أحلى تشيز كيك لا تفوتونه

السلام عليكم ورحمة الله وبركاته
هذا أول موضوع لي بالمنتدى و إن شاء الله يعجبكم
أنا أموت بالتشيز كيك وكان ودي أضبطه صح وكم مره سويته ويطلع حلو بس ما كأنه تشيز كيك إلى أن اخترعت الوصفة السحرية وهي كالتالي :
المقادير:
الطبقة الأولى :
بسكوت شاي مطحون + اصبع زبدة صغير (مذاب)
تخلطينهم زين وترصينهم بالصينية.
الطبقة الثانية:
9 حبات جبن كيري .
3 بيضات.
علبة قشطة التاج أو أي قشطة مماثلة.
رشة فانيلا.
نصف ملعقة صغيرة بيكنج باودر + رشة خميرة فورية.
ملعقة كبيرة دقيق.
فنجالين سكر.
طبعا" هذي المقادير مقدار واحد بتطلع قليله مره علشان كذا أفضل أنك تسوين مقدارين أو ثلاث
نجي للطريقة:
1- اخلطي كل المقادير بالخلاط واسكبي الخلطة في صينية دائرية (أو أي صينية تحبين) بس أفضل تكون متحركة الجوانب
2- ادخلي الصينية في الفرن بالأول تكون النار مفتوحة من تحت لمدة 10 دقائق وبعدين افتحي النار اللي فوق إلى أن تتحمر شوي وتنضج .
4- ضعي الكيك بالثلاجة لتبرد (اللي مستعجلة تحطها بالفريزر)
5- إذا بردت الكيكة طلعيها و حطي الطبقة الأخيرة و هي إما تكون مربى التوت الخاص بالحلويات أو خلطة الشوكولاتة (أنا مرات أخلي نص توت ونص شوكولاتة يطلع شكلها روعة وترضي جميع الأذواق)
و أنا أفضل خلطة السنكرس و هي كالتالي :
3 حبات سنكرس ذوبيهم على النار مع شوية مويه وبعدين ضيفي ربع كاسة شاي مويه مخلوطة مع ملعقة صغيرة نشاء وخليها إلى أن تغلظ شوي و بعدين برديها و صبيها عالكيكة <= = يا الله تخيلت شكلها من زمان ماسويتها
وبالهناء و العافية وإن شاء الله أعجبتكم