أربع أنواع من الرجال كوني حريصه تختاريهم أزواج تعلمي كيف تختاري زوجك

1. ثاني شي نبدأ بالصفاات ..

مرحبا بنات كيفكم ..أول شي انا مو مزوجة بس الي حثني أكتب الموضوع خبرتي ومعلوماتي والقصص الي مرت علي من ناس بقربولي...والسبب الرئيسي خوفي على أخواتي الفرشات ..والموضوع أنا كتبته شخصيا من غير نقل اي حرف او اي قصه كله من حياتي ...وأنا ما بمنع نقل الموضوع بالعكس أنا بتمنى نقله بشرط كتب كلمة منقوول..والله يسعدكم بنات نبدأ بالموضوع...
أنا مع اني مو مزوجه بحب اشوف مشاكل البنات في قسم الزوجية ..ومع المشاكل الي شفتها بحياتي من ناس بقربولي استنتجت 4 صفات اذا كانت صفة وحدة منهم بالرجل واجا طلبك حذاري توافقي عليه..ولو كنتي مخطوبة له اتركييه والله يعوضك خير منه... نبدأ
أول اشي ازا اجاكي عرييس استخيري لانه ما حدا بعرف طبيعته الكاملة غير ربة...

ثاني شي نبدأ بالصفاات ..

1- البخيل :السبب لو يشوفك بتموتي من الجوع ما بحط ريال عشان يطعميكي ومستعد يهيينك عشان الرياال ويحرم اولادك من كتير شغلاات وانتي كأم راح تحسي بتأنيب الضمير لانه اولادك مو متل الاولاد التانين يعني بشترو العاب وملابس وغيره...
قصة :بنت جيرنا بعرفها معرفة بعيدة..اسمعت انها خطبت وبعد 4 سنين انها اطلقت لما امها زارتناا حكتلنا قصتها وهي كلأتي: البنت لما تزوجت شرالهاا دهب وصباحية العرس باع الدهب وكان السبب ال الدهب مو مهم وانو بده يصرف عليها ويطعميها بالمال الي اخذه من سعر بيعة الدهب...البنت سكتت واختارت انها تكمل معة على أمل انة يتغير(مستحيل البخيل يسير كريم)
كان يعطيها مصروف باليوم 10 قروش يعني نص ريال..تصورو زي بنت المدررسه وصبرت علييه وهي طيبه البنت زي الطفلة وكان سبب طلاقهاا ضربهاا ونزل الدم من انفها وتمها احزروو ليش.؟؟؟
لانها نسيت خاتمها أكسسوار يعني مو دهب ولا ففضه عند اهلها وكانت النهاية الأنفصاال ...وعندها بنتين خيرها خياارين تاخدهم مقابل مصورف شهري 20 دينار يعني 100 ريال شهري او تشوفهم مره بشهر اختارت انو يضلهم مع ابوهم لانو وضعها ما يسمح تصرف عليهم...
قصة 2: بنت خالي خطبت رجال دكتور سنان بامريكا يعني معاه فللوس الدنيا وررده ما اهداهاا ورفض يعمل عررس بده يكون حفلة صغيره بالبيت ههه شر البلية ما يضحك بس الحمد لله فكت الخطبة..
2- الصفة التانيه (الشكاك): أذا تفرجتي يمين او شمال يعني بتتفرجي على غيره اذا كنتي فرحانه يعني على علاقه تانيه مع غيره ازا اشتريتي قمييص نووم يعنني انتي اشترتيه لغييرة..
قصه: صاحبة أمي اللزم تزوجت محامي وجابت منه ولد كانت كل ما تركب معه السياره وتتفرج لجنب يعني من الشباك يفكرها تتفرج على الشب الي بسياره يضربهاا كفف ويحكيلها تفررجي قدام<< حسيت حالي بمددررسة ووصلت معه مره اتهمها انه الولد مش ولده الا من وين جابته؟؟؟؟ وهي بنت عيلة محترمه ومسكييننه واطلقت وخلصت منو الحمد لله ..
3- صفة ثالثه(النسونجي): ههه ما بدها حكي لو تزوج ممثلة او حور عين ما بشبع بده كمان وكمان بينما الغير نسونجي لو مرته قررده بشوفها مللككه...
قصة :سكرتيره كانت تشتغل بمعهد كنت اوخذ فيه دورة وحكتلي قصتها: بعد 15 سنة زواج لاقت دبله في سيارة زوجهاا ..بعد ما تحملت مررضه الخبيث وبعد ما سلم من المرض راح يشووف غيرها...
يا تعبها وشقااها
4- صفة رابعة حبيب الماما ههه خاروف امه او التابع لامه او عديم الرجوله الي بدكم اياه سمووه :
طبعا هاذا النوع بفكر حاله اذا سمع كلام امه حتى لو الام غلطانه يعني هو يبر بامه بذل مرته وبعذبها عشان امه (العجووز الشمطااء) ههه يا كثر القصص على هالنوعياات ما ضل رجال بالمجتمع ههه بحكيلكم قصة بس.
قصة :محاسب بشتغل عند بابا بالشركة طلق مرته ولما ابوي سأله السبب.... كان كلاتي ههه خايفه احكيلكم تطردوني من المنتدى بس بدي احكي...بحب مرتوو كتير كتير وعايش بعذاب من دونها وهي تترجاه ترجعلو يعني هومي التنين بحبو بععض لدرجة المووت..بس الام ما بدها اياها ..وهو تفكيره ال الزوجه تتعوض بدال الوحده 10000 بس الام ما تتعوض ويخاف من زعلهاا ..ما بعرف انه لزم عليه يرضيها باي كلمه وما يسمع كلامهاا بالغلط..غير انه امه عندها مفتاح لبيته ههه ماتلاقيها زوجته غير فوق راسها الساعه 6 الصبح ههه...
بنات ستدقوني بدي افيدكم لا تحكي انه راح يتغيرر مستحييل يتغير..ديرو بالكم على حالكم وادعوولي وبدي طلب كل وحده عندها قصه عن هالصفات تكتبها عشان يستفيدو البنات امانه لا تبخل علينا.. سلام