أتحداه وراه وراه لين أوصل

السلام عليكم ورحمة الله وبركاته
كيف حالكم ياجماعه إن شاء الله تكونون بخير
انا بصراحه مااقدر اقول عني نفسي عضو جديد لاني كنت بينكم دايما اتابع مواضيعكم ولأني احب اتصفح اكثر مما اشارك
لكن اليوم انا جيت لكم حتى اتساعدوني لاني تعبت وايد من وزني
لما كنت بالمدرسه وكان عندنا حصص رياضه كنت استحي أوزن وبس نغير ملابسنا ونلبس ملابس الرياضه اتفشل واضل طول الوقت انزل في التيشيرت حتى بس لا اتبين اردافي
طبعا مافي مجال أخبي شي غير هذا ومن انا في ابتدائي والبنات يقولون عني حامل لانه بطني كبير
ولما اروح مكان يقولون لي اتسندي يابنت يسون لي مكان يفكروني حامل وانا اتحطم من الداخل مع اني كنت بعدني بنت
مااتذكر كم كان وزني بس اللي اعرفه كنت ازيد وانقص جسمي قابل للتغير بسرعه
يوم وصلت ثانوي وصل وزني في الثمانين
وفي اجازه من إجازات الصيف طول ثلاث شهور كنت اخفف أكل اشوي وامشي يوميا حسيت وزني نزل وايد لانه ملابسي صارت واسعه علي...
لكن الحين للأسف ملابسي هذي ولا فيها شي يدخل علي غير هذا يجيني احباط اذا رحت السووق مااحصل شي مقاسي واذا حصلت شي واسع احسه مو امرتب علي
لحد مااتزوجت صار وزني 111 وحملت في الحمل الحاله مأساويه تعبت وايد وزني ضل ينزل لاني وحمي صعب مااقدر أكل شي نزل وزني الى 104 في خمس شهور
لحد ما ولدت والحين صارلي 5 شهور من ولدت ووزني وصل 107 من اسبوع وانا اسوي رجيم بس حاليا الظروف ماسمحت لي اسوي رياضة المشي لانه زوجي يرجع متأخر من الشغل وتعبان مايقدر يمشي معاي قلت انتظر لحد مايخلصون خواته امتحانات ويمشون معاي
وسمعت عن الزنجبيل انه ينحف والحين ابتديت اشرب كاس زنجبيل طبيعي مبشور على الريق وكاس قبل ماانام ..
وطبعا سمعت انه وحده نحفت على زيت الزيتون والزنجبيل كانت تبشر الزنجبيل واتحط معه زيت الزيتون واتحطه على النار لمدة 10 دقائق لحد مايغلي وبس بعدين اذا برد تستخدمه وتلبس بدلة السونا لانها اتخلي الجسم يعرق واتسوي أي رياضه تعجبها تمارين او مشي يقولون اتنحف حيل وانا ناويه اجربها من وقت ماابتدي أمشي .. وادعولي أنحف يارب
حاليا وزني 105
وطولي 160
هدفي اني اوصل 60 كيلو ان شاء الله
ابي انزل في الشهر 15 كيلو ورااح استمر عليه لحد ثلاث شهور وان شاء الله كلكم يابنات تنحفون معاي وأبي تشجيع
مااقدر استمر بروحي
في البيت كلهم يحبطوني ويضحكون علي لاني مسويه رجيم
مافي احد يشجعني
يالله ياصاحبات الأوزان الثقيله ابتدو معاي رجيم+مشي
عشان نوصل للرشاقه
يالله كل يوم بنسجل شنو اكلنا وأي رياضه سوينا عشان كل وحده اتشجع الثانيه
أختكم يقين