آله لف ورق العنب روعه

هلا فراشات حبيت افيدكم
بها الموضوع
بصراحه شريت اله لف ورق العنب من فتره وماندمت
لانها اكثر من رائعه
لفها متناسق جدا ومرتب
وروعه
انا شريت اللي تجي مقاسين في الطول وثلاث مقاسات في الحشوه
في الطول قد الخنصر والطول الثاني قد السبابه
بقيمه 30 ريال بس تنباع باماكن ثانيه15ريال وابد ما هي خساره
تجهزين الحشوه المكونه
من نص كوب رز مصري مغسول وبصله مفرومه وفص ثوم وحبه طماطم كبيره
وممكن ملعقه من معجون الطماطم او الاستغناء حسب الرغبه
وعصير ليمونه وربع كوب زيت وتمر هندي منقوع في فنجان
وملح على ذوقك والقليل من ملح الليمون
حزمه كزبره +حزمه بقدونس مفرومه
الطريقه
تحمسي البصل في زيت الزيتون ثم تضيفي الثوم وممكن القليل من الكمون والقليل من الفلفل الاسود
والطماطم والرز وتحركيه مع ربع كوب مويه ساخنه
واذا جفت السوائل ضيفي الليمون والتمر الهندي والبقدونس والكزبره
وطفي النار
اتركيها تبرد شوي
جهزي ورق العنب وقطعي العناقيد اللي بالطرف
وابداي بااستخدام الاله اللي تحتاج منك تبلي السير
وبعد كذا تحطي الحشوه وتسحبيها وتنزل لك الورقه ملفوفه على حسب المقاس والطول اللي اخترتيه
الاله شكلها اقل من عادي لكنها جدا تسهل عليك العمل
وتخلصين العلبه بثلث الى نص ساعه خصوصا اذا كنت مجهزه كل شيئ
اسالي البائع عنها وهو يشرح لك افضل مقاس الثاني والثالث
عشان تكون الورقه حلوه وتحسين بطعم الحشوه
ابداا ما رح تنفرط الحشوه ولارح تتكسر معاك الورقه زي بعض البنات مايقولون
بعد ما تخلصي الحشوه رصي ورق العنب بقدر يكون فيها اول طبقه طماطم والثانيه بطاطس
وبعد ماترصي ورق العنب
ضيفي نص كوب زيت زيتون وكوبين ونص مويه مذوب فيها مكعبين ماجي
وبعد ما يطبخ معاك ورق العنب بنص ساعه ضيفي عصير الليمون على حسب رغبتك
بس اذا بتحفظينه اكثر من ثلاثه ايام لاتخلينه كثير حامض عشان ما يخمج طعمه ويتغير
لا تفتحين عنه القدر الا بعد مايبرد تماما
عشان مايسود
يطبخ مده ساعه واحده فقط الى ساعه ونص لو كانت الكميه كبيره على نار جدا منخفضه
وبالعافيه عليكم
اتمنى افدتكم