أبي حبيبي وأبي أطفالي وزوجي متعبني

أخوآتي ..سأكتب قصتي التي لم أعد قآدرة على كتمآنهآ ..أريد موجه..
أريد آلمشوره منكم ..
أنا فتاة أبلغ من العمر اثنى وعشرون ربيعآً..متزوجه ولدي طفلآن أحبهمآ حباً جمآ..
أنا متزوجه منذو سبع سنوآت وعمري الان 22 عآما عمر الزهور ..
زوجي يكبرني ب ثلاثة عشر عآما..
سأتحدث بالعآميه ..لاني لا أجيد كتآبة القصص..
تعبت كثير مع زوجي بحكم الفارق السني اللي بيننا ..
يعاملني مثل معامله الاب لبنته والله يابنات مرات كثيره
أشعر باني واقفه امام والدي ..تزوجته صغيره بالعمر وهو كان متحكم بي
ويملي علي اشياء كثيره حتى لو ما كنت أبيها وكنت أسكت لاني كنت
اشوفه صح وأنا الخطأ.
استمرت الحياة أنا كبرت وصرت افهم الدنيا زين وبحكم إني وقفت تعليمي من تزوجت
فقررت إني ما اوقف هنا لا سعيت وأجتهد بتحصيل ثقافه وعلم صحيح مو بشهادة
ولكن عن طريق الكتب والنت بعد كثير تعلمت منه ..والحمد الله الآن
والله أنه يشار لي بالبنان أحاور اناقش وكآن الفضل الكبير لله ثم
لشيخ الدكتور محمد العريفي والعلامه الشيخ الدكتور عائض القرني..في تطويري
زوجي هنا اشعر بانه فخور من الداخل ولكن المشكله فانه صار عصبي
ويشوف أني صرت افضل منه وغير كثر شعر اني ما عدت تحت جناحيه
يتحكم في مثل قبل لاني صرت أقول كلمتي وحتى هو ما عدت اخاف منه مثل
قبل ..
زوجي قاسي عاطفياً معي ..عنده ببيته أجمل نساء الدنيا وهو والله مو مهتم
مع اني كثير دلوعه وانثى وكل من شافني يمدح
غير كذا اخلاقي والله الكل ..حتى اهله يمدحون فخلاقي ويحبوني
وعمري على كثر ما يزعلون اهله ويهاوشون مااذكر اني زعلتهم لو بكلمه بالعكس اكسبهم
لاني اشوفهم مثل اهلي وهو من داخله اعرف انه مستانس بس ما يبي يقول ,
يقولي تزوجتك لانك بس جميله ابي نسلي يجون كلهم جميلين بمووت من كلمته هذي
والله تعبت من زوجي ليه كل هذا
ليه انا مااستاهل انه يدللني ويقولي اجمل الكلام وارق العبارات ..والله لما اقرأء
لبنات هنآ بالمنتدى أغبطهم واتمنى ان زوجي لو بس يرسلي مسج بالجوال
ياما وياما ارسلت والله ما اشوف منه غير الجفا
ياما سهرت وتعبت عليه ولا كلمة شكراً قاسي بما تحويه هذه الكلمه ,
بس كريم اللي بيده والله ماهو له أنا ادري انه يحبني بس هو ما يقوول ,
أصابت علاقتنا فتور ..وانا لسه صغيره ومحتاجه دلع ودلال وحنان
في يوم من الايام كنت بمكان عام
وكنت جالسه اتأمل أطفالي وهم يلعبون ..
شفت خطوات رجل تقرب مني ولكني تجاهلت وما التفت
قرب مني رجل عريض وطويل وأشباه اشباه الرجل العربي ..مدري شعرت
بأن قلبي اهتز ..وانتفض والله اول مره اشعر بهالشعور
قالي كلمتين ومشى ..وشوي رجع وقالي هذي ارقامي العامه وباسمي انا وهو رجل معروف ..
ناظرته بنظرات المحتاجه والله اني تمنيت بلحظتها احضنه مع اني ما كنت اعرفه ولا شيء من شده حاجتي لحضن يلمني تعبت من الجفا
رجعت بيتي وانا مازلت مذهوله ..خليت كل شيء طبيعي
وجلست اسبوع وانا كنت متردده باني اكلمه لحد ما قررت ورفعت سماعة تلفوني
ودقيت عليه ..لما راح زوجي الدوام ..معه شعرت بأني انثى استثنائيه ..
دللني ودلعني ناداني باحب الاسماء ..قالي اللي عمر زوجي ماقاله لي
حبيته والله حبيته ونسيت زوجي وشعرت وقتها اني زوجي اقل بكثير من
اللي استحقه انا ,مع اني كنت اعزي نفسي باعذار انه ماهو مهتم بي عشان
ما يعاقبني ضميري بسبب الخيانه
حبني حب كبير وعظيم وصرت بعينه أجمل انثى ..يقولي صرت اشوف
كل انثى امامك والله ذكر من كثر مابك من دلع وحنان
استمرت علاقتنا شهور طويله ..والله يابنات اني مابيوم التقيته برى
وغير بالتلفون هو حاول يبي يشوفني وانا رفضت
خفت , وما كنت ابي اخون زوجي واهلي بخروجي معه
خفت نمارس الجنس مع اني اموت عليه والله اني احبه وقبلها خفت
من رب العالمين ..
هو مو مثل شباب هاليومين مع انه بالعمر قريب من زوجي بس الفرق كبير
وشتان ما بين وبين
وانا كم حطيته باختبارات وينجح فيها
صادق معي ما يعرف يكذب
سالته عن اول مره التقاء بي فيها قلت شلون سويت كذا
حلف لي انه مو من طبعه انه يسوي كذا بس يقول جذبتيني
وفعلا لو قالوا الحب من اول نظره
يقول جلستك جلسه انثى منكسره
اهملت زوجي وما عدت اهتم به مثل قبل
مدري وش اسوي محتاره بين بيتي واطفالي
وبين حبيبي
ابي حل ابي مشوره
بنات بكمل لكم قصتي والاحداث اللي صارت لي مع زوجي بالعيد
بس الان بتوقف لاني ماعدت قادرة على الاسترسآل ..
أختكم يتيمه بحبها..