أحبه أكثر من روحي وحبه نساني رووحي خاص للنساء

ياكثر مانحب ويااكثر مانشتكي من الحب؟؟
ويااكثر مانووقع في نفس المشااكل؟؟ ومانتعض!!
عزيزتي الزووجه وغااليتي الفتاه
افهمي نفسك اولا ثم افهمي الرجل ثانيا ..
اقراي عن الرجل وعن طبيعه خلقته .. لا تعاملينه كانه انثى (وتفكرين انه يفكر نفس تفكيرك) هو مختلف تماما ..
تفسير الحب عند الرجل هو غير تفسيرك انتي.. (والشرح يطوول فيه)!!
ارجوك لا تحبين بالعمى تحت مسمى الحاجه للحب وتفقدين نفسك؟؟
ايه انا اشعر برغبه للحب وانتي وهي وكلنا .. طبيعه الانثى عاطفيه بل العاطفه هي تكوينها
لكن لاتخلين احد يذلك باسم العاطفه ارجوك ..
ثاني شي ..
مهما حبيتي احد احرصي دائما تخلقين مساحه بينك وبينه .
حتى لو كان زووجك او صديقتك .. هالمساحه بتحميك يوماا ماا !!
يعني حبي زوجك ايه استمتعي بالحب الحلال .. لكن لا تتلاشين قدامه لا تمسحين شخصيتك
ولا تتجااهلين نفسك .. .. ابدا .. خلي مساحه لك خاصه
قد يخوونك او قد يبتعد عنك او تقد تفقدينه لا سمح الله هالمساحه بتحميك ..
لاتجين وتقولين انا ضحيت بنفسي ..انا احب اللي يحب واكره اللي يكره ..انا ناسيه نفسي
وصايره مااشوف في الدنيا الا هو لالالا صدقيني هذا خطا .. لان الحب اولويات ..
اولويات الحب ( حب ربي @ حب نفسي @ حب اولادي @ حب اهلي @ حب زوجي )
(أدري الي تحب زووجهاا بجنوون رااح تلومني لأني خليته في النهاايه)
ولكن حتى لا تفقدي عقلك عند فقدانه؟؟ او عندماا يجيك يوم وتتأكدين انه ما يستحق
كل هالحب الي اعطيتيه أياه وتجلسي تندبي حظك ونفسك على كل ايامك معاه!!
وتقوولين وأسفاه على ايامي الخووالي!!! ضيعت عمري ونسين نفسي!!
اولها تحبين ربك
يعني هاللي تحبينه لو امرك بمعصيه لا تطيعينه لانك تحبين الله اكثر
.. يعني انه ماتنشغلين عن ربك بهاللي تحبينه نهائي .. (حب الله أولا يحبك الله)
بعدها تحبين نفسك .. انتي فلانه قبل العرس وبعده نفس الاشيا اللي تحبينها نفس الافكار ..
صح انه بيتغير اشياء طبيعي لان حياتك تغيرت .. ولكن شخصيتك مستقله!!
لكن لاتمسحين نفسك من الوجود علشان بس تزوجتي وتحبين زوجك !!
تحبينه ايه بس مايمنع انك لك راي خاص لك ذوق خاص .. (لاتذوبين شخصيتك ويصير كل شئ يقوله صح )
لاازم يكوون لك رأي وفكر؟؟ ماهو معنااته تسيرين على مبدأ خاالف تعرف لا هذاا مو قصدي!!
حبيه احترميه احتوويه ولكن اعطيه رأيك بكل عقلانيه !!
واعرفي انكم مهماا حبيتووا بعض مستحييل تكوونون شخص وااحد ؟؟
طريقة تفكير الرجل غير طريقة تفكير المرأه؟؟ طريقة استيعاب الرجل لبعض الموواقف غير المرأه!!
لازم تحطين في باالك هالشئ يالغااليه ((وهذا سر التكامل بالحياه الزوجيه لو كنتو متشابهين صارت الحياه ملل ))!!
تجي وااحده تقولي وش فايدة هالمسااحه ياحنان واحناا نمووت في بعض ؟؟ بدل ماتقولين تقربي منه أكثر؟؟
الله يسلمك يالغلا المسااحه هذي حتى انه لاسمح الله صاارت مشكله كبيره بينك وبين زوجك؟؟
أو اكتشفتي خياانته او غدر فيك او تزوج عليك لاسمح الله .
ماتتحطمين وتضيق بك الدنيا بس لانك كنتي مدرعمه معاه وناسيه حالك وفجأه عطاك كف صحيتي من بعده !!
خليك صاحيه من البدايه ..((ورددي اغنية راشد الماجد صااحي لهم))
مااقول افترضي سوء النيه بزوجك لالا .. بس احمي نفسك من أي طارئ يكون ومافي حياه بدون مشاكل !!
مع صديقتك ..
تحبينها تموتين فيها الله يخليهاا لك ويديم المحبه بينكم ولكن لاتدخلينهاا غرفة نوومك وتفشين لها
كل اسرارك الزووجيه؟؟ وتحكين لهاا عن زوجك ومحااسنه وغيره!!
وبعدها ((خاويني واخاويك وآآخذ رجلك وأخليك)) ترى الدنيا مااعااد فيهاا أمان وعندناا من قصص
الصديقاات وحتى الأخووات الي خطفوا ازوواج صديقااتهم مايشيب له الرأس فأحترسي لاتقولي ماحذرتك!!
وبعدين ماله دااعي هالالتصاق العجيب .. ايه تحبينها الله يزيدكم لكن توقعي دائما انه ممكن يحدث شي .
اقلها تموت مثلا ! مابي اكون سيئه بس وربي احيانا نكوون عمياانين ومانفتح عيوننا الا بوقوع الصدمه
بعدها عاد تعاالو وتعالجو اكتئاب امراض مزمنه وغيرها !!
ليش لاننا مانفكر طويلا بالامور لاننا نفيض مشاعر ونخليها تقودنا بدون أي كنتروول ..
حتى امكم وابوكم وكل الناس لا تعلقون فيهم لحد العمى ..
حبيهم احترميهم كل شي مااختلف معك لكن توقعي خسارتهم في يووم من الأياام وما داايم الا وجهه الكريم
اذا حستي بهذا الشعور فعلا .. بتكونين اكثر وعي اكثر صبر عند حدوث المشاكل .. اقل امراض نفسيه ..
كووني أكثر تعلق بالله لانك بالنهايه تؤمنين حق الايمان ان الله الباقي ومن سواه سيفنى ..
لما يكوون ايمانك مالي قلبك بتكونين اقوى .. واصفى ذهن وأعقل ..
اتمنى اني قدرت أوصل فكرتي ولوو ان افكااري مشووشه هاليوومين!!
ورغم كل ذلك الحب هوو أسمى وأجمل وأنبل عاطفه توولد في قلب البشر@@
ولكن للأسف قليل من يحاافظ عليها ويسقيها ويرااعيهاا!!!
وقليل منا يدرك اننا قد نملك قلب شخص بصعووبه باالغه؟؟
ولكننا قد نخسره بدوون مقدمات!!
وقد نستحووذ على قلب الكثير وننعم بحبهم ولكن قلبنا لايحب الا شخص بعينه
ويرفض غيره!! وسبحان الله وبحمده@@
أعجبني ونقلته لكم