أرجو المساعدة صبغت باذنجاني وأبي هاي لايت ما الحل

قطوة

12-07-2022 - 09:46 pm

السلام عليكم يا بنات
شلونكم ؟؟؟؟
سمعوا سالفتي يا بنات ... أنا صبغت اول أمس بالصالون ( لون سكلامي ) يعني باذنجاني ..
طلع غامق جدا جدا جدا ... لأن شعري أساسا أسود فاحم !!!! وقبله ب 6 شهور كنت صابغة بني غامق ..
بس طلع شوية شيب وواضح عالشعر البني الغامق ،،، فقلت هالمرة اغير عن البني الغامق وأحط ( سكلامي )
المهم وايد اللون غامج !!!!!! صاير كنه أسود محمر ...
زوجي مو عاجبه اللون ،،، رحت لكوافيره مرة ثانية وسألتها عن الخصل !!!
قالت ما يصير لا ثلجي ولا أشقر لأني حاطة من قبل بني غامق ( وما ينسحب اللون بتطلع الخصل برتقالية ) !!!!
قالت فيه حل : أسوي خصل حمراء !!!!
لأ مابي أخاف أصير ( ديك رومي ) !!!!!!! ما وافقت ...
المهم ........ أبي مشورتكم يا بنات ودي باللون الزيتي مع خصل ثلجية !!!!!
متى أقدر أسوي هالصبغة ؟؟؟؟؟؟؟

التعليقات (7)

قطوة

13-07-2022 - 12:13 am

نسيت أسألكم بعد ..... أنا سمعت اللون الباذجاني بسرعة ينزل مع الغسل المتكرر للشعر .... صحيح هالكلام ؟؟؟؟
ومشكلتي ألحين ....شعري ناشف عقب الصبغة !!!! فسؤالي متى أقدر أحط على شعري خلطات وماسكات وزيوت لأني دايما أحط ( دابر املا ) بس أخاف يغير اللون ؟
ردوا علي لو سمحتوا !!!!!!!!

diva

13-07-2022 - 01:14 am

انا تقريبا مثلك... وما طلع لون الهاي لايت الا بعد ما نزلت الصبغه!!! يعني لا تتوقعين ثلجي الحين...
و صحيح اللون الاحمر بسرعه ينزل خصوصا ادا زيتي شعرك....
والله يعينك ... لكن السكلامي مره حلو بدون زياده الوان ...حاولي تحافضين عليه اطول وقت ممكن...

قطوة

13-07-2022 - 02:15 am

diva
وشلون أحافظ عليه ولا ينزل اللون بسرعة ؟؟؟؟؟
وضروري أحط زيوت والا بيتم شعري ناشف عقب الصبغة : (

قطوة

13-07-2022 - 03:16 am

ماشاءالله عليكم عدد الزيارات = 42 زيارة
ولا أكو وحدة ردت إلا ديفا ،،،،،
حياكم تفضلوا تفرجوا واقروا ولا تجاوبون أنا تعودت عليكم يا الفراشات صج أنانيات
لو بكتب خلطة ولا مقادير طبخة ألف وحدة بدش وهي تضحك ومستانسة !!!!!!!
وحق المساعدة طاف وطناش
مابي أدعي عليكم الله يسامحكم !!!!!
بس عرفتكم ألحين على حقيقتكم !!!!!!!!!!!!!!!!!!!
في منتهى الأنانية

diva

13-07-2022 - 04:17 am

انا بصراحه خفت منك لما عصبتي فبارد عليك...
اول شي لازم تعرفين ان هاللمعه الحمراء ما راح تطول و بعدين بيبهت الشعر شوي...
و علشان تحافضين عاللون اطول وقت ممكن استعملي:
الشامبو و البلسم الخاص بالشعر الاحمر...وفيه كمان كريمات تصفيف واذا ما لقيتي منتجات الشعر الاحمر استخدمي متجات للشعر المصبوغ
و تجنبي..
الليمون سواء كان شامبو او تستعمليه بشكل اخر...
جميع انواع الزيوت...
حمامات السباحه... او اي ماء فيه تركيز كلور عالي
و ان شاء الله اكون افدتك...

diva

13-07-2022 - 05:18 am

قطوة
و الله توني اقراء اني مستثناه.... انا قريت بسرعه و عرفت انك معصبه و خفت... يالله نعيما

اصالة الشرق

13-07-2022 - 06:19 am

شلونج قطوة
اني قريت مشكلتج بملف الكويت والحين صدفة جابتني هنا وشفت مشكلتج
اني ما مجربة هذا الشي حتى اكدر افيدج لكن اي صبغة بالبداية تكون قوية وبتكرار الغسل راح يفتح اللون
يعني كثري غسل شعرك

الحقوني←
الشامبو الاحمر→