أبي أكمل دراستي بس ماأدري وين

$أم زيد$

11-09-2022 - 06:56 am

مرحبا يابنات
داخلة على الله ثم عليكم أنكم تساعدوني.........
أني توني السنة متخرجة من كلية المجتمع بدبلوم علوم الحاسب طبعا للحين ماستلمنا الوثائق........
وأبي أكمل دراستي بس ماأدري وين؟؟
اللي أعرفه أنه في جامعة الملك فيصل والجامعة العربية
أني سبق ونزلت موضوع عن الجامعة العربية وشفت فيه ردودكم بس دراسة الحاسب أساسا انجليزية
بغيت مساعدتكم أني محتارة حدي بين جامعة الملك فيصل والجامعة العربية وماأدري وين الأفضل والأحسن
بليز بنات رجاء حار اللي يدرس واللي يعرف أحد يدرس يسأل وردوا عليي ترى أنتظر ردكم ........
لاتخيبوني

التعليقات (9)

$أم زيد$

11-09-2022 - 10:13 am

ردوا بسرعة الله يعافيكم

الخبــ ريم ــر

11-09-2022 - 11:14 am

مرحبا أم زيد فديتك..
الرأي راجع لك أخيراً
بس أنصحك بجامعة فيصل .. أضمن لك ..
لأني أنا من شهر مضبطة أموري على إني بدخل الجامعة العربية المفتوحة و سددت رسوم التسجيل ..
بس بعدين ترددت .. لأن ما في استقرار أبد .. و لما ينقلون المبنى الرئيسي بيكون بعيد مرة علي .. و زادوا تكلفة مواد التخصص .. و فوق هذا مافي مساعدات أبد .. يعني فيه رسوب لأنه من صالحهم تعيدين السنة عندهم ...
ليه ما تجربين تاخذين منحة و تكملين في جامعة الأمير محمد بن فهد بالهافمون ... يدفعون لك تكاليف الدراسة ...
و بصراحة الجامعة العربية حلوة مرة بس إنها وهقة يعني .. يوم يقولون شي و بعده شي ثاني ..
و برضو حلو فيها ... إن دوامها يناسب المتزوجة ,, لأن وراها مسؤوليات ..
الله يوفقك و يسدد خطاك ,, و تنالين أعلى الدرجات ... و يحفظ لك كل غالي

butterfly pink

11-09-2022 - 12:15 pm

انا بعد كنت محتاره بين الجامعه المفتوحه وجامعة فيصل
وسجلت في الجامعه المفتوحه ودفعت الرسوم بس ترددت كثير لان الدراسه بالانجليزي
وبعد عندي بنت خالتي تدرس فيها وتقول المواد الاساسيه والمواد الاختياري سهله وتقدرين تعدينها
بس مواد التخصص مره صعبه .. تخيلي انها صارت تاخذ ماده وحده بس في السمستر(من زود الصعوبه )
وانا طبعي اجتماعيه كثير واحب اني ادرس مع بنات ودراسه منتظمه والجامعه المفتوحه مافيها إلا بنات قليل كثير لانهم مايحظرون المحاظرات
وترى الثنتين المفتوحه وفيصل مايعادلون لك إلا مواد قليله
يعني شهادتنا ماتنفع كثير
وإذا تفكرين تدخلين جامعة فيصل السمستر الاول لهذي السنه
لازم تختبرين اختبار قدرات
وانا اختبرت وانشاالله بدرس هالسمستر
والله يوفقك

$أم زيد$

11-09-2022 - 01:16 pm

طيب تسلمو حبيباتي الله يحفظكم
خريجات الدبلوم بعد لازم اختبار قياس؟؟
اتمنى تردي عليي

butterfly pink

11-09-2022 - 02:17 pm

اي لازم اختبار قياس
لان وحده راحت تسأل عند الجامعه
وقالو لها سجلي حالك حال خريجة الثانويه وبعدين نعادلك المواد

$أم زيد$

11-09-2022 - 03:18 pm

لا لاتقولي كذا
بصيح

$أم زيد$

11-09-2022 - 04:19 pm

مشكورة خيه
بس كنت حاطه عيوني على الفيصل
وف الحين من وين أجيب القياس
الله يهديهم يصعبوا علينا السالفة
الله يوفقش حبيبتي وتسلمي

$أم زيد$

11-09-2022 - 05:20 pm

طيب ريم حبيبتي آسفة أزعجتكم معي
الجامعة العربية متى يبدي تسجيلهم؟ووين الفرع اللي بينتقلوا له
ردي عليي بسرعة يالغالية لأني خلاص ضاق خلقي

الخبــ ريم ــر

11-09-2022 - 06:21 pm

هلا أم زيد ...شوفي اليوم كان المفروض يبدأ التسجيل الرسمي .. و لكن من شهر و هم يسحبون فينا ....
و قالوا لنا السبت الجاي آخر كلام ...
مثل ما قلت لك بالموضوع السابق .. ادفعي الرسوم بسامبا .. و احتفظي بالايصال .. و سجلي يموقع النت .. و احفظي عندك رقم الطلب
و يوم التسجيل جيبي معك .. صور من :
الجواز , كرت العايلة أو بطاقة الأحوال , صور شخصية ملونة , شهاداتك , إيصال البنك , رقم الطلب على النت ,,,
استفسري على هذي الارقام
038020193
038020194
و الله يوفقك,,

معلومات عن التسجيل بكليه اعداد المعلمات←
كلية اداب الدمام→