟ كنتي تبكين ؟؟
رحااب حااولت تخفي ارتباكها .. واول ماطرى على بالها نااصر حبيب اختها .. لكن اختفت هالصورة وظهرت بدلها صورة بندر أخووها اللي كل من في البيت يمشي على أمره ..
رحااب : لا يمه .. بس شوية تعب .. يلا بروح اعمل العشاء
طلعت من الغرفه وهي تتحاشى نظرات امها اللي مانطقت ولا بكلمه ..
كانت رايحه المطبخ .. لكن فجأه طلع من وجهها أبغض خلق الله على قلبها ..
بندر : خلصي العشاء بسرعه .. ابي انام
رحاب وهي داخله المطبخ : ...............
بندر : اذا كلمتك تردين مفهوم؟؟
رحاب : خير ,, تبي تهاوش انا مو رايقة لك الحين ..؟
بندر وهو معصب : لا والله ..
رحاب : خلاص اطلع برى وخليني اسوي العشاء ونفسي مفتوحه
ما مداها تخلص كلامها الا وتحس حراره في خدها ..
كف .. اعطااني كف .. ومين .. بندرر؟؟ .. حسبي الله عليه .. حسبي الله عليه..
بندر : ثاني مره ماتطرديني من مكان ياحيو.....
رحاب سآكته ... لسه مو مستوعبه الصدمه ..
دار هالموقف ومحد يدري عن الشخص اللي كان يطالعهم من ورى ..
حس بندر انه فيه احد متابع الموقف .. التفت بسرعه وشااف ذاك الجسد الملقى فوق الكرسي المتحرك ..
يطالع فيه بغضب ..
وكأنه يقول انا غضبان عليك ليوم الدين ..
بندر : يبه ؟؟.. ايش اللي مطلعك من غرفتك ..؟؟
لكن الصمت كاان الاجابه
رااح يبي يوديه غرفته .. لكن رحااب فزت من بين دمووعها وبعدت يده عن الكرسي ..
رحاب : لاتخلي يدك القذره تلمس كرسي ابوي ..
اخذت ابوها وطلعت من المطبخ ..
وبندر يطالع فيها من فوق لتحت : هه .. كلها كم يوم وتنطقين في بيت ناصر ..
...................
في بيت آخر .. في حي آخر ..
كان ملقى على الكنب .. عيونه نايمه .. لكن قلبه ما ذاق النووم من مده ..
رن جوواله ,, ضغط على زر بزي ورجع نام ..
رن مره ثانيه..
ايمن : اف .. رد على الجوال : نعم؟؟
: ايمن قوم ..
ايمن : نوف .. ايش فيك؟؟
نوف : رحاب
ايمن فز : وشفيها ؟؟
نوف : بتتزوج ..!!
ايمن الصدمه خلته مايعرف يتكلم .. انعقد لسانه .. وتحجرت الدموع في عينه .. وقع اللي كنت خايف منه .. رحاب .. تتزوج غيري ..؟؟ .. مين .. مين ..مين
نوف : ايمن .. ايمن
ايمن يتصنع البرود : نعم
نوف : اخووي انا جايتك الحين ..؟؟
ايمن : انا طالع . مع السلامه
نوف: لحظ .........
قفل ايمن الخط .. وحط الجوال بهدوء .. وهو يردد : دوااك عندي يابندر .. دواك عندي .. ووحده بوحده ..
غمض عيونه .. نزلت دمعه ماكانت بالحسبان ..
قام لبس اي شي قدامه .. واخذ المفاتيح والجوال .. وطلع وفي باله مليوون فكره شيطانيه ..
في بيت ابو بندر كانت الاجوااء متوتره عند الكل .. الا سااره
ساره كانت تحب اختها .. وتتمنى انها تتزوج عشان تنسى ايمن .. لكن ماطرى في بالها انها بتتزوج حبيبها .. ناصر ..
بعد ماسمعت اخوها يقول لرحاب ان زواجها بعد شهر من ناصر .. كرهت اختها بحجم ماكانت تحبها .. صارت تشوفها تشوف شيطان قدامها
كانت ساره عمرها 24 سنه .. متخرجه من الكليه .. وجالسه في البيت .. كانت متوسطة الطول .. شعرها عادي موب ناعم ولا خشن .. ملامحها جديه .. وتلبس نظاره..
