أرجوا المساعدة طالبتكم لا تردوني

هلا اختى الله يعينك ياقلبى بس ياليت لوقلتى لنا عدد الغرف
تنظيف يومى:المطبخ غرفه الجلوس غرفه النوم الحمام الرئيسى اذ احتاج(التنظيف اليومى يكون معتاد مثل ترتيب السرير وغسل الصحون وكنس الارضيه المطبخ وتنظيف الفرن وغرفه الجلوس ترتيب وكنس ومسح وكذا
تنظيف اسبوعى : السبت :غرفه النوم (تنظيف عام كنس ومسح الارضيه وترتيب الدولاب
الاحد:المجلس (تنظيف عام كنس ومسح
الاثنين :المطبخ(تنظيف عام حتى للدولايب مسحها بفوطه فيها ديتول وترتيب الثلاجه
الثلاثاء:الحمامات(تنظيف عام لجميع الحمامات
الاربعاء:غسيل الملابس
الخميس :الكوي
الجمعه:راحه من التنظيف الاسبوعى ومتابعه التنظيف اليومى
تنظيف شهري:للشبابيك ومسح المكيف
التنظيف اليومى يكون كل يوم حتى لو كان عندك تنظيف اسبوعى مثلا السبت غرفه الجلوس ترتيب معتاد كنس ومسح مع المطبخ غسيل الصحون وكنس مع غسيل الحمام الرئيسى اذ احتاج مع ترتيب الاسبوعى الغرفه النوم ترتيب عام اتمنا فهمتى على
واهم شى لايتكدس الشغل عندك وحتى الايدام للطبخ مثل الدجاج واللحم طلعه من فليل وحطيه بلثلاجه عشان يفك من الثلج وماتتاخرين الصباح وخلى شغالتك الحين تقطع لك بصل كميه كبيره وحطى كل مجموعه بكيس الشفاف وحطيه بلفريزر اريح لك ومراح يتغير وهذه بعد تجربه وماتروح الاوهى منظفه البيت تنظيف من قلب وحتى الملابس اذ نشفتيها بسرعه تنفضيها وعلقيها عدل عشان يسهل عليك الكوي لاتخلينها تطول وهى مكرمشه
واهم شى لانه عندك اطفال نام بكير تصحاء بكير اما الاسواق حاولى تروحين لها الحين مدام الدنيا امتحانات واذ فى امكانيه روحى العصر اخف للزحمه والله يعينك والله حاسه فيك

بسم الله يسعدني اكون اول من يردعليك انا تقريبن مثلك عندي ولدين وحامل ومااحب الشغاله ولا يمكن اني اجيبها بيتي الله لايحجني عليهم المهم انا بيتي كبير واسع لاكني قسمته قسمين قسم استقبال وقسم معيشتنا الاستقبال احاول دائم يكون نظيف واغلب تنظيفي له بليل اما الباقي اصحى الظهر واول شي اسويه ارتب غرفتي ثم ارتب غرفت اولادي وابدى احممهم واخليهم عند التلفزيون يتفرجو طبعن الصغير مايفهم كثير فمتعبني شوي وبعدها ادخل المطبخ وابدى في الغدا قبل يجي زوجي من الدوام اسوي اكلي واخلص على جيته طبعناحاول ترتيب نفسي ولو ببصاطه يعني اكون نظيفه وهاديهلما يوصل ابدى بتحضبر الاكل يكون البيت كله نظيف مابقى الا صحون الاكل المهم بسرعه وبعدها اجلس مع اولادي فترت العصريه او المغربيه وانومهم المغرب واذا عندي طلعه للجيران اروح واجي وهم نايمين عند ابوهم طبعن واليل احيانا نروح نتمشى ونتسوق ونتعشى ونرجع ننام احس اني مرتاحه ومااتعب لما اشوف زوجي واولادي مرتاحين وش لي بشغالات وبلاويهم الله المعين وفيه دعى اقوله لما اكون مرهقهبليل واقول اشلون راح اسوي شغلي بكره حديث عن الرسول صلا الله عليه وسلم فيما معناه انه دخل علا فاطمه وهي عبوس فسالها مابك فاجابت اتعبني العمل فقال لها لو قولتي قبل نومك سبحن الله والحمد لله والله اكبر ثلاث وثلاثين مره واكملتيها بقولولا الله الا الله وحده لاشريك له له الملك ولهو الحمدوهو علا كل شي قدير لما احسست بتعب او ارق وسبحان الله لما اقولها اقضي شغلي وانا مستانسه طبعن انا ربت منزل ماعندي شغل غير لا دراسه ولا شغل ومرتاحه والحمد لله ادعيلي ان الله يديم علي النعمه

مرره تسلموا يا ام جوان وجنى ويا امراة الارض والله اقول ان شاء الله اني اقدر ومني عارفة المشكلة نزلت السوق العصر ما اقدر نهائيا لأني زوجي يكون نايم وتاني شي بيتي كبير مكون من خمسة غرف وصالة مقسم قسمين قسم للصلون وغرفة الطعام وحمام وقسم كامل للمعيشة من حمامين وغرفة البنات وغرفة نومي وغرمة مجلس وصالة ومطبخ وان شاء الله ربي يعينني

غساله ملابس اتوماتيكيه ونشاف حراري وغساله الصحون
وترتاحي ان شاءلله وماتحتاجي الشغاله
الله يهون عليك وعلي
انا بعد اول مره من 8 سنين يجي رمضان وماعندي شغاله << :(