أج واء الملكة

اهلين ياقلبي اذا انتي بالشرقيه بجاوب على الي اقدر عليه
بالنسبه للعصير الاحلى بدون مصاص
اذا كانت الكاسات عاديه
كاستين
ونوع العصير انتي الي تحبينه وهو الي يحبه
والكاسات انا توني اخذت كاسات من سيتي بلازا نفس لون فستاني لان ملكتي بعد شهر
الدي جي طبعا يكون عند المعازيم
تكونين بالصاله العشا كويس
وبالنسبه للبس الفستان
اذا الفستان اذا لبستيه بيخرب المكياج او التسريحه البسيه بالكوفيرا
واذا مايخرب اتركيه بالقاعه ولما توصلين البسيه
وخليك بالغرفه
اذا جات المصوره هو يدخل عندك وخذو لكم كم صوره حلوه
بعدين انتي انزفي على اغنيه حلوه
وهو ينزف مع اخوانك وابوك يعني الي يدخلونه اخوانك وابوك واوبه هو
سويله طبعا زفه حلووه
واي شي تبينه انا حاضر
انا لحالي ماعندي خوات وانا الي بجهز لنفسي
وانا من الدمام وملكتي بعد شهر
تحياتي

مرحبا يالغاليه اول شي الله يوفقك ويتمم لك على خير ان شاء الله
انا كانت ملكتي وشبكتي مع بعض في يوم واحد قبل شهر سويتها في استراحه صغيره وجبت محل ورود وصلح لي كوشه تجنن وسوالي ديكور ورد طبيعي على طاولة الكيكه وسويت الكيكه ثلاث ادوار صغيره وسويت شريط خاص زفه للمناسبه هذي والعصير اتفقت مع محل للعصائر الطبيعيه وسوالي في نفس اليوم العصير للأهل ولي بس انا كانت الحفله مختصره على اهلي واهله وبعض الاقارب المهمين مره وسويت العشاء بوفيه مفتوح بس 20 شخص يعني كل شي كان مختصر اول شي جوا المعازيم وكانت بنت اختي هي المسؤوله عن الاشرطه والاستريوهات والتصوير يعني ماحبيت اجيب مصوره من برى وبعدين رحت للأستراحه الظهر وسويت بروفه بسيطه وشيكت على الشغل والديكورات بنفسي بعدين طلعت للمشغل وكان زحمه شوي سويت شعري كيرلي بسيط ومكياجي كان مره سمبل باللون الذهبي لأن فستاني كان ذهبي ومعاي مسكه نعومه وبسيطه وبعدين جيت للاستراحه وكنت في غرفه لحالي ولما جوا اهله استقبلوهم اهلي واخواتي وكانوا حاطين شريط ترحيب روعه وبعدين لما ضيفوهم انا انزفيت للمجلس اللي جالسين فيه الحريم قبل يجي خطيبي على زفة اغنيه بس والله مااذكرها بعدين سلمت عليهم وجلست شويه عندهم وطلعت رحت للغرفه وبعدين اخواتي طلبوا من اهله يروحوا للمجلس اللي فيه الكوشه ولما وصل خطيبي دخل على زفه حلوه وسلم على اهله وعلى امي وجلس في الكوشه بعدين دخلت انا على شريط الزفه تبعي وجلست معاه في الكوشه بعدين لبسني الدبله وبعدين الشبكه لأني ماكنت لابسه لا ذهب ولا اكسسوار وبعدين رحنا قطعنا الكيكه وكانت بنت اختي تصور فيديو وبالكاميرا الديجيتال الكاسات كنت سويتها عند محل الورود وسوالي فيها ديكور يجنن بالورد الطبيعي وبعد العشاء كانوا اخواتي مسوين خمس انواع توزيعات مختلفه من غير الورود اللي توزعت على المعازيم وكنت مسويه اوتوجراف عباره عن دفتي باللون الترابي مكتوب عليه من برى اسمي واسمه ومحمول على ستاند خشبي معمول عليه ديكور بالتل الذهبي والورود الطبيعي والحمدلله كانت حفله بسيطه وانيقه واتمنى اكون افدتك ياقلبي ادعي لي يالغاليه ان ربي يوفقني مع زوجي .. غاليتي لاتنسي(( ماشاء الله تبارك الله ))

بالتوفيق ..

كوسة مدعوسة_ أتشرف فيكِ وياهلا بأهل الدمام وشكرا على المعومات الحلوة
ماربيبل _ شكرا على المرور
حبيبة سعود_ تسلمي على المعلومات الحلوة وأكيد (بنقول ماشاء اللة)لأن هذا من طبعي وطبيعتي

بالتوفيق لك

أم مرحبا يالغاله أنا سويت الملكه ببيتنا
وكآنت الحفله بسيطه وهآديه وطلعت احلى مماتوقعت الحمدلله وانبسطت ماشاءالله علي خ
تصدقين كأنها حلم كنا حآيسين والوقت مو معانا
<< أجل وينه ههه
من جد كآن الوقت ضدنا بس الحمدلله تمت على خير
سويت كوشه بسيطه والكل انهبل عليها بصراحه طلعت خرافه ماشاءالله رغم بساطتها
وطول الوقت وانا مرتزه بالكوشه
<< مبسوطه اول مره تجلس على كوشه خ
والمعازيم رايقين وعددهم محدود حطيت اشرطه منوعه وحلوه انزنقت وتبهذلت بس الحمدلله تمت على خير ولاامداني الوقت اسوي كآسات او دفتر ذكريات
تخيلي كل هذا سويته بيومين بس لأن الموعد تقدم لظروف خارجه عن اراادتنا بس ياربي لك الحمد
الف الحمدلله والشكر له تمت الامور بسلام
والان انا حايسه اجهز للزواج
نصيحتي لكِ البساطه والله مافيه اروع منها
ودايم التكلف شين بالنسبه للدبله إذا انتِ مملكه باليسار وإذا خطبه بس باليمين
وطالما سويتيها بإسترااحه خليكِ مستعده وعلى الكوشه
ترى حلو وإنتِ تسلمين على النآس وتشوفين العالم من حولكِ يباركون لكِ ويرقصون قدامكِ مدري انا سويت كذا وانبسطت الحمدلله ///
هذا اللي اعرفه وحبيت افيدكِ فيه
والبساطه البساطه ياعيني ع البساطه : )
الله يوفقكِ ويسعدكِ ///
دعواتكِ ياحلوه
///
اللهم لك الحمد كما ينبغي لجلال وجهك وعظيم سلطانك

البناات كفوا و وفوا
و الله يسعدك و يوفقك