أحلى عيوب الزوج بطريقه خفيفه للوناسه والضحك

1. لول وهذي احلى عيوب زوجي وحلولها ومن العباطه ما نفع ....

طبعا كعادتي الشبه سنويه صارت هه بما اني كل ما كتبت موضوع كلوني بقشوري بس الظاهر مافيني فايده بكتب موضوعي و وكالعاده نبي ابتسامه وضحك شوي والله شبعنا نكد وتعقيد
أحلى عيوب الزوج من نظرتي الزوزويه:
1-عنيد واحب اخليه يمشي كلامه هه لانه بالآخر يرجع ويسوي اللي ابغاه (مسكين استحى اني قلت اللي تبي حبيبي سويه ههه)
2-يحب اسحب منه الكلام (وهذي اححلى عيوبه بما اني وحده نفره ثرثاره ولا اصك حلقي اقعد اثرثر وادف اسئله بكلامي علشان يتكلم هه)
3-يعصب بسرعه خياليه ولا سونيك ايام الكرتون (اللي يسمع يقول ما اتفرج الى الآن) وعصبيته زي العسل على قلبي لول لانه اخر كلامه الا يضحك ويموت ضحك يدري اني بقول اي شي يقلب الوضع وناسه.
4- يووه مابي اروح بيت اهلك بس انتي تجين بيت اهلي( للأسف ما يدري اني محضره ابوي عند الباب هه علشان يسحبه المشكله بالآخر انا اللي اطفش ببيتنا وهو اللي طاقها ضحك ووناسه)
5-يزهق علشان يصحى (ولا ست ميه ألف مره قوم اصحى حبيبي قلبي تحرك عاد دوام واخر حلولي اللي توصلت لها افلت ولد اخوي عليه عاد ما يعصب لانه يموت بولد اخوي)
6-يموت في الرد والبدل هه مثال قصير اوف فكيني توي راد من الدوام , ام الزوز: اوكي بس مو مبين من وين تنفك اجيب فتاحة العلب وارجع , ابو الشباب:بايخه , ام الزوز :وريني شطارتك طيب يا خفيف الدم وعلى هل حال لين آخر الليل واحيانا تمسك عناد يومين ثلاث
7-يكره السوق والزحمه ههه ( لحظه الوصول خلصي بسرعه ترى ما احب الفلفه , ام الزوز : حاضر تامر امر خمس دقايق ابدى احسب , ابو الشباب : يلا بديت اتضايق ام الزوز: نظره حزينه وحزن عارم في الصوت بس انا كنت ابي اشوف التي شيرت اللي بالمحل الفلاني

لول وهذي احلى عيوب زوجي وحلولها ومن العباطه ما نفع ....

لول زبده الموضوع طول البال , ودايما اذا يتأفف ولا ما يبي ولا ايش يقول حطي نفسك مكانه بتلقي نفسك تقولي معاه حق باستثناء الكلام ههه طلعي منه لو ما يسولف سولفي وكل شوي دخلي عليه هااه شسويت بالدوام عسى مو تعب طلع ويا ربعه سولفي قولي عااد مليت اليوم بدونك بس اهم شي انبسطت انتا قولي رحتو مهقى غيرتو جو تلقينه بدى يتكلم
وسلامتكن ألف سلامه