آحلى ايام العمر الملكه ولكن

1. السلام عليكم و رحمة الله و بركاته


2. بدخل بصلب الموضوع ع طول


3. عارفه إن كل الأمور بيد رب العالمين لكن لابد من الأخذ بالأسباب !!


4. و من مبدأ ما خاب من استخار ولا ندم من استشار ..

السلام عليكم و رحمة الله و بركاته

بدخل بصلب الموضوع ع طول

أنا الآن بسنه ثالثه جامعه طالعه لرابعه ان شاء الله .. و الآن الحمد لله مخطوبه و شهر 11 راح اكمل سنه طبعا ماني مصدقه بس بجد بجد مرت بسرعه .. و ماني مستعجله ع الزواج و اصلا أنا كنت ما ابغى اقبل فيه إلا بعد الجامعه بس لأنه ما شاء الله اتقدم فوق 5 مرات في وقت قصير عشان اوافق آخر شي أهلي شافوا إني اوافق لأن الرجال ما ناقصه شيء و شاري ..
و كان اتفاقنا معاه هو و أهله إن الملكه تصير بشهر 3 بالاجازه بين الترمين سنة 1433ه إن شاء الله و الزواج بالإجازه الكبيره .. بس سنه خامسه راح تكون سنة الامتياز و راح أطبق إن شاء الله في المستشفى بعد اجازه اسبوع من بعد سنه رابع !!
طبعا هالأمر اتضح لي لما جلست مع بنات رابع و سألتهم و قالولي و هذا كله بعد اتفاقنا معاهم !! طبعا كلمت أمي على الفور تكلم أهله إن مافي زواج بالإجازه لأن سنة الامتياز مو هينه 12 شهر دوام كأني موظفه خلاص يعني كل يوم من الساعه 8 الين 4 العصر اتوقع ما عدا الخميس و الجمعه و لأن مافي اجازه زي الخلق بعد رابع كلها اسبووع ..
و أنا وحده ما أحب الملكه اللي تطول و لا أحب الملكه القصيره !!

عارفه إن كل الأمور بيد رب العالمين لكن لابد من الأخذ بالأسباب !!

هو عصب لما عرف إني ما ابغى الزواج يصير بالإجازه الجايه و يقوول أنا مستعد للزواج بأي لحظه و أنا موافق على كل كلامها بس الملكه لا تغير وقتها يعني تكون تقريبا بشهر 3 السنه الجايه إن شاء الله ..
يعني راح تكون لمدة سنه و نص تقريبا الملكه << أحسها مره طويله لأن كل اللي اتزوجوا حولي قعدوا اسبوعين بالكثير و اتزوجوا ما شاء الله بس أنا مو مع إن البنت تنخطب و تنام و تصحى و تلقى حالها مع رجال غريب عنها تماما لا اتعودت على طباعه و لا اسلوبه
و قاعده اسمع كلام زي البلا اللي تقول أمكن يموت و تترملي من بدري عشان متغرب عن اهله و يزورهم بين الوقت و الثاني و اللي تقول حيطفش منك و اللي تقول الملكه الطويله ما تنفع عششان ..... كلام ما ينقال
أنا مشاعري ملخبطه أقوول يا بنت آحلى ايام العمر لا تضييعها حب بدون مسؤوليه قاعده ببيت اهلك و يدللك و في نفس الوقت تجهزي نفسسك لأن لازمني أشياء كثيره اسويها فيا و كمان اخلص سنة الامتياز وهو كمان يكون خلاص اتخرج من الجامعه و كمان نخطط لأثاث البيت سوا

و من مبدأ ما خاب من استخار ولا ندم من استشار ..

شوريني و تخيلي ان الأمر هذا صاير معك ايش ممكن تعملي بحكاية فترة الملكه ؟ وليش و بليز ركزوا ع ليش لأنها هي اللي بتفرق معي و الحلوه اللي تحس حالها ما تقدر ترد تسوي اب للموضوع الله يسعدكم جميع و يحقق لكم مرادكم
;
ا للهم لك الحمد كما ينبغي لجلال وجهك و عظيم سلطانك