أرجو المساعده ولكم خالص الدعوات عرض عن استراليا رجاء لمن لديه خبره ومعلومات الدخول

سلام
كيفكم يا بنات وحريم وكل من لديه خبره مساعده او مغترب في استراليا
تساعدون اخت زوجي طلبت مني اساعدها واطلب منكم المساعده
عندها عرض عن استراليا
يعني نبي مثلا
1 وش الزي الاشهر في استراليا ؟؟ وش تقترحون يكون لبس القروب
2 اختراع اشتهرت به استراليا
3 تدلونها ع محل يرسم ع الملابس
4 محل او اي مكان في الرياض تلقى في علم استراليا
5 وين تلاقي محلات تبيع تحف ع شكل حيوانات .. لانها ودها تلاقي مجسم لحيوان ( الكنغر ) او تحف استراليه
6 مطعم استرالي في الرياض او يعرف يجهز بوفيهات من طبخات استراليه ... او طبخات من عندكم ومن خبراتكم عن الطبخ الاسترالي
7 عندهم فكره يوزعون ورق ع الحضور بشكل الملفوف بلشريطه ؟؟ اتمنى فهمتو علي ويبون منكم وش عندكم من خبره .. فكره .. شئ تتميز به استراليا يكون مكون هذه الورقه
بخصوص كاسات العصير وش بيكون افضل نرسم ع الكاسات علم استراليا او نجيب اشرطه بلون العلم ونربطها ع الكاس
هذا اللي متذكرينه للحين
بس رجا يا بنات ساعدوني نبي المعرض يكون على احسن ما يكون لانه بيحضره وكيلة الجامعه ويمكن بعض من السفاره الاستراليه
العرض ما باقي له شئ والقروب عندهم اختبارات مره شايلين هم الاختبارات وهم العرض ولو ساعدتوهم بتلاقون دعوه منهم
وعني من الحين بقول للي بتساعدني الله يجزاها خير ويوفقها ويسعدها ويرزقها كل ما تتمنى ... زوج ... عيال ... نجاح ... ويحقق كل ما تتمنى يارب
ولكم كل الشكر والتقدير