آما رحاب كان عمرها 29 سنه .. مطلقه من ايمن .. انجبرت ع الطلاق من اخوها .. عشان كذا صار اكره الناس عليها .. معلمة رياضيات ..
رحاب كانت طويله نوعا ما .. ونحيفه .. وشعرها طوله متوسط .. وتصبغه دايم احمر .. شكلها حليووه .. وفكها اللي تحت كان متقدم شوي .. معطيها نوع من الجاذبيه ..
بندر : اخوهم الوحيد .. عمره 32 .. عصبي .. ويشوف ان اخواته بدونه بيضيعون ..هو المتحكم في العائله بعد اصابة ابوهم .. كان طويل ونحيف شعره مموج..
ويلبس نظاره زي ساره ...
ايمن : عمره 33 سنه ..زوج رحاب الاول .. وصاحب بندر في العمل سابقا .. تزوجوا وحبوا بعض .. لكن ايمن كان مهمل من جهة عمله فانطرد .. عشان كذا بندر طلق اخته من ايمن
غصب عن الاثنين .. وطلاقهم له حول ال 7 شهوور..
ناصر :عمره 34 ولد عم رحاب .. ساره كانت تحبه حب عذري .. حتى هو مايعرف .. مايعرف عن حبها الا رحاب اختها .. ناصر طلب رحاب من اخوها بندر .. وطبعا بندر
ماصدق .. لان ناصر شاب خلوق ومحبوب .. ووظيفته مرموقه ..
نوف : عمرها 27 سنه .. اخت ايمن الوحيده .. مره تحب رحاب .. واكثر من بكى على طلاقهم هي .. متملكه على اخو زميلتها .. طيبه مع الطيبين .. وشريره مع الاشرار ..
أبو بندر : في الخمسينات .. فقد النطق والحركه من خلال حاادث صار له وهو مسافر .. ويشوف الظلم من ولده على خواته .. لكن مابيده حيله ..
لايقدر يتكلم ولايتحرك .. بس يسمع ويشوف .. قمة التعذيب ..
ام بندر : في الاربعينات .. مثقفه .. جامعيه .. تحب تصير احلى وحده بين الحريم .. ودايم تقرا عن الريجيمات والكريمات ومواد التجميل .. تتكل في كل شي على رحاب ..
وتحب ساره اكثر .. وتدلعها اكثر ..
وباقي الابطال رح تعرفوهم من الروايه..
.................
رن جرس بيت ابو بندر ..
ساره : مين؟؟
: افتحي .. انا صاحب بندر ..
ساره : دقايق اناديه ..
راحت تنادي اخووها اللي فز بسرعه لما درى انه عمار جاء .. نزل من الدرج .. شاف رحاب في الصاله تحضر دروس بكره
بندر : سوي قهوه عمار جاء..
رحاب : مشغوله .. وبصوت واطي : اصطفل انت وخويك..
بندر وهو طالع الحوش : 5 دقايق لو ماوصلت القهوه بتشوفين شغلك ..
رحااب ترمي القلم من يدها : اف ..
وقامت تصلح القهوه ..
بندر فتح الباب : هلا والله بأبو ...
طراخ
كف على وجه بندر
بندر سكت وهو فاتح عيونه وفمه ع الآخر ..
طراخ
كف ثاني
استوعب بندر .. ورفع يده .. ودخل في مضاربه مع الضيف المجهول ..
رحاب كانت تسوي القهوه وهي تغني:
يازمان العجايب ايش بعد ماظهر
كل ماقلت هانت جد علمٍ جديد
ان حكينا ندمنا وان سكتنا قهر
فجأه لفت اتنباهها صوت الصرااخ اللي طالع من الحوش
رحاب : وشفيهم ذوول ..؟ بجد عرابجه ..
لكن استغربت لما سمعت الالفاظ اللي قاعدين يقولونها ..
: اطلع برا .. لاعد تدخل هالبيت
: ياواطي .. انا اربيك ياكل..............
