أجمل لحظات عمري مع حبيبي مشاركتي بالمسابقة

يسعد مساكم يا احلى فراشات
(( الحياة الزوجية لما تكون مليئة بالحب و الرومنسية و اللحظات الحلوة , هاد الشي ما بيعني انو ما في مشاكل و خلافات , لكن التصرفات الحلوة بتخلينا نصبر و نتحمل التصرفات السيئة و بتمشي الحياة بتوازن حلو ))
لما شفت مشاركاتكن بقسم الحياة الزوجية و الحفلات الحلوة اللي عملتوها , تشجعت و تحمست اني شارك معكم بعض اللحظات الحلوة الي عشتها مع زوجي الغالي
و بتمنى تعجبكن مشاركتي
انا تزوجت عن قصة حب , تعرفنا وحبينا بعض من بعيد لبعيد , بعد فترة تقدم لي وخطبني من اهلي , و بتاريخ 8-12-2010كان اول يوم بيعترف لي فيه انو بيحبني , اهداني باقة ورد احمر و هي الصور
بذكرى هاد اليوم بتاريخ 8-12-2011كنت حامل شهرين و تعبانة صحيا و مو قادرة اعمل ولا شي
زوجي حضرلي حفلة صغيرة مفاجأة و كتير حبيتها لانو ما كنت متوقعتها ابدا , كان قاعد بالبيت و الوضع طبيعي
بهالوقت بيخطط مع صاحبو عشان الكيكة و الورد و الشموع و انا ما بعرف شي
اتفق مع صاحبو يتصل عليه و يقول انو جاي يشرب عندو فنجان قهوة , انا قمت دخلت المطبخ و سويت القهوة و رحت غرفتي و قلتي لا بما انو مشغول شوي خليني ازبط نفسي و اعمل ميك آب
نحتفل مع بعض بذكرى حلوة حتى لو بدون ما نعمل حفلة كبيرة
بعد ربع ساعة دخل زوجي لغرفتنا و مسكني من ايدي و قالي تعالي معي , انا استغربت كيف اروح للصالة و صاحبو عندو ؟؟؟!!!
اانتبهت انو انوار الصالة مطفية و الباب مسكر , مشينا شوي شوي و غمضلي عيوني بايده و فتح الباب و دخلنا و قالي يلا فتحي عيونك
انا اتفاجأت و انبسطت كتير و صرت ابكي <<<<< نحنا البنات بنبكي بالفرح و بالزعل و بكل وقت ما بنوفر الدموع ابدا ههه
الحفلة كانت بسيطة كتيير بس عنجد حلوة و قضينا احلى سهرة
اول ما دخلنا كانت الانوار مطفية و قلت لزوجي خلينا ناخد صور للذكرى
مولع شموع و كاتب حرف اسمو و اسمي و قلب بينهم
و بالجهة التانية من الغرفة كاتب الحرفين بالشموع
و هي صورة الكيكة قبل ما نشغل الانوار
كيكة بالفراولة كاتب عليها ( بحبك أم عزاب )
و قبل ما نتزوج بينادوا لزوجي ابو عزاب لهيك كنت لسا ام عزاب خ
هون بعد ما شغلنا الانوار
يتبع <<<