أحبك إيه

السلام عليكم
كيفكم ياأحلى فراشات؟؟؟
هذي خاطره من تأليفي وأردت أن أضعها في هذا المنتدى
وأريد أرائكم بكل صراحه
وأي نقد أتقبله بسعة صدر
أحبك إيه
أعزك إيه
أموت بترابك إيه
تقولي :
وهو
أقولك :
حدك
هذا بالذات لا توصله
هذا معزته تسوى الدنيا ومافيها
تقولي :
تحبينه
أقولك :
إيه
تقولي :
تعزينه
أقولك:
إيه
تقولي :
تموتين بترابه
أقولك:
إيه
تقولي:
ليه يابنت الأجاويد
تخونيني
ليه
أقولك :
الخيانة ماهي بحب الغير
الخيانة
لا كنت محتاج اللي تحبه ومالقيته
لا كنت محتاج حضنه ومالقيته
هذي هي الخيانة ياولد الأجاويد
تقولي :
ليه يابنت
تتعمدين نسيان حُبي وحضني
أقولك:
وش فايدة الحب بدون صدق
وش فايدة الحضن بدون الشعور به
تقولي :
واللي شفتيه
معقول صادق بحبه لك
معقول صادق بحضنه لك
أقولك :
إيه صادق
واللي خلق السماء السبع
صادق
تقولي :
يابنت القلب مايحب أكثر من واحد
أقولك :
ياولد ما تجبر روح على روح
تقولي والدهشة بعيونك :
تنسيني يابنت الناس
تنسين حُبي لك
تنسين أيامنا
يابنت
وش حال القلب اللي حبك
بعد بعدك وهجرك له
أقولك:
إذا ما تعيش من دوني
إذا ما تاكل من دوني
إذا جابوك عند بابي
ويقولون مات بعد هجرك له
ماصدقت
تقولي :
كل هذا حقد علي وكره لي
أقولك :
ياولد الناس قلبي مايفتح بابه للحقد والكره
تقولي والغيره والحسره بعيونك :
أجل هذا حب
أقولك:
أه أه أه ياقلبي على حبه
تقولي :
من هذا اللي أخذك مني
وسرق قلبك
وسحرك بحبه
أقولك:
هذا أبوي
أبوي
اللي رباني وحافظ علي
ياولد الناس
هذا أبوي
أبوي
اللي أهداني قلبه بكل ثقة وطمأنينة
هذا أبوي اللي حبني بصدق
هذا أبوي اللي حضني بصدق
هذا أبوي لا طلب عيوني
مابخلت فيها عليه
هاه يالغالي تعذرني في حبه
تقولي والبسمة على وجهك :
أعذرك يابنت أبوك
لك الحق في حبه
لك الحق في حضنه
يابنت
وينه وين أبوك حبيبك
بوصيه
وصيه غالية
قولي له يحافظ عليك لأجل حبك له .