أبي نصيحه منكم ياالفراشات الله يفرج هم إلي تدخل وتساعدني

1. وياليت تساعدوني بحل مشكلتي وهل تصرفاتي لهاذنب كبيرعند رب العالمين


2. لأني خايفه من الله سبحانه وتعالى ومن سخطه

السلام عليكم ورحمه الله وبركاته
حبيباتي الفراشات في البدايه أحب أقلكم إني أحببتكم في الله

وياليت تساعدوني بحل مشكلتي وهل تصرفاتي لهاذنب كبيرعند رب العالمين

لأني خايفه من الله سبحانه وتعالى ومن سخطه

أنا تزوجت بعمر 17سنه من رجل ماشاء الله تبارك الرحمن أخلاق عاليه محد يشوفه إلا يحبه رجل بمعنى الكلمه عشت معاه ثلاث سنوات وحياتنا جنه بفضل الله تعالى وبعدها جانا قلقل تأخر الإنجاب وجلسنا نبحث عن السبب فطلع المشكله من زوجي أسأل الله العلي القدير أن يشفيه فهو القادرسبحانه وأنا أثق بقدره الله سبحانه وتعالى لأن عندي يقين أن مابعد ضيق إلافرج ومهما قالوا الأطباء فالرزق عند الرحمن الرحيم ولاكن المشكله إني بعد مادريت تغيرت شخصيتي مع أهل زوجي وزوجي صرت أبغى زوجي لي لوحدي ماابغاه يزورهم ويكلمهم كثير صرت أطلب منه إن أي موقف يسوونه معي يعصب عليهم ويزعل ويقول إلي مايحترم زوجتي مايحترمني وأحس اخواته بدأو يكرهوه وهم مادرو إن أنا السبب أنا إلي أحرضه عليهم وهوه مسكين من حبه لي مايقدر يوقف في وجهي يخاف يخسرني وبصراحه أهله مايسألون عني ولا يبغوني في جمعاتهم وإذا رحت معهم مكان يطنشوني ولا يتكلمو معي فأظطر إني ماأخرج من البيت ولااحظر عزايمهم عشان تعاملهم وأنا والله عمري ماجرحت وحده فيهم بلعكس مادري وشفيهم علي بس بعد مادريت إن زوجي مايجيب عيال حسيت إني كرهت تصرفاتهم قلت بدل مايوقفوا معي ويسألو عني ويحتوني لاني صابره على أخوهم رغم إن الكل يتكلم عن جمالي ورقتي ولسى صغيره لاكني وفيه وماقدرت أتخلى عنه يجون يكافؤني بالتطنيش كأنهم يقولون لي محد طلبك تجلسي كان تطلبي الطلاق
حتى والله لماأسمع بعزيمه عندهم يضيق صدري ماأبغى أروح وأقول لزوجي كان وقفتهم عند حدهم خليتهم يجلسوا معي غصب وصرت امنع زوجي يروح لهم أقله أوقف معي أحس إني أبغى أبين لهم إن صحيح ماعندي أطفال بس عندي زوج يحبني ومايرضى إن أحد يزعلني ودايم اطلب من زوجي يعطيني كلمات اللحب قدام أهله لأني ماأحب نظرات الشفقه ماأبيهم يحسون إني محرومه من الأطفال والحب وكل شئ أنا والله طيبه وأتمنى لهم الخير لاكن في نفس الوقت أتضايق من تصرفاتي وأحس إني موأنا بس مأثر عليه موضوع الإنجاب ياليت تنصحوني ومادري إلي اسويه يغضب ربي
أنا أخاف من الله وأسأل الله إن الله يسامحني وبعض الأحيان أفكر إني أخليه يرجع لخواته بس أخاف يقولو أكيد مل منها وعرف إن الحق معنى والمشكله تنعكس على تصرفاتهم معي لأن لو رجع يسولف ويمزح تغيرو معي وأحسهم يطنشوني وبقوه بعد الله يجزاكم خير تكلمو معي مثل أختكم وجاوبوني وش اسوي وأدعولي دعوه في ظهرالغيب وأنصحوني الله يجعلها في موازين حسناتكم يارب