أجمل هدية جابها لك زوجك

يا كثر الهدايا الي جاب لي حبيب الروح ربي يحفظه ويخليه لي الغاليه والرخيصه لكن مو شرط قيمتها اهم شي انه يتذكرك لكن بالنسبة لأجمل هدية أثر ت علي بوكيه ورد أحمر يوم ولادتي ومكتوب عليها
(أفتخر وأعتز تصيري أم عيالي يا الغالية)
والله وقتها نسيت الالالالام الولاده والعمليه وحسيت نفسي من جد غالية عنده .

فديته هو طبعا في كثير هداايا مالها عدد لكن احلى هديه لم ولدت جاب لي باقة وردو كاتب عليها شعر وربي فرحت بقووة ربي يخليه لي ولايحرمني منه
وربي يسعدك ويا زوجك

انا اهداني ورد اواكسسوار وعطور وكان عادي عندي
احسه هدايا تقليديه احب الهديه لماتكون شي غريب
والاحلى اذ انتي تبين شي ومافكرتي تقولي له بس هو حس وجااب احس لها فرحه واو
انا احلى هديه لماجاب لي الحبل >>حق شبرا امرا <<اعشق
هالريااضه موت هع
كانت احلى هديه
لاني ماطلبته يجيبه بس شافني مره انطط بحبل الغسيل خ
جاء بالليل وجابه معه
والهديه الثانيه كنت زعلانه منه جاب لي كرتون توفي وكرتون علك وكرتون حلاوه مصااص خ
حسيت اني بزر يبي يراضيها هع
ويصلمو صاحبة الموضوع

أحلى هدية باقة ورد قبل الملكة بشهر
كانت عبارة عن ثلاثين وردو حمره على عدد الأيام الباقية
وقال لي هذي عشان تقطفين كل يوم وردة ولما تخلص نكون لبعض
وفي شي ثاني أثر فيني بقوة
لما جابوا المهر كان ملفوف بكسوة الكعبة
وهذي كانت أحلى حركة مرت علي بحياتي
الله يحفظ لي حبيبي ولا يحرمني منه

كل هداياه لها معنى خاص عندي
بس احلى هديه بوكيه ورد يوم ولدت على كثر الهدايا االلي وصلتني كانت هديته اغلى
وكمان اهداني جوال لمس مره عاجبني الله لايغير علينا

كل هديه يجيبها لي لها معنى خاص
بس اعز هديه اثرت فيني الورد الي جابه لي يوم الملكه وطوق الورد الي لبسني اياه كانت ايدينه ترجف كثير

والله ماذكر انه جاب لي حاجه لها معنى حتى بولادتي ماجاب لي شي
وفي الاعياد حتى ماجاب لي شي
والاهم بعيد زواجنا لي 3 سنين متزوجه وكل مره اسوي احتفال بسيط ومرتين جبت له هدايا قيمه وغاليه وهو مره جاب لي كيكه بس تخيلوا مره جاب لي قمصان نوم بس
نفسي يكون عندي شي منه احتفظ فيه

والله هوه أغلى وأحلى هدية عندي الله يخليه ليه طول العمر يارب...... امين ....... واغلى هدية اهداني هيه يوم الشوفة الشرعية .......بعد ماشافني وعجبته اعطاني تعليقة وسلسلة دهب الله يسعده وياكتر الهدايا اللي يجيبها ولها معنى وطعم في حياتي

اهدانى بنتى