أخي يكشف جسدي امام أبي وزوجي يبتسم

هاي على أحلى فراشات
انا فرشة جديده أتمنى أكون عند حسن طنكم
انا اليوم راح احكيكم عن موقف ياراب مايتكرر
انا متزوجه من 3 سنين وعندي بنوته حلوة
المهم مرة من المرات زعلت من زوجي على سبب تافه
وسويت فيها زعلانة وخلاص أبغى أروح عن أهلي>>>بيني وبينكم من زمان مازعلت منو وجاي على بالي أزعل
رحت بيت أهلي والعاده انا ما أطول عن 3 أيام لاني من جد أحب زوجي وهوا يتعب لما أنا أكون بعيدا عنو والسبب التاني إنو أبويا مايخليني أزعل أكثر من 3 أيام والمرة هذي طولت وجلست إسبوع
بيني وبينكم مرة أستغربت سكوت أبويا وزوجي المكسين كل يوم يجي البيت عند أهلي وكل ساعة يتصل ويرسل مسجات وانا مسويه فيها ثقيله ومن جوا أتقطع علية
وتاني يوم جاني أبويا وقال لي أسمعي يابنت اليوم في الليل زوجك راح ياخدك جهزي ملابسك وملابس بنتك وانا خلاص سويت فيها البنت المجروحه ولا وما أبغى وماأبغى أرجع معا
المهم في الليل جو كل أخواني الكبار والمزوجين وزوجي؛ وكانت أيامها برد وكاني في عندي طقم مرة يجنن زوجي ينخبل علية معا أيس كاب وحركات يعني طبعا لبستو عشان أوري أنو أنا مهتمى بنفسي بيك وبلاك
ونزلت وجلست وسط أخواني وأبويا وكان زوجي قبالتي وطبعا ماشال عيونو مني >>>ذكرني بيوم الشوفه
المهم ابويا قال لي ها بترجعي مع زوجك ولا ؟
قلت لو لا طبعا مني راجعة
قال لي منتي راجعه طيب
وواحد من أخواني إسمو رائد هذا أكثر واحد من أخواني أستحي منو وأسوي لو حساب
قام أبويا قال يارائد قوم فسخ أختك ملابسها طبعا الكل اتفاجأ وزوجي المسكين عينو طارت في راسو
قالو رائد كيف يا أوبويا قالو لا كيف ولا شي أنا راح أفسخها وطبعا أنا جري ورى زوجي من غير ما أحس لقيت نفسي أتحامى بي من أهلي
وطبعا أبويا لسانو مرة حلو راح قالي يالبوة لما كشفتي جسمك كشفتي على زوجك ما كشفتي على أبوكي وأخوانك ولما جيتي تتحامي أتحاميتي بي ومسويه زعلانه منو هيا أمشي أنقلعي على بيتك وزوجي راح حضني وسلم على راسي ووعدني إنو ماراح يزعلني المسكين مايدري إنو السبب تافه بس انا جاي على بالي أزعل بس أخذت جزات الدلع من أبويا وبعدها حلفت ما أزعل وأروح بيت أهلي ومن يومها أبويا كل مايشوفني يقولي أفسخك البلوزة
هيا إيش بيكون موقف لو كنتي مكاني ؟؟ أنا طبعا جلست أبكي يومين ع الموقف السخيف الي سار فيها وراح أقولكم زوجي إيش قال بعد ما أشوف ردودكم يلا تشاو