أبي مشورتكم

أخواتي أختي عندها مشكله كبيره مع زوجها من بداية زواجهم الذي له 27عاماوهي العلاقات المحرمه وفي كل مره ينكروتنتهي بزعل يوم أو يومين وبعدها يصالحها بأي شي تافه المهم أستمر الوضع على ماهوعليه ويوم ربي أنعم عليه بالمال تطور إلى السفر خارج المملكه لوحده وعندما يطلبون عياله بأن يمشيهم يرفض رفضا تام ويقول أنا ماأحب التمشيه ولايوديهم حتى داخل المدينه اللتي نسكنها وتارك كل المسؤوليه على أختي ولا يدري عن شى وقبل ثلاثة أعوام دخل حرمه في غرفة نومها عندما كانت أختي خارج البيت المصيبه أن أمه وبنته هن اللي أكتشن دخول الحرمه عنده علما أن الحرمه كبيره بالسن فوق الخمسين وأختي بالثلاثين وزوجها أربعين وعندما علمت أختي تركت البيت شهرين وحاول يرجعها بكل الطرق وضيق عليها حتى بالمصروف علما إن أبنائه كلهم أختاروا أمهم وبعدين رجعت له وقبل عام أكتشفت أنه مطلع دفتر عائله جديد غير اللي عند أختي ويسافر إلى جده أسبوع أوأسبوعين ويستاجر بأسمها شقق مفروشه وطبعا معه حريم وعندما علمت أختي بذلك قررت بأن لايعاشرها أبدا وتعيش معه عشان عيالها فقط وطلبت من ولدها الكبير يبلغ أبوه بذلك وفعلا تم بس زوجها كل شوى يحاول يكلم ولده كلم أمك نرجع كما كنا وقال أنت يابوي ماسويت شى يثبت توبتك وندمك على فعلك قال السفر بسافر والكلام اللي تقوله أمك غير صحيح علماأن أختي جابت له صورة عقود الشقق المفروشه اللي بأسمها المهم الكلام كثير في هذاالموضوع وأختي ماقصرت معه أبد وتحملت تقصيره معاها وتحملت وجود أمه في نفس البيت رغم لسانها السليط على أختي دائم أخواتي أحب أن أذكر لكن أن أختي تلبس وتتجمل له لكن ماشافها شى لأن حب الحرام مغطي عقله ودائم أختي تنصحه وتذكره بالآخره لكن لاحياة لمن تنادي أخواتي مالحل برأيكم هل تطلب الطلاق أم تبقى على حالها؟؟
علما بانها غير موظفة وان خرجت من بيته لن يصرف على ابنائه!
افيدونا جزاكم الله خير
وارجو الدعاء لها بإصلاح شأنها..