رحاب شهقت بعنف .. هذا صووت أ .. أيمن
طلعت بسرعه اخذت لها طرحه من غرفة الجلوس .. وطلت من باب البيت اللي يودي ع الحوش ..
لقيت اخوها وايمن في معركه طاحنه .. والدماء تغطي ملابسهم
قادتها رجلها لموقع الحدث .. وقامت تفارع بينهم لا شعوريا .. كانت خايفه .. موعلى اخوها .. بالعكس كانت تتمنى يموت في هالمضاربه ..
لكن كانت خاايفه على ايمن ..
رحااب عصبت : خلاص انت وياه
الكل سكت
ايمن يطالع .. حبيبة قلبه .. عيونه بوسعها مبققه فيها .. آآآه ماتغيرت .. نفس العيون .. نفس الطول . نفس الجسم .. والصوت بعد
قطع عليه احلامه الورديه صوت بندر
: انتي اش مطلعك ياكلبه ..طراخ (كف)
رحاب طااحت ع الارض
قمة الذل .. قمة الاهانه .. قمة الاحراج .. قمة الكره .. قمة الالم .. كانت تحس بكل هذي الاشياء
جاها كف .. وقدام مين .. حبيبها .. وطليقها .. واللي عمره مارفه يده عليها ..
من الاحراج مادرت انهم رجعوا يتضاربون مره ثانيه .. ايمن صاير زي الاسد الهايج .. بعد ماشاف محبوبته تنضرب وتنهان قدامه ..
ضرب بندر ضرب .. محد قد انضربه بحياته .. ضرب نساه اسمه .. كان ايمن اطول من بندر واعرض .. وهذا اللي ساعده على اشباعه بالضرب ..
كل شي يهون .. الا ان رحاب تنضرب قدامه ...
بعد ماحط حرته فيه .. التفت لمكان رحاب .. لكن لقيه فاضي .. آآآآه ليه دخلت .. كنت باخذهاا معااي واهرب ..
جلس يتأمل باب البيت على امل انها تطلع مره ثانيه .. لكن للاسف خاب ظنه ..
طالع في بندر وهو يأن من الالم .. طالعه فيه بنظرة احتقار
ايمن : زوجها من غيري وتشووف .. والله لاخلي جنازتك اليوم اللي تتزوج فيه ..
طلع ايمن من الحوش ...
محد كان يدري ان ساره تابعت كل الموقف من الشباك .. فرحت لان رحاب انضربت .. وفرحت ان اخوها انضرب .. عشان يرجع رحاب لايمن .. ويرجع لها ناصر..
وفي وسط افكارها جاتها فكره جهنميه ..
بندر كان يتقلب في الحوش .. محد درى عنه .. الا رحاب وساره .. والثنتين يكرهونه .. ويدعون انه يمووت في هذا الموقف ..
.
في احدى الشركات كان جالس ع الكرسي
يطقطق ع الكمبيوتر
رن جواله .. رقم غريب ..
:غريبه من بيدق في هالوقت .. (وهو يناظر الساعه اللي كانت 4 ونص العصر )
رد على الجوال : آلو
صوت بنت : السلام عليكم
: عليكم السلام
: ناصر..؟؟
ناصر : ايه .. من معااي ..؟؟
:انا رحاب ..
ناصر بخوف: ايش فيك رحاب .. صاير شي..؟؟
:ايه
ناصر وهو يقوم من الكرسي : ايش صاير ..؟؟؟
: ايمن كان عندي .. جاء عندي ومحد يعرف .. وفجأه دخل علينا بندر .. واتضاربوا هو وايمن .. والحين بندر طايح في الحوش ..
ناصر من بعد ماسمع ايمن كان عندي .. ماسمع الكلام الباقي .. ثارت شياطينه .. ايش الوقاحه هذي .. متصله علي وبكل وقاحه تقول ايمن كان عندها
انتبه على صوتها وهي تقول : ناصر الله يخليك تعال خذ بندر المستشفى ..
قفل الخط بوجهها .. واخذ جواله وطلع من الشركه متجه لبيت عمه ابو بندر .. والشياطين لاعبه براسه لعب
يبي يروح يذبح رحاب ويشرب من دمها ..
....
اذا شفت تفاعل رح انزل البارت الثاني
لقلوبكم