أخواتي المتزوجات أريد منكن النصيحة

الله يسعدك يا اخةي ويوفقك في حياةك
انصحك انك ةكوني علاقاة مع المةزوجاث ملاحظه حرف الةاء مايكةب عندي ارجوان ةفهميني
واذا كان زوجك بنفس سنك مع العشره ةاخذي منه وياخذ منك لاةسةعجلي عليه وحلو ان الزوجه ةعمل لزوجها
احةرام علشان ةكبر بعينه بعد او كوني لك صداقاة من اهلك وقرايبك وطلعي معهم علشان ةقدري ةاخذي عليهم وةسأليهم من غير احراج
والحياه اكبر مدرسه
اةمنى لك الةوفيق
او عذرا على الحرووف

ياحبيبتي روحي المكتبه وشوفي كتب يخص الحياة الزوجيه قبل وبعد وألاحترام لازم منه

حبيبتي لازم تشوفي لك صديقة او خالتك او زوجة خالك اي احد يجلس معاكي ويرشدك
اما خطيبك فلازم تحاولي تحترميه لانه قرب زواجكم فلا تبداي حياتك بنقطة سوداء على زوجك
حبيبتي انشالله ربنا بيسعدك انتي وزوجك يارب والف مبروك

يا اختي اكبر مرجع عندك النت
منتدى الفراشة في كتير مواضيع في قسم الحياة الزوجية اقرأيها وراح تستفيدي منها وعالم النت عالم واسع شو مابدك بتلاقي
غير هيك عندك المكاتب روحي المكتبة واشتري كتب بتتكلم عن العلاقة الزوجية وكيفية احترام الزوجان لبعضهم
وغير هيك شوفي حدا من عائلتك تكون قريبة منك
يعني في عندك طرق كتير
وخطيبك حاولي تحترمي وتاخدي بالمسايسة والكلام الحلو حيلين معك واذا بيغلط حاولي تنبهي على اخطائه لكن بأسلوب حلو ان شاء الله راح يبطل طيشو
تمنياتي لك بالتوفيق

مبروك مقدما اولا
وثانيا حاولي تبتعدين عنه علشان تشتاقون لبعض الى وقت العرس
والامور الزوجية اللي تجهلينها ما توقف على لبسة الدبلة بأي يد ؟؟
الامور الزوجية حاولي تقرين عن الاشياء الخاصة والاشياء الطبيعية و النصايح بس اقري منتدانا وتفهمين كل شي
بالحياة الزوجية ، واي شي ما تلقينه بس سالي الفراشات
ومن ناحية الاحترام شي جميل اذا انتي عارفة وملاحظة نفسج ، وهذي اول خطوة للاصلاح
انتي افرضي احترامه عليج علشان بنفس الوقت هو يلاحظج ويحترمج
ودايما كلميه بجدية بمواضيع حياتكم ومستقبلكم والمصاريف وغيره وغيره علشان يحس
باللي جدامه ويحاتي ويخطط ويصير جدي ويخفف من الطيش
يارب تشافي بنتي بس قوولي آمين

مبروك ياعروس
الحياة الزوجية مسؤولية لازم تكونين مستعدة لها
مو شرط تكونين عارفة كل شي بالعكس .. حلو احيان تكونين غبية عشان يحس زوجك انك صغيرته اللي هو علمها كل شي
اا تزوجت وعمري 17 وااله ماكنت اعرف شي الا ان فيه شي يصير بس كيف ووشلون وليش ولا ادري وشوي شوي هو علمني كل شي وطبعا الصداقات الطيبة تساعد في كثير اشياء
المهم والمهم والمهم الاحترام
انت لازم تتعودين تحترمين زوجك لانه ببساطة ((((((( ز و ج ك )))))))
يكفي تفكرين انه هو امانك وهو مصدر استقرارك وهو المسؤول عنك في كل شي عشان تحترمينه
السن مو مشكلة وزوجك مو صغير 24 كفاية
وكمان كونكم من نفس السن ترا هالشي يخدمك لان تفكيركم بيكون كثير متقارب مع ان البنت لما تتزوج تكبر اكثر من عمرها بس مايلغي التقارب في التفكير
وكوني له عون على الحياة بيكون لك خاتم يزين اصابعك
والله يوفقك يارب

معليش ياحبيبتي انا يمكن اعاني نفس مشكلتج انا و خطيبي بنفس العمر و انا اكبر منه بكم شهر و مثل ماقلتي احسه طايش و متهور و ساعات يتصرف مثل المراهقين و حتى الاطفال
بس انا مانتقص منه ابد بالعكس اعامله مثل الطفل اخذه بالكلمة الحلوة بالحنان و الطيب و لما مايهتم في نفسه ازفه زف و حتى مرة سحبته من اذنه للسيارة ووديته الطبيب و هو فرحان و مستانس لان يتدلع على كيفه كانه اصغر عيالي
اذا كان زوجج من نفس هالنوعية استحمليه لان بوقت الجد راح تلاقينه طايش و مايتحمل المسؤولية اهني دورج انتي تصيرين عاقل و فاهمة و تاخذين الامور بحكمة و صدقيني ترا و شاف منج كل هالعقل راح تكبرين في عينه و يحترمج و مايسوي شي الا بعد شورج
بس مثل ماقلت لج ابد لاتحسسينه انج افهم منه او احسن منه في شي ولا تنتقصين منه و تنتقدينه ابدا لان راح يعاند و يسوي العكس
و حاولي كثر ماتقدرين تقربين العلاقة بينكم اخذيه بلطافة و حنان و امشو مع بعض خطوة خطوة حتى في امور علاقتكم الخاصة لما تقربون من بعض و تفتحون قلوبكم صدقيني الحواجز راح تطيح و مابتحتاجين خبرة احد ولا نصايحه
اما والدتج الله يخليها لج فمن حظج انها صغيرة و قريبة من عمرج و انتي اكبر خواتج المفروض تكونون صديقات و انتي خلاص حرمة يعني لازم تاخذين بنصيحتها و تستشيرينها و صدقيني ترا نصايح الام مافي مثلها
الله يتمم لج على خير و يسعدج مع زوجج و يرزقكم الذرية الصالحة

الشوق عطري
أمين يارب ويسعدك إن شاء الله
والله ييأختي حاولت أكون علاقات مع متزوجات
لكن للأسف صديقتي الوحيدة وهي متزوجة كانت تحكي لي عن أشياء
وربي إني كرهت شيء إسمه زواج من كثر ماخوفتني
أذكر اني سمعت منها بعض القصص ظليت بعدها أسبوعين مو قادره انام من الخوف
أنا أخاف أسأل وأستفسر يزيد خوفي
خصوصا إن كل المتزوجات حولي يشتكون ويقولوا ندمانين انهم تزوجوا
مشكوره أختي الله يسعدك ويعطيك الف عافيه يارب
\\
أختك // سحر

بلسم جده
ان شاء الله راح أشوفها واقرأها
مشكوره أختي الله يعطيك الف عافيه يارب
\\
سحر